(vovworld) - ວັນທີ 28/6, ຢູ່ Brussel, ປະເທດ ແບນຊິກ, ສະຫະພາບເອີລົບ (ອີຢູ) ຈັດຕັ້ງວາລະປະຊຸມຄົບຄະນະພິເສດແນໃສ່ຮັບຮອງເອົາມະຕິກ່ຽວກັບບັນດາລະບຽບການເພື່ອໃຫ້ ອັງກິດຖອນອອກຈາກ ອີຢູ (ຫຼືເອີ້ນວ່າ Brexit). ໂດຍດຳເນີນກ່ອນທີ່ດຳເນີນກອງປະຊຸມສຸດຍອດ ອີຢູ, ວາລະປະຊຸມດ່ວນນີ້ ເພື່ອແນໃສ່ວາງອອກບັນດາບາດກ້າວທີ່ຈຳເປັນຂອງ ອີຢູໃນຕໍ່ໜ້າ, ເພືອຮັບປະກັນໃຫ້ກຸ່ມນີ້ບໍ່ຕົກເຂົ້າສູ່ສະພາບວິກິດການ.
ລັດຖະມົນຕີການຕ່າງປະເທດ ອາເມລິກາ John Kerry ແລະ
ຄູ່ຕຳແໜ່ງ ອັງກິດ Philip Hammond ທີ່ການປະຊຸມຂ່າວໃນວັນທີ 27/6
(ພາບ: AFP/TTXVN) ຂໍ້ຕົກລົງ “ຖອນອອກ“ ຂອງຊາວ ອັງກິດໃນວັນທີ 23/6 ຜ່ານມາ ອາດໄດ້ຮັບຖືວ່າແມ່ນ ບາດລ້ຽວປະຫວັດສາດຂອງທະວີບນີ້. ການອອກຈາກ ອີຢູຂອງ ອັງກິດ, ເຊິ່ງແມ່ນສະມາຊິກສຳຄັນໃນ ອີຢູນັ້ນ, ໄດ້ ແລະ ພວມວາງອອກບັນດາການທ້າທາຍໃຫຍ່ທີ່ສຸດໃນກຸ່ມ, ນາບຂູ່ຢ່າງຮ້າຍແຮງເຖິງບັນດາຄວາມມານະພະຍາຍາມເຊື່ອມໂຍງຕໍ່ໄປ.
ສະພາບການພາຍຫຼັງ Brexit ປະສົບກັບຄວາມຫຍຸ້ງຍາກ
ກອງປະຊຸມສຸດຍອດ ອີຢູ ດຳເນີນໃນວັນທີ 28 ແລະ 29/6 ໄດ້ຮັບຖືວ່າ ແມ່ນໜຶ່ງໃນບັນດາກອງປະຊຸມ “ເຈັບແສບ“ ທີ່ສຸດໃນປະຫວັດສາດ, ເມື່ອຢູ່ທີ່ນີ້ບັນດາການນຳ ອີຢູ ປຶກສາຫາລືກ່ຽວກັບ Brexit ແລະວິວັດທະນາການ ອັງກິດເຮັດລະບຽບການອອກຈາກກຸ່ມ. ຄາດວ່າ, ອີງຕາມບາງມາດຕາໃນສົນທິສັນຍາ Lisbon ກ່ຽວກັບອີຢູ, ວິວັດທະນາການດັ່ງກ່າວຕ້ອງເສຍເວລາເຖິງ 2 ປີ ຈຶ່ງສຳເລັດ. ເຖິງຢ່າງໃດກໍ່ຕາມ, ຕາມບັນດານັກສັງເກດການແລ້ວ, ວິວັດທະນາການດັ່ງກ່າວພວມປະສົບສິ່ງກີດຂວາງຫຼາຍຢ່າງ, ເພາະວ່ານັບແຕ່ກ່ອນມາຮອດປະຈຸບັນ, ຍັງບໍ່ທັນມີກໍລະນີສະມາຊິກໃດອອກຈາກ ອີຢູຄືໃນປະຈຸບັນ. ນອກນັ້ນ, ທ່ານນາຍົກລັດຖະມົນຕີ ອັງກິດ David Cameron, ຜູ້ປະກາດຈະລາອອກຈາກຕຳແໜ່ງ, ໃຫ້ຮູ້ວ່າ, ບໍ່ສາມາດປະຕິບັດບາດກ້າວທາງການເພື່ອໃຫ້ອັງກິດຖອນອອກຈາກ ອີຢູໂດຍໄວໄດ້, ຫາກວຽກງານດັ່ງກ່າວໂດຍນາຍົກລັດຖະມົນຕີຜູ້ສືບທອດຮັບຜິດຊອບ. ການລົງປະຊາມະຕິຫວ່າງແລ້ວນີ້ ບໍ່ຖືກຜູກມັດດ້ານນິຕິກຳ, ດັ່ງນັ້ນນັກການເມືອງບາງທ່ານໄດ້ສະເໜີໃຫ້ສະພາແຫ່ງຊາດອັງກິດ ປ່ອນບັດກ່ອນທີ່ດຳເນີນ Brexit ຢ່າງເປັນທາງການ. ອຳນາດການປົກຄອງ Scotland ໃຫ້ຮູ້ວ່າ, ອາດຈະປ່ອນບັດປະຕິເສດ Brexit. ຕາມຂໍ້ຕົກລົງລະຫວ່າງ ອັງກິດ ແລະ Scotland, Wales ແລະ ອາຍແລນເໜືອແລ້ວ, ກົດໝາຍໂດຍ ລອນດອນປະກາດໃຊ້ ເພື່ອແນໃສ່ຮັບຮອງເອົາຂໍ້ຕົກລົງອອກຈາກ ອີຢູ, ຈະຕ້ອງໄດ້ຮັບຄວາມເຫັນດີເຫັນພ້ອມຈາກ 3 ອົງການນິຕິບັນຍັດຂອງທັງ 3 ເຂດດັ່ງກ່າວ. ໃນຂະນະນັ້ນ, ວົງການການນຳ ອີຢູ ພັດຢາກໃຫ້ Brexit ດຳເນີນໄປຢ່າງວ່ອງໄວ, ເພື່ອແນໃສ່ຈຳກັດຜົນສະທ້ອນໃຫ້ແກ່ Brexit. ຍ້ອນເຫດນັ້ນຄວາມວິຕົກກັງວົນໃນປະຈຸບັນນັ້ນແມ່ນການໂຕ້ຖຽງກັນລະຫວ່າງລອນດອນ ແລະ ບັນດາສະມາຊິກທີ່ຍັງເຫຼືອຂອງກຸ່ມ ກ່ຽວກັບຈຸດເວລາ ແລະ ວິທີເພື່ອໃຫ້ ອັງກິດຖອນອອກຈາກອີຢູ.
Brexit ໄດ້ກໍ່ຜົນກະທົບຢ່າງຫຍໍ້ທໍ້ເຖິງດ້ານເສດຖະກິດ, ການເມືອງ ຂອງອັງກິດ, ແລະອີຢູ ໃນທັນທີ. ສຳລັບ ອັງກິດ, ຖ້າຖອນອອກຈາກ ອີຢູ, ເສດຖະກິດຂອງປະເທດນີ້ຈະຫຼຸດລົງແຕ່ 3,8%-7,5%. ບໍ່ພຽງແຕ່ມີການກະທົບເຖິງພື້ນຖານເສດຖະກິດເທົ່ານັ້ນ, Brexit ຍັງກະທົບເຖິງດ້ານການເມືອງຢ່າງຈະແຈ້ງອີກ. ເລື່ອງທ່ານນາຍົກລັດຖະມົນຕີອັງກິດ David Cameron ລາອອກຈາກຕຳແໜ່ງ, ມັນຈະເປີດສາກໃຫ້ແກ່ວິກິດການໃນພັກຮັກສາເດີມກຳອຳນາດ ກໍ່ຄືໃນລະບົບການເມືອງຂອງ ອັງກິດ. ມີຫຼາຍຄຳເຫັນຍັງວິຕົກກັງວົນວ່າ Brexit ຈະກໍ່ໃຫ້ເກີດສະພາບຊຸດໂຊມ ຫຼືວິກິດການດ້ານເສດຖະກິດອີກ. ສຳລັບ ອີຢູ, ໃນສະພາບ ເອີລົບສືບຕໍ່ປະເຊີນໜ້າກັບວິກິດການດ້ານເສດຖະກິດ, ການເງິນ ແລະ ບັນຫາຕ່າງໆຄືຊາວອົບພະຍົບເຂົ້າເມືອງ ແລະ ລັດທິກໍ່ການຮ້າຍນັ້ນ, Brexit ໄດ້ເຮັດໃຫ້ແນວຄິດສົງໄສ ເອີລົບເພີ່ມຂຶ້ນ. ກ່ຽວກັບດ້ານເສດຖະກິດ, ອີຢູ ຕ້ອງປະສົບສະພາບໜັກໜ່ວງບໍ່ແມ່ນໜ້ອຍ.ກ່ຽວກັບງົບປະມານ, 27 ປະເທດສະມາຊິກທີ່ຍັງເຫຼືອຂອງອີຢູ ຈະຕ້ອງເພີ່ມເຕີມງົບປະມານທີ່ຍັງຂາດເຂີນຂອງ ອີຢູ ພາຍຫຼັງ ອັງກິດຖອນອອກຈາກກຸ່ມນີ້. ກ່ຽວກັບດ້ານການຄ້າ, ບັນດາປະເທດທີ່ຍັງເຫຼືອຂອງ ອີຢູໃນປະຈຸບັນ ມີການຄ້າເຫຼືອປະມານ 100 ຕື້ເອີໂຣກັບ ອັງກິດ. ຕາມບັນດານັກຊ່ຽວຊານດ້ານເສດຖະກິດແລ້ວ, Brexit ຈະສ້າງບັນດາຮົ້ວກີດຂວາງດ້ານການຄ້າລະຫວ່າງ ລອນດອນກັບ ອີຢູ, ພ້ອມທັງເຮັດໃຫ້ລະດັບເຕີບໂຕທາງດ້ານເສດຖະກິດຂອງ ອັງກິດຊຸດໂຊມ ແລະ ເງິນປອນຂອງ ອັງກິດຖືກຫຼຸດລາຄາ, ຈາກນັ້ນສົ່ງຜົນສະທ້ອນຢ່າງຫຍໍ້ທໍ້ເຖິງການເຄື່ອນໄຫວສົ່ງອອກຂອງ ອີຢູໄປຍັງ ເອີລົບ.
ຮຽງບ່າຮຽງໄຫຼ່ກັນພາຍຫຼັງເຫດ Brexit
ປະຈຸບັນ, ຄວາມມີສະຖຽນລະພາບແມ່ນສິ່ງທີ່ຈຳເປັນໃຫ້ທັງ 27 ປະເທດສະມາຊິກຂອງ ອີຢູ ກໍ່ຄື ອັງກິດ. ຍ້ອນເຫດນັ້ນ, ໜ້າທີ່ອັນຮີບດ່ວນໃນປະຈຸບັນແມ່ນເຮັດແນວໃດເພື່ອຮັກສາໂຄງປະກອບໃຫ້ອະນາຄົດຂອງກຸ່ມໄວ້ຢ່າງໝັ້ນຄົງ, ປົກປ້ອງເຂດນຳໃຊ້ສະກຸນເງິນລວມ ເອີໂຣ, ສະກັດກັ້ນບັນດາການກະທົບທີ່ພວມເກີດຂຶ້ນສຳລັບເງິນປອນຂອງ ສັງກິດແລະ ໃນບັນດາຕະຫຼາດການເງິນ. ຍ້ອນເຫດນັ້ນ, ໃນຊຸມມື້ຜ່ານມາບັນດາການພົບປະດ້ານການທູດຂອງການນຳ ອີຢູໄດ້ດຳເນີນໄປຢ່າງລຽນຕິດ.
ໃນການໂອ້ລົມທາງໂທລະສັບເມື່ອວັນທີ 26/6, ປະທານາທິບໍດີ ຝລັ່ງ Francois Hollande ແລະ ນາຍົກລັດຖະມົນຕີ ເຢຍລະມັນ, ທ່ານນາງ Merkel ໄດ້ເຫັນດີຕໍ່ວິທີການແກ້ໄຂບັນດາສະພາບການພາຍຫຼັງການລົງປະຊາມະຕິໃນວັນທີ 23/6 ຢູ່ ອັງກິດ. ສອງຝ່າຍຢືນຢັນເຖິງຄວາມຈຳເປັນຕ້ອງມີການກະທຳ ເພື່ອສະກັດກັ້ນຄວາມເສຍຫາຍໃນ ອີຢູ. ປະຈຸບັນເຢຍລະມັນ ແລະ ຝລັ່ງ ໄດ້ຮຽບຮຽງເອກະສານທີ່ກ່ຽວຂ້ອງເຖິງ 3 ຂົງເຂດຕົ້ນຕໍສຳເລັດແລ້ວ, ໃນນັ້ນລວມມີການປ້ອງກັນຄວາມສະຫງົບ, ການເຂົ້າເມືອງ ແລະ ຫຼົບໄພ, ວຽກເຮັດງານທຳ ແລະ ການເຕີບໂຕ ເພື່ອໃຫ້ບັນດາສະມາຊິກ ພ້ອມກັນປຶກສາຫາລື. ຕໍ່ຈາກນັ້ນ, ການພົບປະ 3 ຝ່າຍ ລະຫວ່າງນາຍົກລັດຖະມົນຕີ ເຢຍລະມັນ, ປະທານາທິບໍດີ ຝລັ່ງ ແລະ ນາຍົກລັດຖະມົນຕີ ອີຕາລີ ຈະຖືກຈັດຕັ້ງຢູ່ນະຄອນຫຼວງ ແບກແລງ ຂອງເຢຍລະມັນ. ນະທີ່ນີ້, ການນຳທັງ 3 ທ່ານ ຈະເນັ້ນໜັກອີກເທື່ອໜຶ່ງເຖິງຄວາມສຳຄັນຂອງເລື່ອງຊອກຫາມາດຕະການສະກັດກັ້ນການກະທົບຈາກ Brexit ໃນກຸ່ມໂດຍໄວ. ເບິ່ງຄືວ່າ, Brexit ບໍ່ພຽງແຕ່ຢຸດຕິໄວ້ໃນຂອບເຂດເອີລົບເທົ່ານັ້ນ.
ແນ່ນອນວ່າໃນຊຸມມື້ຈະມາເຖິງ, ບັນຫາ Brexit ຈະໄດ້ຮັບການປຶກສາຫາລືຫຼາຍກວ່າອີກ. ອັງກິດຖອນອອກຈາກ ອີຢູ, ບໍ່ຮູ້ວ່າ ເອີລົບຈະມີຄວາມສະຫງົບສຸກຫຼືບໍ່. ບັນດາການນຳ ອີຢູພວມມານະພະຍາຍາມຊອກຫາວິທີແກ້ໄຂໃຫ້ຄຳຖາມນີ້. ແລະເຂົາເຈົ້າພວມລໍຖ້າກອງປະຊຸມສຸດຍອດ ອີຢູຄັ້ງນີ້, ອີຢູຈະເຫັນດີເຫັນພ້ອມດຳເນີນບາດກ້າວທຳອິດພາຍຫຼັງເຫດ Brexit , ເພື່ອຮັກສາກຳປັ່ນເອີລົບບໍ່ໃຫ້ໄປຫຼົງທິດຫຼືບໍ.