(vovworld) - ພາຍຫຼັງປີໃໝ່ປະຈຳຊາດແລ້ວແມ່ນລະດູການຈັດຕັ້ງບັນດາງານບຸນ, ແມ່ນລະດູການຂອງການທ່ອງທ່ຽວທາງດ້ານຈິດວີນຍານ. ໃນຊຸມປີມໍ່ໆມານີ້, ບັນດາສະຖານທີ່ທ່ອງທ່ຽວປະຫວັດສາດວັດທະນະທຳ, ວິຫານ, ວັດວາອາຮາມທີ່ໂດ່ງດັງຂອງບັນດາເຂດພາກໃນທົ່ວປະເທດໄດ້ດຶງດູດ ແຂກທ່ອງທ່ຽວຈາກທຸກສາລາທິດມາຮ່ວມງານນະມັດສະການ, ງານບຸນບູຊາພະເຈົ້າ, ພາວະນາໃຫ້ມີຄວາມສະຫງົບສຸກໃນປີໃໝ່. ຮູບການທ່ອງທ່ຽວວັດທະນະທຳທາງດ້ານຈິດວີນຍານນັບມື້ນັບພັດທະນາ, ມີກຳລັງດຶງດູດເປັນພິເສດສຳລັບແຂກທ່ອງທ່ຽວ. ບົດຂຽນ “ການທ່ອງທ່ຽວຈິດວີນຍານດຶງດູດແຂກທ່ອງທ່ຽວ” ຂອງ ຢ້ຽວລີງ, ນັກຂ່າວ VOV.
ວັດ ອຽນຕື໋
|
ດ້ວຍປະສານສົມທົບກັນລະຫວ່າງການໄປທ່ອງທ່ຽວ ແລະ ການໄປນະມັດສະການເພື່ອໃຫ້ໄປເຖິງບັນດາສະຖານທີ່ທ່ອງທ່ຽວທັງມີຄວາມໝາຍທາງດ້ານສາສະໜາ ແລະ ການເຫຼື້ອມໃສສັດທາ, ທັງມີບັນດາທິວທັດທຳມະຊາດສວຍງາມ, ແຂກທ່ອງທ່ຽວບໍ່ພຽງແຕ່ຊອກຮູ້ໄດ້ບັນດາຂ້ໍມູນຂ່າວສານກ່ຽວກັບກົກເຄົ້າເຫງົ້າກໍທາງດ້ານປະຫວັດສາດ, ວັດທະນະທຳ, ສາສະໜາ, ການເຫຼື້ອມໃສໃນບໍລິເວນເທົ່ານັ້ນ, ຫາກຍັງໄດ້ສະໜິດຕິດພັນ, ພົວພັນແລກປ່ຽນ, ການປະພຶດຕໍ່ກັນໃນສະພາບແວດລ້ອມ, ບັນຍາການທີ່ໜ້າເຄົາລົບນັບຖື ແລະ ສັກສິດອີກດ້ວຍ. ດ້ວຍບັນດາທ່າແຮງນັ້ນ, ໃນຊຸມປີມໍ່ໆມານີ້, ຮູບແບບທ່ອງທ່ຽວທາງດ້ານຈິດວີນຍານດ້ວຍບັນດາລາຍການທ່ອງທ່ຽວໄປນະມັດສະການຢູ່ເຂດດິນແດນແຫ່ງບັນພະບຸລຸດ, ຢ້ຽມຢາມບັນດາເຂດວັດທະນະທຳດ້ວຍມໍລະດົກ, ປູຊະນີຍະສະຖານວັດທະນະທຳທີ່ເປັນເອກະລັກສະເພາະ, ຢ້ຽມຊົມບັນດາສະຖານທີ່ບູຊາ, ປູຊະນີຍະສະຖານ, ທັດສະນີຍະພາບ… ໄດ້ຮັບການຈັດຕັ້ງນັບມື້ນັບຫຼາຍຂຶ້ນ. ເອື້ອຍ ແທງງອກ, ຢູ່ຖະຫນົນ ແບກມາຍ, ຮ່າໂນ້ຍ, ປີໃດກໍ່ພາຄອບຄົວຂອງຕົນໄປຮ່ວມງານບຸນຍາມຕົ້ນປີ. ປີນີ້, ຄອບຄົວຂອງເອື້ອຍໄດ້ເຂົ້າຮ່ວມລາຍການທ່ອງທ່ຽວໄປລຽບຕາມບັນດາແຂວງ ນາມດິ້ງ, ນີງບີ່ງ, ແທງຮ໋ວາ, ເງະອານ ແລະ ແວ່ຢ້ຽມຊົມວິຫານເຈີ່ນ, ວັດ ບ໋າຍດີ໋ງ, ວິຫານ ຊ່ອງ, ວິຫານ ຮ່ວາງເມື່ອຍ… ເອື້ອຍ ແທງງອກ, ໄດ້ແບ່ງປັນວ່າ:
“ແນ່ນອນວ່າ ບັນດາສະຖານທີ່ທ່ອງທ່ຽວບັນເທິງຈະຄັບຄາໜາແໜ້ນ. ຂ້າພະເຈົ້າຢາກພາແມ່ຂອງຕົນໄປວັດເພື່ອພາວະນາຂໍຄວາມສະຫງົບສຸກໃນປີໃໝ່ ແລະ ໃນໄລຍະຕົ້ນປີໄປທ່ອງທ່ຽວນະມັດສະການເພື່ອໃຫ້ຈິດໃຈສະຫວາດສະເຫວີຍ.”
ຕາມບັນດາບໍລິສັດທ່ອງທ່ຽວແລ້ວ, ຈຳນວນແຂກຈ່ອງລາຍການທ່ອງທ່ຽວທາງດ້ານຈິດວີນຍານໃນໄລຍະຕົ້ນປີແມ່ນຫຼາຍທີ່ສຸດ. ບັນດາລາຍການທ່ອງທ່ຽວຢູ່ພາຍໃນປະເທດໄດ້ຮັບຄວາມນິຍົມແມ່ນ: ສາຍທ່ອງທ່ຽວ ຊາປາ - ລາວກາຍ ໄປຢ້ຽມຢາມວິຫານ ຮ່ວາງໄບ໋ ແລະ ລາຍການທ່ອງທ່ຽວທາງທິດຕາເວັນອອກພາກເໜືອດ້ວຍການໄປຢ້ຽມຢາມວິຫານພະແມ່ຢູ່ລາງເຊີນ… ມີຫຼາຍຄອບຄົວແມ່ນບັນດາຄອບຄົວດຳເນີນທຸລະກິດຄ້າຂາຍຢູ່ ຮ່າໂນ້ຍ ກໍ່ໄດ້ເລືອກເອົາລາຍການທ່ອງທ່ຽວຢູ່ພາຍໃນປະເທດທີ່ມີບັນດາສະຖານທີ່ທ່ອງທ່ຽວທາງດ້ານຈິດວີນຍານຄື: ເຂດທາງທິດຕາເວັນອອກສ່ຽງເໜືອ, ບັນດາມໍລະດົກທາງພາກກາງ… ທ່ານ ຫງວຽນຮົ່ງດ່າຍ, ຜູ້ອຳນວຍການບໍລິສັດທ່ອງທ່ຽວ FPT travel, ໃຫ້ຮູ້ວ່າ:
“ປີ 2017, ພວກຂ້າພະເຈົ້າມີບັນດາລາຍການທ່ອງທ່ຽວທາງດ້ານຈິດວີນຍານຄື: ບ໋າຍດີ໋ງ, ວັດ ເຮືອງ, ອຽນຕື໋ ໃນທຸກວັນ. ດັ່ງນັ້ນ, ບັນດາຄອບຄົວບໍ່ມີເງື່ອນໄຂໄປທ່ອງທ່ຽວຕ່າງຫາກ ຫຼື ບໍ່ຢາກຂັບລົດໄປເອງ, ກໍ່ອາດຈະເຂົ້າຮ່ວມບັນດາລາຍການໂດຍບໍລິສັດທ່ອງທ່ຽວ FPT travel ຈັດຕັ້ງ. ໃນໂອກາດຕົ້ນປີ, ຍາມໃດພວກຂ້າພະເຈົ້າກໍ່ມີບັນດານະໂຍບາຍບຸລິມະສິດສຳລັບແຂກທ່ອງທ່ຽວ”
ແຂກທ່ອງທ່ຽວເຂົ້າຮ່ວມບັນດາລາຍການທ່ອງທ່ຽວ, ນະມັດສະການໃນໄລຍະຫຼັງປີໃໝ່ເປັນຈຳນວນຫຼວງຫຼາຍ
|
ບັນດາລາຍການທ່ອງທ່ຽວທາງດ້ານຈິດວີນຍານຢູ່ຕ່າງປະເທດກໍ່ມີແຂກທ່ອງທ່ຽວຈົດຊື່ເຂົ້າຮ່ວມເປັນຈຳນວນຫຼວງຫຼາຍ, ສ່ວນລາຄາແມ່ນໄດ້ເປີດເຜີຍກ່ອນຈະຮອດປີໃໝ່ 3 ເດືອນ, ຄືລາຍການທ່ອງທ່ຽວຢູ່ເຂດດິນແດນແຫ່ງພຸດທະສາສະໜາ ມຽນມາ, ໄປວັດເງິນຢູ່ ກຳປູເຈຍ, ຄົ້ນຫາບັນດາວັດສັກສິດທີ່ມີຊື່ສຽງຢູ່ໄທ: ບາງກອກ - ພັດທະຢາ, ໄປນະມັດສະການຢູ່ເຂດດິນແດນທີ່ສັກສິດ ອິດສະຣາແອນ… ເປົ້າໝາຍຕົ້ນຕໍໃນການໄປທ່ອງທ່ຽວທາງດ້ານຈິດວີນຍານ ແມ່ນແຂກທ່ອງທ່ຽວມີອາຍຸໄວກາງ ແລະ ອາຍຸສູງ, ດັ່ງນັ້ນລາຍການໄດ້ຮັບການສ້າງຂຶ້ນດ້ວຍຄວາມລະມັດລະວັງ, ວັນເວລາທີ່ເໝາະສົມ, ຮັບປະກັນໄປໃຫ້ຄົບສະຖານທີ່ທ່ອງທ່ຽວທາງດ້ານຈິດວີນຍານທີ່ມີຊື່ສຽງໃນແຕ່ລະຖ້ຽວ. ສາຍທ່ອງທ່ຽວໄປ ຕີເບດ ປະເທດຈີນ ແລະ ມຽນມາ ໄດ້ດຶງດູດແຂກທ່ອງທ່ຽວຫຼາຍທີ່ສຸດ. ທ່ານ ລືວດືກເກ໋, ຜູ້ອຳນວຍການບໍລິສັດທ່ອງທ່ຽວ Hanoi Tourist, ໃຫ້ຮູ້ວ່າ:
“ຕົ້ນປີ, ຕາມທຳນຽມແລ້ວ, ແຂກທ່ອງທ່ຽວຄວນເລືອກເຟັ້ນສະຖານທີ່ທ່ອງທ່ຽວຕ້ອງຄິດໄລ່ ແລະ ສັ່ງຈອງ, ກະກຽມຢ່າງລອບຄອບຖີ່ຖ້ວນ. ບັນດາບໍລິສັດທ່ອງທ່ຽວມີບົດຮຽນວ່າ ຕ້ອງມີຄວາມຮັບຜິດຊອບແຂກທ່ອງທ່ຽວ, ພິເສດແມ່ນບັນດາແຂກທີ່ເປັນຂາປະຈຳ. ບໍລິສັດຄວນຂຶ້ນແຜນໂດຍໄວ ແລະ ມີບັນດາເງື່ອນໄຂທີ່ດີ, ກະກຽມຢ່າງລະອຽດ.”
ຫວຽດນາມ ກໍ່ກຳນົດທິດການພັດທະນາດ້ານການທ່ອງທ່ຽວຈິດວີນຍານຕາມທິດຂຸດຄົ້ນບັນດາຄຸນຄ່າພົ້ນເດັ່ນກ່ຽວກັບທິວທັດທຳມະຊາດ, ວັດທະນະທຳຕິດພັນກັບການວາງແຜນການຮ່ວມສຳພັນເຂດ. ພັດທະນາທ່ອງທ່ຽວດ້ານຈິດວີນຍານໃຫ້ກາຍເປັນກຳລັງໜູນດຶງດູດແຂກທ່ອງທ່ຽວ, ຊຸກຍູ້ການເຄື່ອນໄຫວບໍລິການທ່ອງທ່ຽວອື່ນ, ສ້າງເປັນ ຫຼາຍຮູບແບບໃຫ້ແກ່ການທ່ອງທ່ຽວ ຫວຽດນາມ, ປະກອບສ່ວນຕັ້ງໜ້າເຂົ້າໃນການພັດທະນາເສດຖະກິດ - ສັງຄົມຕາມທິດຍືນຍົງ.