ລາງວັນແມ່ຍິງຫວຽດນາມປີ 2015 ຫາກໍຖືກສູນກາງສະຫະພັນແມ່ຍິງຫວຽດນາມມອບໃຫ້ 9 ໝູ່ຄະນະ ແລະ 10 ສ່ວນບຸກຄົນທີ່ມີຜົນງານດີເດັ່ນໃນຂະບວນວິວັດສູ້ຊົນ ແລະ ຜ່ານຜ່າຄວາມຫຍຸ້ງຍາກໃນການດຳລົງຊີວິດ, ອອກແຮງງານຢ່າງບໍ່ຢຸດຢັ້ງ, ມີຫົວຄິດປະດິດສ້າງ, ກາຍເປັນແມ່ຍິ່ງຜູ້ປະສົບຜົນສຳເລັດໃນການດຳລົງຊີວິດ ແລະ ໄດ້ໜູນຊ່ວຍຫຼາຍຄົນອື່ນໃນສັງຄົມສ້າງການດຳລົງຊີວິດເປັນປົກກະຕິ ແລະ ມີຄວາມສຸກ. ບັນດາການອຸທິດສ່ວນນີ້ໄດ້ປະກອບສ່ວນຊຸກຍູ້ຄວາມສະເໝີພາບ ແລະ ຄວາມກ້າວໜ້າຂອງ ແມ່ຍິງຫວຽດນາມ.
ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະ ທ່ານນາງຫງວຽນທິແທງຮ່ວາ ປະທານສູນກາງສະຫະພັນແມ່ຍິງຫວຽດນາມ ມອບລາງວັນແມ່ຍິງຫວຽດນາມ ປີ2015 ໃຫ້ແກ່ 9 ຫມູ່ຄະນະດີເດັ່ນ |
ລາງວັນ ແມ່ຍິງຫວຽດນາມປີນີ້ຖືກມອບໃຫ້ 9 ໝູ່ຄະນະ ແລະ 10 ສ່ວນບຸກຄົນທີ່ມີຜົນງານດີເດັ່ນໃນວຽກງານສັງຄົມໄລຍະ 5 ປີມໍ່ໆມານີ້ ອັນໄດ້ນຳມາເຊິ່ງຜົນປະໂຫຍດ, ປະສິດທິຜົນທາງດ້ານເສດຖະກິດ-ສັງຄົມໃຫ້ແກ່ສົງຄະນະຍາດສັງຄົມ. ພົ້ນເດັ່ນຂຶ້ນແມ່ນບັນດາແບບຢ່າງທີ່ດີເດັ່ນເຊັ່ນ: ນາງ ຫງວຽນທິຫງອກທູ ຜູ້ອຳນວຍການໃຫຍ່ບໍລິສັດການຄ້າ,ການບໍລິການພັດທະຄານເຂດພາກໃຕ້. ໂດຍເລີ່ມມາຈາກ 2 ຝາມືເບົາ, ນາງໄດ້ສ້າງເຄື່ອງໝາຍການຄ້າອາຫານປີ້ງພາກໃຕ້, ອັນໄດ້ສ້າງວຽກເຮັດງານທຳໃຫ້ແກ່ແຮງງານ 1200 ຄົນ, ດ້ວຍລາຍຮັບແຕ່ 4,5 ລ້ານຫາ 10 ລ້ານດົງ/ເດືອນ. ສ່ວນທ່ານນາງ ຫງວຽນທິຢວຽນ ນັກສະຖາປານິກ, ປະທານສະພາສະມາຊິກບໍລິສັດໃຫຍ່ໃຫ້ຄຳປຶກສາດ້ານການກໍ່ສ້າງຫວຽດນາມ, ຊຶ່ງໄດ້ເຂົ້າຮ່ວມຄຸ້ມຄອງຫຼາຍໂຄງການຈຸດສຸມແຫ່ງຊາດ, ມີຫົວຄິດປະດິດສ້າງໃນການບໍລິຫານວິສາຫະກິດ, ພັດທະນາການຜະລິດ, ທາງບໍລິສັດໄດ້ຮັບຫຼຽນໄຊແຮງຊັ້ນ 2 …
ໂດຍແມ່ນຄົນໜຸ່ມກວ່າໝູ່ທີ່ໄດ້ຮັບລາງວັນແມ່ຍິງຫວຽດນາມປີ 2015, ທ່ານໝໍຍິງ ເຈີນແຄ້ງທູ ຫົວໜ້າຂະແໜງໂພສະນາການ ໂຮງໝໍຫຼາຍຂະແໜງແຂວງທ້າຍບີງ, ເປັນຜູ້ຮັບຜິດຊອບ 2 ຫົວເລື່ອງວິສາຫະສາດຂະແໜງການແພດຂັ້ນຂະແໜງສາທາລະນະສຸກ, 1 ຫົວເລື່ອງຂັ້ນແຂວງ. ທ່ານໝໍຍິງ ເຈີນແຄ້ງທູ ຍາມໃດກໍນຳໜ້າໃນການເຄື່ອນໄຫວບໍລິຈາກເລືອດໂດຍອາສາສະໝັກຂອງແຂວງທ້າຍບີງ. ທ່ານໝໍຍິງ ເຈີນແຄ້ງທູ ເປີດເຜີຍວ່າ :
“ ບັນດາການເຄື່ອນໄຫວເພື່ອກຸສົນແມ່ນມີຄວາມໝາຍທີ່ສຸດ. ພວກຂ້າພະເຈົ້າສາມາດນຳຄວາມຮູ້ຄວາມສາມາດດ້ານວິຊາສະເພາະຂອງຕົນມາຊ່ວຍພໍ່ແມ່ປະຊາຊົນເມື່ອເຈັບເປັນ. ”
ລາງວັນແມ່ຍິງຫວຽດນາມບໍ່ພຽງແຕ່ເຊີດຊູບັນດາສ່ວນບຸກຄົນທີ່ມີຜົນງານດີເດັ່ນເທົ່ານັ້ນ, ຫາກຍັງສະຫງວນໃຫ້ແກ່ບັນດາໝູ່ຄະນະທີ່ມີຫົວຄິດປະດິດສ້າງ, ນຳຜົນປະໂຫຍດມາສູ່ສັງຄົມອີກດ້ວຍ. ພົ້ນເດັ່ນແມ່ນໝູ່ຄະນະພະນັກງານ, ສະມາຊິກສະມາຄົມແມ່ຍິງທີ່ຂຶ້ນກັບສະມາຄົມແມ່ຍິງທະນາຄານການຄ້າຫຸ້ນສ່ວນກອງທັບ. ທ່ານນາງ ຫງວຽນທິເກີມເຝື້ອງ ຮອງປະທານ ສະມາຄົມແມ່ຍິງທະນາຄານການຄ້າຫຸ້ນສ່ວນກອງທັບ ໃຫ້ຮູ້ວ່າ :
“ສະມາຄົມແມ່ຍິງພວກຂ້າພະເຈົ້າມີການຊ່ວຍເຫຼືອກັນໃນວຽກງານສ່ວນລວມ ກໍຄືໃນວຽກງານໃນຊີວິດສ່ວນຕົວ. ສຳລັບແມ່ຍິງທີ່ຍັງໜຸ່ມ, ທາງທະນາຄານໄດ້ມີນະໂຍບາຍພັດທະນາດ້ານທັກສະ, ຄວາມສາມາດດ້ານວິຊາຊີບ, ຜ່ານນັ້ນ ກໍຊ່ວຍເອື້ອຍນ້ອງແມ່ຍິງໄດ້ຮັບຂໍ້ມູນຂ່າວສານຫຼາຍຢ່າງເພື່ອຍົກສູງຄວາມຮູ້ດ້ານວິຊາສະເພາະ ກໍຄືປົວແປງຊີວິດການເປັນຢູ່ຂອງຕົນ ”
ສ່ວນທ່ານນາງ ຫງວຽນທິມິນເຮືອງ ຫົວໜ້າຄະນະໂຄສະນາສຶກສາ, ສູນກາງສະຫະພັນແມ່ຍິງຫວຽດນາມ ໃຫ້ຮູ້ວ່າ :
“ລາງວັນ ແມ່ຍິງຫວຽດນາມແມ່ນມີຫຼາຍມາດຖານ . ມາດຖານໃຫຍ່ກວ່າໝູ່ແມ່ນ ແມ່ນການປະກອບສ່ວນເຂົ້າໃນຂົງເຂດວິຊາສະເພາະຂອງເອື້ອຍນ້ອງແມ່ຍິງ ແມ່ນຕ້ອງດີເດັ່ນ ແລະ ມີການເຂົ້າຮ່ວມບັນດາການເຄື່ອນໄຫວຊຸກຍູ້ຄວາມກ້າວໜ້າຂອງແມ່ຍິງ, ບັນດາການເຄື່ອນໄຫວເພື່ອຄວາມສະເໝີພາບລະຫວ່າງຍິງ-ຊາຍ. ສຳລັບບັນດາໝູ່ຄະນະ ກໍຕ້ອງແມ່ນໝູ່ຄະນະທີ່ມີອັດຕາສ່ວນແມ່ຍິງຈາກ 60% ຂຶ້ນໄປ. ສ່ວນບັນດາໝູ່ຄະນະພິເສດສະເພາະຄື ຕຳຫຼວດ, ກອງທັບນັ້ນ, ກໍຕ້ອງແມ່ນໝູ່ຄະນະທີ່ມີອັດຕາສ່ວນແມ່ຍິງຈາກ 40%ຂຶ້ນໄປ” .