(vovworld) - ສຳລັບເດັກພິການ, ເລື່ອງໄດ້ຮັບການສຶກສາ, ລ້ຽງດູໃນສະພາບພິເສດ ແມ່ນຄວາມຕ້ອງການທີ່ຈຳເປັນ. ບັນດາໂຮງຮຽນສຳລັບເດັກພິການບາງເທື່ອຈະບໍ່ກວ້າງໃຫຍ່ກໍ່ຕາມ, ແຕ່ມັນຈະເປັນ ”ຄອບຄົວແຫ່ງທີສອງ”, ຊ່ວຍໃຫ້ພວກນ້ອງມີທັກສະໃນການດຳລົງຊີວິດ ແລະ ມີຄວາມເຊື່ອໝັ້ນເພື່ອເຊື່ອມໂຍງເຂົ້າກັບປະຊາຄົມ. ໃນລາຍການສາລະຄະດີມື້ນີ້, ເຊີນເພື່ອນພ້ອມກັບ ມີ້ຢຸງ, ນັກຂ່າວວິທະຍຸກະຈາຍສຽງຫວຽດນາມແວ່ຢາມໂຮງຮຽນສຳລັບເດັກພິການຢູ່ນະຄອນໂຮ່ຈີມິນ.
ໂຮງຮຽນອະນາຄົດ
(ພາບ: ອິນເຕີແນດ)
ພວກຂ້າພະເຈົ້າໄປຢ້ຽມຢາມໂຮງຮຽນອະນາຄົດໃນຊຸມມື້ຕົ້ນເດືອນ 4. ໂດຍຕັ້ງຢູ່ຮ່ອມບ້ານນ້ອຍໆໃນຖະໜົນ ນາມກີ່ເຂີຍເງ້ັຍ, ເມືອງ 3. ປະຈຸບັນ, ໂຮງຮຽນພວມສິດສອນໃຫ້ເດັກພິການ 40 ຄົນໃນເກນອາຍຸແຕ່ 6 – 16 ປີຕາມຮູບການເຄິ່ງກິນນອນ. ເອື້ອຍຄູ ໂດ້ທິເຟືອງງາ, ຜູ້ອຳນວຍການໂຮງຮຽນ ໃຫ້ຮູ້ວ່າ:
”ໂຮງຮຽນຂ້າພະເຈົ້າສ່ວນຫຼາຍແມ່ນເດັກພິການໜັກ, ດັ່ງນັ້ນພວກນ້ອງຈຶ່ງປະສົບກັບຄວາມຫຍຸ້ງຍາກຫຼາຍກ່ຽວກັບດ້ານພາສາ, ທັກສະໃນການດຳລົງຊີວິດ. ຍ້ອນເຫດນັ້ນຂ້າພະເຈົ້າຈຶ່ງລົງທຶນສິດສອນກ່ຽວກັບທັກສະໃນການດຳລົງຊີວິດ ແລະ ພັດທະນາດ້ານພາສາ”.
ຊົ່ວໂມງຮຽນຂອງເດັກພິການ
(ພາບ: ອິນເຕີແນດ) ຢູ່ໂຮງຮຽນອະນາຄົດ, ເລື່ອງສອນດ້ານທັກສະໃນການດຳລົງຊີວິດ ແລະ ແກ້ໄຂບັນດາສະພາບການທີ່ເກີດຂຶ້ນ ໄດ້ຮັບຄວາມເອົາໃຈໃສ່ເປັນພິເສດຈາກຄະນະອຳນວຍການ ແລະ ຄອບຄົວ. ເອື້ອຍຄູ ຟານທິທູເຮືອງ, ຜູ້ທີ່ໄດ້ຕິດພັນກັບໂຮງຮຽນມາຫຼາຍປີແລ້ວ, ແບ່ງປັນວ່າ:
”ເດັກນ້ອຍເຫຼົ່ານີ້ມີຄວາມໂຊກຮ້າຍທີ່ສຸດ, ຂ້າພະເຈົ້າໄດ້ສິດສອນພວກນ້ອງດ້ວຍຄວາມສຸດຈິດສຸດໃຈ, ຜ່ານລາຍການທີ່ເໝາະສົມກັບຄວາມສາມາດຂອງເດັກນ້ອຍ, ສອນໃຫ້ພວກນ້ອງຍາກຫຼາຍ, ດັ່ງນັ້ນ, ພວກຂ້າພະເຈົ້າໄດ້ມີການສົມທົບຢ່າງແໜ້ນແຟ້ນກັບພໍ່ແມ່ນັກຮຽນໃນແຕ່ລະບົດສອນ ເພື່ອໃຫ້ພວກນ້ອງກຳບົດຮຽນໄດ້ດີທີ່ສຸດ.”
ເດັກພິການພວມຮຽນແຕ້ມ
(ພາບ: ອິນເຕີແນດ) ຢູ່ໂຮງຮຽນຄວາມຫວັງເລກ 1 ສຳລັບເດັກຫູໜວກ, ໃນເມືອງ 1 , ເຖິງວ່າພື້ນຖານດ້ານວັດຖຸຂອງໂຮງຮຽນຍັງຂາດເຂີນກໍ່ຕາມ, ແຕ່ດ້ວຍຄວາມມານະພະຍາຍາມຂອງຕົນ, ບັນດາຄູສອນໃນໂຮງຮຽນ ຍາມໃດກໍ່ສ້າງສະພາບແວດລ້ອມແຫ່ງການສຶກສາດີທີ່ສຸດໃຫ້ພວກນ້ອງ. ນອກຈາກສອນວັດທະນະທຳແລ້ວ, ທາງໂຮງຮຽນຍັງສອນທັກສະໃນການດຳລົງຊີວິດ, ພອນສະຫວັນ ແລະ ແນະນຳວິຊາຊີບອື່ນໆຄື ແຕ້ມ, ໄອທີ, ປັກແສ່ວ, ຜະລິດເຄື່ອງຫັດຖະກຳສິລະປະອີກດ້ວຍ. ດ້ວຍຄວາມຫວັງວ່າພວກນ້ອງຈະມີອາຊີບເພື່ອກຸ້ມຕົນເອງໃນອະນາຄົດ. ກ່ຽວກັບການຮັບສະໝັກຄູສອນໃຫ້ໂຮງຮຽນ. ເອື້ອຍຄູ ເຈິ່ນທິເງີ່ຍ, ຜູ້ອຳນວຍການໂຮງຮຽນຄວາມຫວັງໃຫ້ຮູ້ວ່າ:
”ພາຍຫຼັງຮັບເອົາຄູສອນໃ່ໝ່, ພວກຂ້າພະເຈົ້າກໍ່ບຳລຸງສ້າງໃຫ້ເຂົາເຈົ້າກ່ຽວກັບທັກສະໃນການສຳພັດກັບຄົນຫູໜວກ, ເພື່ອຮັບປະກັນໃຫ້ເຂົາເຈົ້າສິດສອນບົດຮຽນສະດວກສະບາຍ ແລະໄດ້ດີ”.
ຄູສອນແນະນຳໃຫ້ເດັກພິການວິທີພັບເຈ້ຍ
(ພາບ: ອິນເຕີແນດ) ບໍ່ພຽງແຕ່ສິດສອນຄວາມຮູ້ດ້ານວັດທະນະທຳໃຫ້ແກ່ເດັກພິການ, ໂຊກຮ້າຍເທົ່ານັ້ນ, ບັນດາໂຮງຮຽນສຳລັບເດັກພິການຍັງເປີດຫ້ອງຮຽນ ກ່ຽວກັບພອນສະຫວັນ, ໄອທີ, ດົນຕີ ດ້ວຍຈຸດໝາຍເຮັດໃຫ້ພວກນ້ອງໄດ້ຮັບການພັດທະນາຢ່າງຮອບດ້ານ. ສິ່ງທີ່ໜ້າເວົ້າເຖິງນັ້ນແມ່ນ, ຄູສອນກໍ່ແມ່ນຄົນພິການ, ເຂົາເຈົ້າມາແຫ່ງນີ້ບໍ່ພຽງແຕ່ເພື່ອສິດສອນໃຫ້ພວກນ້ອງເທົ່ານັ້ນ, ຫາກຍັງເປັນການປຸກລະດົມກຳລັງໃຈ, ແບ່ງປັນ ແລະ ເພີ່ມກຳລັງແຮງທາງດ້ານຈິດໃຈໃຫ້ເດັກພິການອີກດ້ວຍ.
ສະເຫຼີມສະຫຼອງວັນໂລກປົກປັກຮັກສາ ແລະ ເບິ່ງແຍງດູແລຄົນພິການວັນທີ 18/4, ຫວັງວ່າຈະມີໂຮງຮຽນສຳລັບເດັກພິການຫຼາຍແຫ່ງກວ່າອີກ ເພື່ອເປັນບ່ອນອີງດ້ານຈິດໃຈໃຫ້ແກ່ພວກນ້ອງ. ດ້ວຍຄວາມຮູ້ ກໍ່ຄືທັກສະທີ່ໄດ້ຮັບເອົາໃນໂຮງຮຽນ, ຫວັງວ່າພວກນ້ອງຈະເຊື່ອມຕົວເຂົ້າກັບວົງຄະນາຍາດ ແລະ ມີຄວາມໄວ້ເນື້ອເຊື່ອໃຈຕື່ມອີກເພື່ອຕັດສິນອະນາຄົດຂອງຕົນ.