(vovworld) - ວັນທີ 9/5/2014 ຢູ່ຮ້ານກາເຟແລບອນ (Le Bon) ເລກທີ 1 ຖະໜົນ ຟ້າມງູຫຼາວ (Pham Ngu Lao), ຮ່າໂນ້ຍ ໄດ້ດຳເນີນງານວາງສະແດງຮູບຖ່າຍ “ຜ້າຫົ່ມແຫ່ງຄວາມອົບອຸ່ນ“ ດ້ວຍຫົວຂໍ້ວ່າ ”ຮ່າໂນ້ຍຍາມດອກໄມ້”. ງານວາງສະແດງແນະນຳຮູບຖ່າຍ 36 ແຜ່ນ ກ່ຽວກັບພູມພາບຮ່າໂນ້ຍໃນ 4 ລະດູ. ເຖິງວ່າບໍ່ທັນເປີດງານວາງສະແດງກໍ່ຕາມ ແຕ່ໄດ້ມີຫຼາຍຄົນມາແຫ່ງນີ້ເພື່ອພົບປະແລກປ່ຽນ, ຊື້ຮູບຖ່າຍເພື່ອສະໜັບ ສະໜູນລາຍການຜ້າຫົ່ມແຫ່ງຄວາມອົບອຸ່ນ ຊ່ວຍເຫຼືອໃຫ້ເດັກນ້ອຍຢູ່ເຂດພູດອຍ.
ຂອບໃຈຜ້າຫົ່ມແຫ່ງຄວາມອົບອຸ່ນ
(ພາບອິນເຕີແນດ)
ຈຸດປະສົງຂອງງານວາງສະແດງແມ່ນເພື່ອຮຽກຮ້ອງບັນດາຜູ້ໃຈບຸນ, ໃຈກຸສົນປະກອບຜ້າແພ, ຝາຍເພື່ອຜະລິດຜ້າຫົ່ມ, ຫຼືສະໜັບສະໜູນດ້ວຍເງິນສົດເພື່ອຊື້ຜ້າຫົ່ມ, ມອບໃຫ້ຊາວຊົນເຜົ່າສ່ວນໜ້ອຍ, ພິເສດແມ່ນເດັກນ້ອຍຢູ່ເຂດພູດອຍໄຕບັກ (ທາງທິດຕາເວັນຕົກສ່ຽງເໜືອ). ສະນັ້ນ, ຫວັງວ່າຜ່ານລາຍການ ”ຜ້າຫົ່ມແຫ່ງຄວາມອົບອຸ່ນ” ພ້ອມກັບນຳ້ໃຈກຸສົນ, ທັງສັງຄົມຈະແບ່ງປັນ ແລະ ຊ່ວຍເຫຼືອເດັກນ້ອຍຢູ່ເຂດພູດອຍໃຫ້ມີຄວາມອົບອຸ່ນກວ່າໃນຍາມໜາວຈັດ ເພື່ອປະຕິບັດຄວາມໄຝ່ຝັນອັນສູງສົ່ງຂອງຕົນ. ກ່ຽວກັບແນວຄວາມຄິດຈັດຕັ້ງງານວາງສະແດງນີ້. ທ່ານນາງ ຫງວຽນທິອຽນເຈົາ, ຜູ້ຕາງໜ້າລາຍການ ”ຜ້າຫົ່ມແຫ່ງຄວາມອົບອຸ່ນ” (ຫົວໜ່ວຍຈັດຕັ້ງງານວາງສະແດງ), ເວົ້າວ່າ:
“ຂ້າພະເຈົ້າຄິດວ່າຕ້ອງເຮັດແນວໃດເພື່ອຊ່ວຍໃຫ້ພວກນ້ອງ. ຂ້າພະເຈົ້າເອງເຮັດວຽກໃນຂະແໜງຕັດຫຍິບ, ດັ່ງນັ້ນຈຶ່ງຢາກຜະລິດຜ້າຫົ່ມໃຫ້ຫຼາຍ, ກໍ່ຄືໄດ້ຮັບຜ້າຫົ່ມໂດຍຜູ້ໃຈບຸນໃຈກຸສົນຝາກມາຊ່ວຍເຫຼືອ. ນອກນັ້ນ, ຂ້າພະເຈົ້າກໍ່ແມ່ນຜູ້ນິຍົມຖ່າຍຮູບ, ດັ່ງນັ້ນກໍ່ຮຽກຮ້ອງໃຫ້ບັນດາຜູ້ທີ່ມີຄວາມນິຍົມດຽວກັນເຂົ້າຮ່ວມເພື່ອຊ່ວຍເຫຼືອເດັກນ້ອຍ“
ບັນດາຮູບຖ່າຍໃນງານວາງສະແດງ
(ພາບອິນເຕີແນດ) ນີ້ແມ່ນເທື່ອທີ 2 ທີ່ງານວາງສະແດງ “ຜ້າຫົ່ມແຫ່ງຄວາມອົບອຸນ“ ຖືກຈັດຂຶ້ນຢູ່ຮ້ານກາເຟແລບອນ ແລ້ວ. ຮູບຖ່າຍທັດສະນີຍະພາບທີ່ສວຍງາມຂອງຮ່າໂນ້ຍໃນ 4 ລະດູ 36 ແຜ່ນຄື: ຮູບຖ່າຍ “ຄວາມໄຝ່ຝັນ“ ຂອງນັກຖ່າຍຮູບ ແຢງຄວາ ໄດ້ເຮັດໃຫ້ຜູ້ຊົມຮູ້ສຶກທັງລຶ້ງເຄີຍ, ທັງແປກໆ; ຮູບຖ່າຍ “ໜອງ ໂຮ່ເກືອມ“ ຂອງ ເລິມແທງຮ່ຽນ ພັດເຮັດໃຫ້ຜູ້ຊົມຮູ້ສຶກມີຈິດໃຈສະຫວາດສະເຫວີຍ. ຮູບຖ່າຍແຕ່ລະແຜ່ນລ້ວນແຕ່ຊ້ອນແຝງຄວາມງາມ ແລະ ຄວາມດູດດື່ມ. ເອື້ອຍເຈິ່ນທິຮ່ຽນ, ພາລະກອນຮັບໃຊ້ຢູ່ງານວາງສະແດງ, ໃຫ້ຮູ້ວ່າ:
“ງານວາງສະແດງຖືກຈັດຂຶ້ນຢູ່ທີ່ນີ້ໃນເວລາ 3 ວັນ, ແຕ່ໄດ້ຮັບການສະໜັບສະໜູນຫຼາຍພໍສົມຄວນ. ຈຳນວນເງິນບໍລິຈາກສາມາດຊື້ຜ້າຫົ່ມໄດ້ 2.500 ຄັນເພື່ອຊ່ວຍເຫຼືອໃຫ້ພວກນ້ອງ. ໄລຍະຈະມາເຖິງ, ພວກຂ້າພະເຈົ້າຈະໄປຊ່ວຍເຫຼືອພວກນ້ອງຢູ່ເຂດພູດອຍແຂວງລາວກາຍ, ດ້ຽນບຽນ“.
ຜ້າຫົ່ມແຫ່ງຄວາມອົບອຸ່ນຊ່ວຍເຫຼືອເດັກນ້ອຍຢູ່ເຂດພູດອຍ
(ພາບອິນເຕີແນດ) ເມື່ອຮູບຖ່າຍແຕ່ລະແຜ່ນໄດ້ໄດ້, ໝາຍຄວາມວ່າເດກນ້ອຍຢູ່ເຂດທີ່ປະສົບຄວາມຫຍຸ້ງຍາກຈະມີຜູ້ຫົ່ມກັນໜາວຕື່ມອີກ 10 ອັນ… ບັນດາຜູ້ປະຕິບັດລາຍການພວມສ້າງຄາດໝາຍມີຜ້າຫົ່ມ 5.000 ອັນ ເພື່ອຊ່ວຍເຫຼືອໃຫ້ເດັກນ້ອຍທີ່ທຸກຍາກຢູ່ເຂດພູດອຍໄຕບັກ. ແຕ່ຄວາມໝາຍອັນສູງສົ່ງກວ່າຂອງງານວາງສະແດງຄັ້ງນີ້ນັ້ນແມ່ນ ມັນໄດ້ຮຽກຮ້ອງບັນດາຜູ້ໃຈບຸນໃຈກຸສົນ ຮ່ວມຈິດຮ່ວມໃຈຊ່ວຍເຫຼືອເດັກນ້ອຍທຸກຍາກຢູ່ເຂດພູສູງ.