(vovworld) - ໃນສະພາບດິນຟ້າອາກາດທີ່ຮ້ອນເອົ້າຂອງລະດູຮ້ອນ, ບໍ່ມີຫຍັງດີກວ່າທີ່ໄດ້ລອຍນຳ້ທະເລທີ່ຂຽວສະອາດ. ເມື່ອລະດູຮ້ອນວຽນມາ, ບັນດາຫາດຊາຍທະເລຢູ່ພາກເໜືອຄື: ໂກໂຕ, ກາດບ່າ, ໂດ່ເຊີນ ຫຼືຫາກຊາຍທະເລຢູ່ພາກກາງເຊັ່ນ: ເຊິ່ມເຊີນ, ເກືອລໍ່, ທຽນເກີ່ມ, ດ່ານັ້ງ, ຍາຈາງ, ຟູ໋ກວົກ ຍາມໃດກໍ່ສ້າງຄວາມດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດເປັນຈຳນວນຫຼວງຫຼາຍ.
ທະເລຢູ່າກເໜືອຫວຽດນາມ
ການທ່ອງທ່ຽວທະເລໃນຍາມຮ້ອນປີ 2015 ແມ່ນຟົດຟື້ນທີ່ສຸດ. ບັນດາຫາດຊາຍທະເລຢູ່ພາກເໜືອປີນີ້ໄດ້ຕ້ອນຮັບແຂກທ່ອງທ່ຽວຫຼາຍຄົນ. ໃນນັ້ນ, ກາດບ່າ, ຫາຍຝ່ອງ ມີທັດສະນີຍະພາບສວຍງາມແບບທຳມະຊາດ. ມາກາດບ່າ, ນັກທ່ອງທ່ຽວທັງໄດ້ອາບນຳ້ທະເລ, ທັງຄົ້ນຫາຄວາມງາມຂອງປ່າດົງ, ແມ່ນຳ້ລຳເຊ, ຫາດຊາຍທະເລ ແລະ ລະບົບເກາະຢູ້ອ້ອມແອ້ມ. ນອກນັ້ນ, ເກາະໂກໂຕ ຫຼື ກວານລ້ານ, ແຂວງກວາງນິງ, ກໍ່ດຶງດູດນັກທ່ອງທ່ຽວຫຼາຍຄົນ. ທ່ານນາງ ທູເຟືອງ, ບໍລິສັດ Aroma trvel, ໃຫ້ຮູ້ວ່າ:
“ລະດູຮ້ອນປີນີ້, ນັກທ່ອງທ່ຽວຫຼາຍຄົນໄດ້ເລືອກເຟັ້ນກວານລ້ານ, ໂກໂຕ ເປັນສະຖານທີ່ທ່ອງທ່ຽວ, ເພາະວ່າລາຄາຢູ່ທີ່ນີ້ເໝາະສົມ. ນີ້ແມ່ນຫາດຊາຍທະເລຫາທີ່ກໍ່ໄດ້ຮັບການຄົ້ນພົບ, ດັ່ງນັ້ນຍັງຄົງຮົກເຮຶ້ອຢູ່. ປີນີ້, ນັກທ່ອງທ່ຽວຍັງມັກໄປຫາດຊາຍທະເລ ຫາຍຕ໋ຽນອີກ. ຫາຍຕ໋ຽນຫ່າງຈາກນະຄອນແທງຮ່ວາ 15 ກມ ແລະ ຫ່າງຈາກຮ່າໂນ້ຍ 155 ກມ. ເຖິງວ່ານີ້ແມ່ນຫາດຊາຍທະເລແຫ່ງໃໝ່ກໍ່ຕາມ, ແຕ່ການບໍລິການພັດທະນາໄວທີ່ສຸດ”.
ຫາດຊາຍທະເລໂກໂຕ
ຫາດຊາຍທະເລ ເຊິ່ມເຊີນ, ຂຶ້ນກັບເທດສະບານ ເຊິ່ມເຊີນ, ແຂວງແທງຮ໋ວາ, ກໍ່ແມ່ນສະຖານທີ່ທ່ອງທ່ຽວທີ່ດູດດື່ມ ແລະ ມີຊື່ສຽງຂອງຫວຽດນາມ ນັບແຕ່ຊຸມປີຕົ້ນຂອງສະຕະວັດທີ 20, ດ້ວຍຫາດຊາຍທະເລກວ້າງ, ຟອງທະເລບໍ່ແຮງ, ນຳ້ຂຽວສະອາດ.
ໄປທ່ອງທ່ຽວທະເລທຽນກິ່ມ ຢູ່ເມືອງ ເກິມຊວຽນ, ແຂວງ ຫ່າຕິ້ງ, ທາງພາກກາງຫວຽດນາມ, ນັກທ່ອງທ່ຽວຈະມີວິໄສທັດໃໝ່ກ່ຽວກັບທະເລຫວຽດນາມ. ທັດສະນີຍະພາບຢູ່ທີ່ນີ້ຍັງຮົກເຮື້ອຢູ່, ດ້ວຍຫາດຊາຍທະເລຍາວ, ກວ້າງ, ພ້ອມກັບຝາຫີນສູງຊັນ, ເມື່ອຟອງທະເລທົບໃສ່ໄດ້ສ້້າງເປັນສຽງພິເສດສະເພາະທີ່ບໍ່ເຄີຍມີຢູ່ບ່ອນອື່ນ. ທະເລທຽນເກິ່ມ ມີເກາະ ແລະ ພູຫຼາຍໜ່ວຍສ້າງເປັນຮູບພາບທີ່ສວຍງາມ.
ຫາດຊາຍທະເລທຽນເກິ່ມ
ທ່ອງທ່ຽວປະສົມ Teambuilding ແມ່ນທ່າອ່ຽງໃໝ່ພວມໄດ້ຮັບຄວາມນິຍົມຈາກນັກທ່ອງທ່ຽວຫຼາຍຄົນ. ກຳໄດ້ທ່າອ່ຽງດັ່ງກ່າວ, ບໍລິສັດ Phuong Nam Sun travel ໄດ້ສ້າງບັນດາລາຍການTeam ຢ່າງອຸດົມສົມບຸນ ແລະ ຫຼາຍຮູບຫຼາຍແບບ ເພື່ອໃຫ້ນັກທ່ອງທ່ຽວໄດ້ຊົມໃຊ້ຄວາມປອດໂປ່ງຂອງທະເລ, ທັງເຂົ້າໃຈຕົວເອງກໍ່ຄືໝູ່ເພື່ອນ. ທ່ານນາງ ຫງວຽນຕ໋ຽນຫ່າວ, ຜູ້ອຳນວຍການບໍລິສັດ Phuong Nam Sun travel, ໃຫ້ຮູ້ວ່າ:
“ເມື່ອແຂກເຂົ້າຮ່ວມລາຍການທ່ອງທ່ຽວຂອງບໍລິສັດ Phuong Nam Sun travel, ພວກຂ້າພະເຈົ້າເຄີຍແນະນຳກ່ຽວກັບລາຍການທ່ອງທ່ຽວພັກຜ່ອນຢ່ອນອາລົມສົມທົບກັບການລະຫຼິ້ນ Teambuilding ແລະ gala diner ເພື່ອແນໃສ່ສ້າງຄວາມໃກ້ຊິດສະໜິດສະໜົມ, ຄວາມສາມັກຄີລະຫວ່າງບັນດາສະມາຊິກໃນຄະນະ“.
Teambuilding ຢູ່ຫາດຊາຍທະເລ
ບັນດາຫາດຊາຍທະເລທີ່ເໝາະສົມກັບການຈັດຕັ້ງ Teambuilding ຕ້ອງແມ່ນຫາດຊາຍທີ່ກວ້າງຂວາງ, ສະອາດ, ຂີ້ຊາຍກ້ຽງສະເໝີ. ທ່ານນາງ ຕ໋ຽນຫ່າວ, ໃຫ້ຮູ້ວ່າ:
“ປີນີ້ພວກຂ້າພະເຈົ້າມຸງໄປສູ່ບັນດາຫາດຊາຍທະເລໃໝ່ເຊັ່ນ Bai Lu resort, ຫຼືໃກກວ່ານັ້ນແມ່ນຍາຈາງ, ດ່ານັ້ງ. ຢູ່ຍາຈາງ ມີຫາດຊາຍທະເລ ໂຢກເລດ ທີ່ຂຽວສະອາດ, ເກາະຂີ (ເກາະລິງ), ຫ້ວຍລານເພື່ອຈັດຕັ້ງ Teambuilding“.
ລະດູຮ້ອນແມ່ນໄລຍະເວລາທີ່ເໝາະສົມໃນປີເພື່ອໃຫ້ນັກທ່ອງທ່ຽວຄົ້ນຫາເຂດທີ່ໃໝ່ອ່ຽມ. ແລະ ທະເລຍາມໃດກໍ່ແມ່ນການເລືອກເຟັ້ນອັນດັບໜຶ່ງຂອງນັກທ່ອງທ່ຽວ.