(vovworld)-ເກາະຮ່ອນຄວາຍຖືກຕັ້ງຢູ່ນອກຝັ່ງທະເລທາງໃຕ້ສຸດຂອງແຫລມກາເມົາ. ຢູ່ເກາະທີ່ຫ່າງໄກນີ້ແມ່ນຂາດເຂີນທຸກສິ່ງທຸກຢ່າງ ແຕ່ບັນຍາກາດຕ້ອນຮັບບຸນປີໃຫມ່ປະຈຳຊາດຂອງບັນດາທະຫານເຮືອແມ່ນອົບອຸ່ນ ແລະ ເຕັມໄປດ້ວຍອາລົມຈິດຄວາມຮັກແພງ. ບຸນປີໃຫມ່ປີນີ້, ຄວາມເບີກບານມ່ວນຊື່ນຄືດັ່ງເພີ່ມຂຶ້ນທົບສອງເທົ່າສຳລັບບັນດາທະຫານເຮືອຢູ່ສະຖານີ ຣາດາ 595, ກອງພັນ 551, ກອງບັນຊາການ ທະຫານເຮືອ ເຂດ 5 ເມື່ອໄດ້ເຫັນປະຈັກຕາຄວາມຜາສຸກຂອງຄອບຄົວຮ້ອຍໂທ ຫງວຽນທໍ້ເຈື່ອງທີ່ມີຈຸດເວລາເຕົ້າໂຮມກັນ.
ບັນດານັກຮົບຢູ່ເກາະຮ່ອນຄວາຍ
ພາບ:internet
|
ຍັງອີກ 10 ວັນຈຶ່ງຮອດບຸນປີໃຫມ່ປະຈຳຊາດ, ແຕ່ບັນຍາກາດປີໃຫມ່ປີມະແມໄດ້ປະກົດອອກໃນແຕ່ລະຄອບຄົວ. ຢູ່ບ້ານເກີດເມືອງນອນ, ຄອບຄົວ, ຍາດຕິພີ່ນ້ອງຂອງບັນດານັກຮົບສະຖານີ ຣາດາ 595 ພວມກະກຽມທຸກສິ່ງທຸກຢ່າງເພື່ອຕ້ອນຮັບປີໃຫມ່ບຸນປະຈຳຊາດ. ສ່ວນຢູ່ ສະຖານີ ຣາດາ 595, ບັນດາທະຫານເຮືອ ກໍພວມຫ້າວຫັນກະກຽມຕ້ອນຮັບລະດູບານໃຫມ່ ປີ 2015. ພິເສດ, ປີນີ້ ບັນຍາກາດຕ້ອນຮັບບຸນປີໃຫມ່ປະຈຳຊາດ ຢູ່ເກາະ ຮ່ອນຄວາຍ ຍິ່ງມີຄວາມເບີກບານມ່ວນຊື່ນກວ່າ ເພາະວ່າພວກອ້າຍມີຍາດຕີພີ່ນ້ອງຂອງເພື່ອນຮ່ວມກົມກອງມາຕ້ອນຮັບບຸນປີໃຫມ່ປະຈຳຊາດນຳ. ເປັນຄັ້ງທຳອິດມີໂອກາດໄດ້ມາຕ້ອນຮັບບຸນປີໃຫມ່ປະຈຳຊາດກັບຜົວ, ເອື້ອຍ ຟານທິເມນ ຈຶ່ງເຂົ້າໃຈໄດ້ວຽກງານກໍຄືອາລົມຈິດຄວາມຮັກແພງຂອງພວກອ້າຍທະຫານຢູ່ເກາະທີ່ຫ່າງໄກ. ເອື້ອຍ ເມນ ໃຫ້ຮູ້ວ່າ:
“ເມື່ອມາຮອດເກາະຮອ່ນຄວາຍ, ຂ້າພະເຈົ້າເຫັນວ່າ ພວກອ້າຍນອ້ງຢູ່ໃນກົມກອງມີຄວາມຮັກແພງກັນ. ເຖິງວ່າ ຊີວິດຂອງພວກອ້າຍຢູ່ເກາະ ແມ່ນຂາດເຂີນຫລາຍສິ່ງຫລາຍຢ່າງເມື່ອທຽບໃສ່ຢູ່ເຂດດິນຕໍ່ແຜ່ນກໍຕາມ, ແຕ່ພວກອ້າຍຍາມໃດກໍມີຄວາມເບີກບານມ່ວນຊື່ນ ແລະ ປະຕິບັດສຳເລັດຫນ້າທີ່ທີ່ໄດ້ຮັບການມອບໝາຍ.”
ເອື້ອຍ ເມນ ແລະ ຮ້ອຍໂທ ຫງວຽນທໍ້ເຈື່ອງ ແຕ່ງງານນຳກັນມາເປັນເວລາ 17 ປີແລ້ວ, ແຕ່ສ່ວນຫລາຍ ອ້າຍເຈື່ອງ ດຳລົງຊີວິດ ແລະ ຕ້ອນຮັບບຸນປີໃຫມ່ປະຈຳຊາດຢູ່ ເກາະ. ປີນີ້ ການມີຫນ້າຂອງເມຍ ແລະ ລູກຂອງອ້າຍ ເຈື່ອງ ຢູ່ເກາະຮ່ອນຄວາຍ ຍິ່ງເຮັດໃຫ້ເພື່ອນຮ່ວມກົມກອງກໍຮູ້ສຶກເບີກບານມ່ວນຊື່ນກວ່າ. ຮ້ອຍໂທ ຫງວຽນທໍ້ເຈື່ອງ ແບ່ງປັນວ່າ:
“ປີນີ້ ຂ້າພະເຈົ້າໂຊກດີກວ່າບັນດາອ້າຍນ້ອງຮ່ວມກົມກອງ ເພາະໄດ້ຕ້ອນຮັບບຸນປີໃຫມ່ປະຈຳຊາດກັບເມຍ ແລະ ລູກ. ຂ້າພະເຈົ້າຮູ້ສຶກດີໃຈຫລາຍ ແລະ ອຸ່ນອ່ຽນໃຈເພື່ອສຳເລັດຫນ້າທີ່ວຽກງານ. ຂ້າພະເຈົ້າຫວັງວ່າ ບຸນປີໃຫມ່ໃນຊຸມປີຕໍ່ໄປ, ບັນດາຜູ້ຮ່ວມກົມກອງກັບຂ້າພະເຈົ້າກໍໂຊກດີຄືຂ້າພະເຈົ້າ.”
ສົ່ງເຄື່ອງຂອງໃຫ້ນັກຮົບຕ້ອນຮັບບຸນເຕັດ
ພາບ:internet
|
ຂອງຂວັນທີ່ເອື້ອຍເມນ ນຳມາໃຫ້ຜົວ ສ່ວນຫລາຍແມ່ນບັນດາເລື່ອງລາວຂອງຍາດຕິພີ່ນ້ອງຢູ່ ບ້ານເກີດເມືອງນອນ. ເອື້ອຍເມນເວົ້າວ່າ:
“ຂອງຂວັນທີ່ຂ້າພະເຈົ້ານຳມາໃຫ້ ນັ້ນແມ່ນບັນດາເລື່ອງລາວຢູ່ບ້ານ. ເລື່ອງຮ່ຳຮຽນຂອງລູກ, ສຸຂະພາບຂອງພໍ່ແມ່. ການດຳລົງຊີວິດຢູ່ບ້ານເກີດເມືອງນອນກໍອີ່ມຫນຳສຳລານກວ່າດ ບໍ່ຫຍຸ້ງຍາກຄືກ່ອນນີ້ອີກ.”
ເຖິງວ່າ ຊີວິດການເປັນຢູ່ຍັງປະສົບກັບການທົດສອບ, ຄວາມຫຍຸ້ງຍາກລຳບາກຫລາຍຢ່າງກໍຕາມ, ແຕ່ ບັນດານັກຮົບປ້ອງກັນອະທິປະໄຕຂອງປະເທດຊາດຢູ່ເກາະ ຮ່ອນຄວາຍ ຍາມໃດກໍຖື ຫນ້າທີ່ປົກປັກຮັກສາປະເທດຊາດເປັນວຽກງານສຳຄັນຕົ້ນຕໍ. ຄວາມສະຫງົບສຸກຢູ່ເຂດທະເລ, ໝູ່ເກາະ, ພິເສດ ອາລົມຈິດຄວາມຮັກແພງ ບໍລິສຸດຜຸດຜ່ອງຂອງຜູ້ເປັນເມຍແມ່ນສິ່ງທີ່ເພີ່ມກຳລັງແຮງໃຫ້ແກ່ພວກອ້າຍໃນການປະຕິບັດຫນ້າທີ່ປົກປັກຮັກສາອະທິປະໄຕເຂດທະເລໝູ່ເກາະຂອງປະເທດຊາດ.