(vovworld)- ວັນທີ 13/5 ຜ່ານມາ, ກະຊວງຖະແຫລງຂ່າວ ແລະ ສື່ສານຫວຽດນາມ ໄດ້ຈັດພິທີຮັບ ແລະ ປະກາດຊຸດ Atlas ຂອງທ່ານ Philipe Vandemaelen ພິມຈຳຫນ່າຍເມື່ອປີ 1827, ໃນນັ້ນ ແຜນທີ່ Partie de la Cochinechine ມີຄຸນຄ່າສຳຄັນ ຢັ້ງຢືນອະທິປະໄຕຫວຽດນາມ ສຳລັບ ໝູ່ເກາະຮ່ວາງຊາ ແລະ ເຈື່ອງຊາ. ຊຸດ Atlas ແມ່ນເອກະສານລ້ຳຄ່າບໍ່ພຽງແຕ່ຊ່ວຍຍົກສູງຄຸນຄ່າວິທະຍາສາດມາດຖານຂອງກິດຈະການໂຄສະນາສຶກສາກ່ຽວກັບອະທິປະໄຕທະເລໝູ່ເກາະເທົ່ານັ້ນ ຫາກແມ່ນພະຍານຫລັກຖານຢ່າງແທ້ຈິງ, ທີ່ມີປະສິດທິຜົນ ແລະ ຄຸນຄ່າດ້ານກົດໝາຍສາກົນຢ່າງສູງໃນການຕໍ່ສູ້ປົກປັກຮັກສາອະທິປະໄຕທະເລໝູ່ເກາະທີ່ສັກກະລະບູຊາຂອງຫວຽດນາມ.
ສາດສະດາຈານຫງວຽນກວາງງອກ ແລະ ຊຸດ ແຜນທີ່
Atlas Philippe Vandermaelen
|
ປີ 1827, ທ່ານ Philipe Vandemaelen (1795-1869), ນັກພູມສາດທີ່ປີຊາສາມາດ, ສະມາຊິກ ສະມາຄົມພູມສາດ Paris ໄດ້ພິມຈຳຫນ່າຍຊຸດ Atlas ໂລກ ຊື່ງລວມມີ 6 ຊຸດ ດ້ວຍແຜນທີ່ລວມຂອງ 5 ທະວີບ 7 ສະບັບ, ແຜນທີ່ລະອຽດ 381 ສະບັບ, ການສະຖິຕິ 40 ຫນ້າ ແລະ ຂໍ້ມູນຫລາຍຢ່າງກ່ຽວກັບພູມສາດ, ທຳມະຊາດ, ການເມືອງ, ບໍ່ແຮ່ . ຕາມສາດສະດາຈານ, ດອກເຕີ ຫງວຽນກວາງງອກ, ຮອງປະທານສະມາຄົມວິທະຍາສາດປະຫວັດສາດຫວຽດນາມ, ຊື່ງແມ່ນຜູ້ທີ່ໄດ້ໄປເອີລົບ ເພື່ອຄົ້ນຄ້ວາ ແລະ ຕີລາຄາເອກະສານທັງໝົດນີ້ແລ້ວ, ຊຸດ Atlas ແມ່ນຂີດໝາຍໃຫຍ່ແຫ່ງໄລຍະພັດທະນາຢ່າງກະໂດດຂັ້ນຂອງເຕັກໂນໂລຊີການແຕ້ມ ແລະ ພິມແຜນທີ່ທັນສະໄຫມໃນຕົ້ນສັດຕະວັດທີ 19. ແຜນທີ່ບັນດາປະເທດ ອາຊີ ລວມມີ 111 ສະບັບ, ຖືກສັບຊ້ອນໃນເຫລັ້ມ 2 ຂອງຊຸດ Atlas. ຢູ່ທີ່ນີ້, ຫວຽດນາມ ໄດ້ຮັບການແນະນຳຜ່ານແຜນທີ່ເລກທີ 97, 105, 106, 110. Partie de la Cochinechine ແມ່ນແຜນທີ່ສະບັບ 106, ແຕ້ມຝັ່ງທະເລພາກກາງຫວຽດນາມ ຈາກເສັ້ນຂະຫນານ 12 ຮອດ 16. ຢູ່ນອກຝັ່ງ, Paracels(ຮ່ວາງຊາ) ຖືກແຕ້ມຢ່າງລະອຽດ ແລະ ຊັດເຈນ ຢູ່ໃນເສັ້ນແວງ 16 -17 ອົງສາ ແລະ ເສັ້ນແວງ 109 -111 ອົງສາ.
“ຕົ້ນສັດຕະວັດທີ 18 ຮອດທ້າຍສັດຕະວັດທີ 19, ບັນດາແຜນທີ່ລ້ວນແຕ່ຖືກແຕ້ມຢູ່ເທິງເສັ້ນຂົ້ວ Paris. ຮອດປີ 1871, ເປັນຄັ້ງທຳອິດໃນກອງປະຊຸມໃຫຍ່ກ່ຽວກັບພູມສາດໂລກ, ເຂົາເຈົ້າຈຶ່ງຕັ້ງບັນຫາແຕ້ມແຜນທີ່ກ່ຽວກັບເຂດທະເລຕາມເສັ້ນ ຂົ້ວ Greenwich. ຮອດປີ 1886, ແຜນທີ່ໂລກຈຶ່ງຖືກແຕ້ມຕາມເສັ້ນຂົ້ວ Greenwich. ເສັ້ນຂົ້ວ Greenwich ແລະ ເສັ້ນຂົ້ວ Paris ຫ່າງກັນກວ່າ 2 ອົງສາ, ສະນັ້ນ ການຜິດໂຕນຄືແນວນີ້ພັດເປັນການຢັ້ງຢືນລັກສະນະວິທະຍາສາດ, ພາວະວິໄສ, ຊັດເຈນຂອງແຜນທີ່ປີ 1827 ຂອງ Philipe Vandemaelen, ເຊິ່ງໃນນັ້ນ ໄດ້ແຕ້ມກ່ຽວກັບເກາະຮ່ວາງຊາຂອງຫວຽດນາມ.”
ແລະ ຕາມສາດສະດາຈານ, ດຣ ຫງວຽນກວາງງອກແລ້ວ, ແຜນທີ່ສະບັບນີ້ ມີສະບັບຫນຶ່ງແນະນຳໂດຍຫຍໍ້ກ່ຽວກັບ ຈັກກະພາກ ອານນາມ(Empire d’Annam).
“ຄຽງຂ້າງຕົວຫນັງສື Paracels(ຮ່ວາງຊາ), Philipe Vandemaelen ຍັງຕິດພ້ອມຄຳແນະນຳກ່ຽວກັບ ຈັກກະພາກ ອານນາມ ດ້ວຍລັກສະນະພິເສດຄື ພູມສາດ, ພົນລະເມືອງ, ການເມືອງ, ບໍ່ແຮ່, ຊັບພະຍາກອນທຳມະຊາດ.. ຜ່ານນັ້ນຜູ້ອ່ານຈະເຂົ້າໃຈໄດ້ຢ່າງຊັດເຈນ ຫວຽດນາມ ໃນຕົ້ນສັດຕະວັດທີ 19. ແຜນທີ່ສະບັບນີ້ ເປັນການພິສູດໃຫ້ເຫັນຢ່າງຊັດເຈນວ່າ Paracels(ຮ່ວາງຊາ) ຂຶ້ນກັບພາກໃຕ້ແລະ ນອນໃນຜືນແຜ່ນດິນຂອງຈັກກະພາກ ອານນາມ.”
ໃນຊຸດ Atlas, ແຜນທີ່ 98 ມີຊື່ວ່າ Partie de la Chine ຢູ່ເສັ້ນແວງ 18-21 ອົງສາ ແລະ ເສັ້ນແວງ 106-114 ອົງສາ ແມ່ນແຕ້ມບໍລິເວນ ກວາງຕຸງແລະ ໄຮ່ຫນານ ສະແດງໃຫ້ເຫັນວ່າ: ຊາຍແດນຕອນໃຕ້ຂອງຈີນ ບໍ່ທັນຮອດ ເສັ້ນແວງ 18 ອົງສາ, ສ່ວນເບື້ອງໃຕ້ເສັ້ນຂະຫນານ 18 ແມ່ນຂຶ້ນກັບຫວຽດນາມ. ສາດສະດາຈານ, ດຣ ຫງວຽນກວາງງອກ ໃຫ້ຮູ້ຕື່ມອີກວ່າ:
“ຈຸດເດັ່ນຂອງແຜນທີ່ໂລກແມ່ນແນະນຳໂດຍສັງເຂບ. Philipe Vandemaelen ແມ່ນຜູ້ພາວະວິໄສ, ມີເອກະສານແນວໃດ ແລະ ມີຄວາມຮັບຮູ້ ຖືກຕ້ອງກ່ຽວກັບອະທິປະໄຕຄືແນວໃດທ່ານກໍ່ຢັ້ງຢືນຄືແນວນັ້ນ. ຊຸດແຜນທີ່ນີ້ແມ່ນມີຊື່ສຽງ ແລະ ທົ່ວໂລກໄດ້ນຳໃຊ້ກ່ອນນີ້ປະມານ 200 ປີແລ້ວ ແລະ ເຂົາເຈົ້າຖືວ່ານັ້ນແມ່ນການຮັບຮູ້ຂອງໂລກກ່ຽວກັບອະທິປະໄຕຂອງຫວຽດນາມທີ່ມີຕໍ່ເກາະຮ່ວາງຊາ ຢູ່ບໍລິເວນ Paracels ຊື່ງສະແດງໃຫ້ເຫັນໃນແຜນທີ່. ນັ້ນແມ່ນເອກະສານຊັດເຈນ, ມີຄຸນຄ່າທີ່ສຸດ.ຂ້າພະເຈົ້າໄດ້ຄົ້ນຄ້ວາແຜນທີ່ຫລາຍສະບັບແລ້ວ ແລະ ບັນດາແຜນທີ່ລ້ວນແຕ່ຢັ້ງຢືນອະທິປະໄຕຂອງຫວຽດນາມຢ່າງຈະແຈ້ງ, ແຕ່ແຜນທີ່ແຜນນີ້ແມ່ນຈະແຈ້ງທີ່ສຸດ, ດີທີ່ສຸດ.”
ການຮຽບຮຽງຊຸດ Atlas ມີການປະກອບສ່ວນບໍ່ແມ່ນຫນ້ອຍຂອງສາດສະດາຈານ ຫງວຽນກວາງງອກ ແລະ ນາງ ຫງວຽນທິຫາຍ, ນັກສຶກສາພວມຄົ້ນຄ້ວາຢູ່ຝລັ່ງ. ທ່ານ ຫງວຽນບັກຊອນ, ລັດຖະມົນຕີກະຊວງຖະແຫລງຂ່າວ ແລະ ສື່ສານ ຫວຽດນາມ ໃຫ້ຮູ້ວ່າ:
“ການຮຽບຮຽງແຜນທີ່ສະບັບນີ້ ໄດ້ຮັບການປະຕິບັດໃນຫລາຍມື້, ເພາະສະນັ້ນ ການຮຽບຮຽງດຳເນີນໄປຢ່າງລອບຄອບຖິ່ຖ້ວນ. ຊຸດ Atlas ນີ້ ຈະປະກອບສ່ວນຢັ້ງຢືນອະທິປະໄຕຂອງຫວຽດນາມ ສຳລັບໝູ່ເກາະຮ່ວາງຊາ ແລະ ເຊື່ອງຊາ ຕື່ມອີກ, ປະກອບສ່ວນຊ່ວຍໃຫ້ເພື່ອນມິດສາກົນເຂົ້າໃຈຕື່ມອີກກ່ຽວກັບຄວາມໝາຍແຫ່ງການ ຕໍ່ສູ້ປົກປັກຮັກສາອະທິປະໄຕຜືນແຜ່ນດິນຂອງຫວຽດນາມ.”
ຊຸດ Atlas ຂອງ Philipe Vandemaelen ພິມຈຳຫນ່າຍເມື່ອປີ 1827 ໄດ້ສະຫນອງເອກະສານສຳຄັນຫລາຍຢ່າງ, ແມ່ນພະຍານຫລັກຖານສຳຄັນຢັ້ງຢືນອະທິປະໄຕຂອງຫວຽດນາມ ສຳລັບໝູ່ເກາະຮ່ວາງຊາ ແລະ ເຈື່ອງຊາ.