ເມືອງເກາະຟູ້ກ໋ວກທີ່ຂຶ້ນກັບແຂວງກຽນຢາງໄດ້ຮັບການອະນຸມັດຜ່ານຈາກນາຍົກລັດຖະມົນຕີເປັນເຂດປົກຄອງ-ເສດຖະກິດພິເສດທີ່ຂຶ້ນກັບສູນກາງໃນປີ 2020. ນີ້ແມ່ນເງື່ອນໄຂສະດວກເພື່ອໃຫ້ຟູ້ກ໋ວກພັດທະນາຂະແໜງທ່ອງທ່ຽວທີ່ປາຍແຫຼມ. ເພື່ອຕອບສະໜອງປີທ່ອງທ່ຽວແຫ່ງຊາດ 2016, ມີຫຼາຍບໍລິສັດທ່ອງທ່ຽວ, ດຳເນີນທຸລະກິດການບໍລິການທ່ອງທ່ຽວຢູ່ຟູ້ກ໋ວກພວມມີລາຍການຫຼຸດຜ່ອນລາຄາ ແນໃສ່ດຶງດູດແຂກທ່ອງທ່ຽວກໍຄືສ້າງຄວາມປະທັບໃຈໃຫ້ແຂກທ່ອງທ່ຽວເມືອ່ມາທ່ອງທ່ຽວຢູ່ເກາະຟູ້ກ໋ວກ.
ຟູ້ກ໋ວກແມ່ນເກາະທ່ອງທ່ຽວໃຫຍ່ກວ່າໝູ່ຢູ່ຫວຽດນາມ (baomoi) |
ຟູ້ກ໋ວກແມ່ນເກາະທ່ອງທ່ຽວໃຫຍ່ກວ່າໝູ່ຢູ່ຫວຽດນາມ. ເກາະຟູ້ກ໋ວກມີຫາດຊາຍທະເລຫຼາຍແຫ່ງທີ່ສວຍງາມທີ່ຍາວຢຽດ, ມີປ່າດົງດິບທີ່ຍັງຮັກສາລັກສະນະຮົກເຮື້ອຂອງມັນ. ພິເສດໃນປີ 2006, ເຂດນິເວດທຳມະຊາດແຄມທະເລ ແລະ ໝູ່ເກາະກຽນຢາງໄດ້ຮັບການຮັບຮອງຈາກ UNESCO ແມ່ນ ເຂດນິເວດທຳມະຊາດໂລກ, ໃນນັ້ນມີຟູ້ກ໋ວກ. ດ້ວຍທ່າໄດ້ປຽບເຊັ່ນນັ້ນ, ແຂວງກຽນຢາງໄດ້ວາງເປົ້າໝາຍເຖິງປີ 2020 ຈະພັດທະນາເກາະ ຟູ້ກ໋ວກກາຍເປັນສູນທ່ອງທ່ຽວ, ພັກຜ່ອນບຳລຸງສຸຂະພາບ, ແລກປ່ຽນການຄ້າສາກົນທີ່ມີຂອບຂະໜາດໃຫຍ່, ທັນສະໄໝ, ມີຄຸນນະພາບສູງ, ບັນລຸລະດັບພາກພື້ນ ແລະ ສາກົນ. ເພື່ອບັນລຸເປົ້າໝາຍດັ່ງກ່າວ, ອຳນາດການປົກຄອງແຂວງກຽນຢາງໄດ້ຜັນຂະຫຍາຍບັນດາມາດຕະການທີ່ມີລັກສະນະບຸກທະລຸເພື່ອພັດທະນາການທ່ອງທ່ຽວ. ພິເສດໃນສະເພາະໜ້າ, ຈະຈັດຕັ້ງ ປີທ່ອງທ່ຽວແຫ່ງຊາດ 2016ໃຫ້ເປັນຢ່າງດີ. ທ່ານຮີງກວາງຮຶງ ຮອງປະທານຄະນະກຳມະການປະຊາຊົນເມືອງ ຟູ້ກ໋ວກ ໃຫ້ຮູ້ວ່າ ປີນີ້ຈະມີແຂກທ່ອງທ່ຽວປະມານ 1 ລ້ານເທື່ອຄົນມາຢ້ຽມຢາມ ຟູ້ກ໋ວກ. ຄະນະກຳມະການປະຊາຊົນເມືອງ ຟູ້ກ໋ວກພວທພ້ອມກັບບັນດາບໍລິສັດທ່ອງທ່ຽວ, ໂຮງແຮມ, ພັດທະຄານ ຈັດຕັ້ງຜັນຂະຫຍາຍບັນດາລາຍການທ່ອງທ່ຽວໄປຍັງຟູ້ກ໋ວກ ຊຶ່ງຈະຫຼຸດລາຄາບໍລິການແຕ່ 10 ຫາ 30% ເພື່ອດຶງດູດແຂກທ່ອງທ່ຽວ. ທ່ານຮີງກວາງຮຶງ ຮອງປະທານຄະນະກຳມະການປະຊາຊົນເມືອງ ຟູ້ກ໋ວກ ໃຫ້ຮູ້ວ່າ :
“ ບັນດາວິສາຫະກິດໃນບໍລິເວນ ເມືອງຟູ້ກ໋ວກຕ່າງກໍເຫັນດີເຫັນພ້ອມກ່ຽວກັບການຫຼຸດລາຄາບໍລິການ. ພິເສດຈຸດສຸມໃນປີນີ້, ແມ່ນເຂດບັນເທິງ Safari ຖືກນຳເຂົ້າເຄື່ອນໄຫວ, ອັນໄດ້ສ້າງເງື່ອນໄຂໃຫ້ແກ່ແຂກທ່ອງທ່ຽວໄປທ່ອງທ່ຽວຢູ່ຟູ້ກ໋ວກຫຼາຍກວ່າ, ເວລາພັກຜ່ອນຢູ່ຟູ້ກ໋ວກກໍຖືກແກ່ຍາວກວ່າ ”
ເພື່ອຕອບສະໜອງແຜນນະໂຍບາຍດຶງດູດແຂກທ່ອງທ່ຽວ, ບໍລິສັດຫຸ້ນສ່ວນທ່ອງທ່ຽວຮ່ວາບີງ ຫວຽດນາມ ໄດ້ມີບັນດາລາຍການລະອຽດເພື່ອຫຼຸດຜ່ອນການບໍລິການ. ທ່ານນາງ ຫງວຽນທີຮວາເລະ ປະທານສະພາບໍລິຫານ, ຜູ້ອຳນວຍການໃຫຍ່ ບໍລິສັດຫຸ້ນສ່ວນທ່ອງທ່ຽວຮ່ວາບີງ ຫວຽດນາມ ໃຫ້ຮູ້ວ່າ :
“ ພວກຂ້າພະເຈົ້າໄດ້ເຮັດວຽກກັບບັນດາບໍລິສັດການບິນຄື Jestar, VN Airline ແລະ VietJes ເພື່ອມີລາຍການຫຼຸດລາຄາບໍລິການໃຫ້ແກ້ແຂກທ່ອງທ່ຽວແຕ່ 15-25%. ສ່ວນບັນດາໂຮງແຮມກໍ ຫຼຸດລາຄາບໍລິການແຕ່ 20 – 30% ໃນໂອກາດປີທ່ອງທ່ຽວແຫ່ງຊາດ 2016 ”
ສ່ວນອ້າຍ ດວານແອງຟຸກ ຜູ້ອຳນວຍການບໍລິຫານພັດທະຄານ ແອງເຢືອງ ຢູ່ຖະໜົນ ເຈີນຮຶງດ້າວ, ເມືອງ ຟູ້ກ໋ວກ ໃຫ້ຮູ້ວ່າ :
“ເພື່ອຕອບສະໜອງປີທ່ອງທ່ຽວແຫ່ງຊາດ 2016, ໂຮງແຮມ, ພັດທະຄານແອງເຢືອງໄດ້ຫຼຸດລາຄາບໍລິການ 10% ໃຫ້ແຂກທ່ອງທ່ຽວເມື່ອມາພັກເຊົາ ແລະ ກິນດື່ມຢູ່ນີ້. ຂ້າພະເຈົ້າກໍເຊື່ອໝັ້ນວ່າ ບັນດາວິສາຫະກິດອ້ອມຂ້າງ ກໍມີບັນດາລາຍການບຸລິມະສິດເພື່ອດຶງດູດແຂກທ່ອງທ່ຽວເຂົ້າມາຈາກດິນຕໍ່ແຜ່ນ ”
ໃນຊຸມມື້ນີ້, ອຳນາດການປົກຄອງ ແລະ ປະຊາຊົນ ຟູ້ກ໋ວກ ພວມມານະພະຍາຍາມຈົນສຸດຄວາມສາມາດຂອງຕົນເພື່ອເຄື່ອນໄຫວໃນປີທ່ອງທ່ຽວແຫ່ງຊາດ 2016 ເປັນຢ່າງດີ, ຕັດສິນໃຈນຳເກາະທ່ອງທ່ຽວທີ່ສວຍງາມນີ້ກາຍເປັນສະຖານທີ່ທ່ອງທ່ຽວທີ່ດູດດື່ມສຳລັບແຂກທ່ອງທ່ຽວທັງຢູ່ພາຍໃນປະເທດ ແລະ ສາກົນ.