ບຸນປີໃໝ່ປະຈຳຊາດ(ໝາຍເຖິງບຸນເຕັດ)ແມ່ນວັນບຸນທີ່ສັກກະລະບູຊາທີ່ສຸດໃນປີຂອງຊາວຫວຽດນາມທຸກໆຄົນ. ແຕ່ລະປີເມື່ອບຸນປີໃໝ່ປະຈຳຊາດວຽນມາ, ພໍ່ແມ່ພີນ້ອງຊາວຫວຽດນາມອາໄສຢູ່ຕ່າງປະເທດ, ໃຜໆກໍເບີກບານມ່ວນຊື່ນ, ຊື້ເຄື່ອງຂອງເມືອຕ້ອນຍາດຕິພີນ້ອງເນື່ອງໃນໂອກາດ ບຸນປີໃໝ່ປະຈຳຊາດ.
ລາຍການລະດູບານໃໝ່ຢູ່ບ້ານເກີດເມືອງນອນ |
ແຕ່ລະປີ, ຄະນະກຳມະການແຫ່ງລັດກ່ຽວກັບຊາວຫວຽດນາມອາໄສຢູ່ຕ່າງປະເທດ, ກະຊວງການຕ່າງປະເທດ ເຄີຍຈັດຕັ້ງລາຍການ “ລະດູບານໃໝ່ຢູ່ບ້ານເກີດເມືອງນອນ” ເນື່ອງໃນໂອກາດບຸນປີໃໝ່ປະຈຳຊາດເພື່ອຕ້ອນຮັບບັນດາລູກຮັກຫຼານແພງຫວຽດນາມຈາກແດນໄກກັບຄືນຢາມບ້ານເກີດເມືອງນອນ. ດ້ວຍລາຍການລະດູບານໃໝ່ຢູ່ບ້ານເກີດເມືອງນອນ ປີ 2015, ຊຶ່ງເປັນຄັ້ງທຳອິດຖືກຈັດຂຶ້ນຢູ່ນະຄອນໂຮ່ຈິມິນນັ້ນ, ຊາວຫວຽດນາມນັບພັນຄົນທີ່ອາໄສຢູ່ຕ່າງປະເທດໄດ້ຈົດຊື່ເຂົ້າຮ່ວມລາຍການ ແລະ ມີຄວາມພູມໃຈເມື່ອໄດ້ກັບຄືນຕ້ອນຮັບລະດູບານໃໝ່ຢູ່ບ້ານເກີດເມືອງນອນ. ທ່ານໝໍ, ດຣຂະແໜງແພດສາດ, ຝ້າມທຽນຮຶງ ປະທານສະມາຄົມແພດພື້ນເມືອງຫວຽດນາມປະຈຳສະຫະພັນລັດເຊຍ ໃຫ້ຮູ້ວ່າ :
“ຊາວຫວຽດນາມຈາກດິນແດນຂອງຕົນໄດ້ອອກໄປຕ່າງປະເທດອອກແຮງງານ, ເຮັດວຽກ, ແລ້ວກໍກັບເມືອສ້າງສາບ້ານເກີດເມືອງນອນໃຫ້ຮັ່ງມີສວຍງາມຫຼາຍຂຶ້ນ. ຕາມຂ້າພະເຈົ້າແລ້ວ, ຈິດໃຈຂອງຊາວຫວຽດນາມອາໄສຢູ່ຕ່າງປະເທດ ແມ່ນຫວັງໃຫ້ລາຍການລະດູບານໃໝ່ຢູ່ບ້ານເກີດເມືອງນອນຖືກຈັດຂຶ້ນໃນແຕ່ລະປີ ເພື່ອທົບທວນຄືນປະຫວັດສາດຂອງປະເທດຊາດຫວຽດນາມ ”
ລຸງໝາກວັນເຕີ້ນ ບ້ານເກີດຢູ່ນະຄອນຫາຍຟ່ອງ , ໄດ້ໄປເຢັຍລະມັນແຕ່ຕົ້ນທົດສະວັດ 80. ກັບຄືນເມືອປະເທດຊາດເນື່ອງໃນໂອກາດຊາວຫວຽດນາມພວມຕ້ອນຮັບລະດູບານໃໝ່, ລາວຮູ້ມີຄວາມອົບອຸ່ນພາຍຫຼັງຢູ່ພັດພາກຈາກບ້ານເກີດເມືອງນອນເປັນເວລາ 34 ປີ, ເພາະສຳລັບ ລຸງໝາກວັນເຕີ້ນແລ້ວ, ການຕ້ອນຮັບບຸນເຕັດຢູ່ແດນໄກ ກໍບໍ່ອາດສົມທຽບກັບບຸນເຕັດຢູ່ບ້ານເກີດເມືອງນອນໄດ້. ລຸງໝາກວັນເຕີ້ນ ໄດ້ແຕ່ງກາບກອນເພື່ອສະແດງຄວາມໃນໃຈຂອງຕົນວ່າ :
“ ຄຳກອນມີຄວາມໝາຍວ່າ : ການຕ້ອນຮັບບຸນເຕັດຢູ່ຕ່າງປະເທດບໍ່ຄືຢູ່ບ້ານເກີດເມືອງນອນ, ເພາະຢູ່ຕ່າງປະເທດບໍ່ມີດອກຄາຍບານ, ຈັກຈັນຮ້ອງຍາມລະດູຮ້ອນ. ພັດພາກຢູ່ຕ່າງປະເທດແມ່ນເຕັມໄປດ້ວຍຄວາມລຳບາກ. ຄວາມຮັກແພງ ກັບປະເທດຊາດແມ່ນລົ້ນເຫຼືອ. ຫວັງຢາກກັບຄືນບ້ານເກີດເມືອງນອນ”
ປ້າ ຕື້ລິງ, ຊາວຫວຽດນາມອາໄສຢູ່ອາເມລິກາເລົ່າສູ່ຟັງວ່າ ລາວໄດ້ໄປດຳລົງຊີວິດຢູ່ອາເມລິກາໄດ້ຫຼາຍປີ, ແຕ່ຄວາມຄິດຮອດຄິດເຖິງບ້ານເກີດເມືອງນອນແມ່ນສຸດຊຶ້ງ. ຢູ່ຕ່າງປະເທດ, ໄປຊອກຫາອາຫານ, ວັດຖຸດິບເພື່ອປຸງແຕ່ງເຍືອງອາຫານຫວຽດນາມໃນຍາມບຸນເຕັດແມ່ນມີຢູ່ , ແຕ່ບໍ່ສາມາດຊອກຫາບັນຍາກາດທີ່ອົບອຸ່ນຄືຢູ່ບ້ານເກີດເມືອງນອນໄດ້. ການຕ້ອນຮັບບຸນເຕັດທີ່ມີຄວາມໝາຍທີ່ສຸດຕໍ່ ປ້າ ຕື້ລິງ, ນັ້ນແມ່ນໄດ້ຕ້ອນຮັບບຸນເຕັດພ້ອມກັບຍາດຕິພີນ້ອງຢູ່ບ້ານເກີດເມືອງນອນ ແລະ ພິເສດໄດ້ເຂົ້າຮ່ວມລາຍການລະດູບານໃໝ່ຢູ່ບ້ານເກີດເມືອງນອນໂດຍລັດຈັດຕັ້ງສະເພາະແກ່ ຊາວຫວຽດນາມອາໄສຢູ່ຕ່າງປະເທດ. ປ້າ ຕື້ລິງ ເວົ້າວ່າ
“ ລູກຂ້າພະເຈົ້າບໍ່ຢາກໃຫ້ຊ້າພະເຈົ້າເມືອເພາະຢ້ານເຮົາສຸຂະພາບບໍ່ແຂງແຮງ. ແຕ່ບ້ານເກີດເມືອງນອນຂອງຂ້າພະເຈົ້າ, ດັ່ງນັ້ນ ຂ້າພະເຈົ້າຕ້ອງເມືອ. ຂ້າພະເຈົ້າຕື້ນຕັນໃຈຫຼາຍ ”
ບໍ່ມີຫຍັງທີ່ມີຄວາມສຸກເໜືອກວ່າເລື່ອງຕ້ອນຮັບບຸນເຕັດຢູ່ບ້ານເກີດເມືອງນອນ ແລະ ເຫັນປະຈັກຕາການປ່ຽນແປງໃໝ່ຂອງປະເທດຊາດ. ຮ່ວມມ່ວນຊື່ນຕ້ອນຮັບລະດູບານໃໝ່ຢູ່ບ້ານເກີດເມືອງນອນ , ຊາວຫວຽດນາມອາໄສຢູ່ຕ່າງປະເທດກໍພູມໃຈເມື່ອໃນປີທີ່ຜ່ານມາ, ເສດຖະກິດຫວຽດນາມໄດ້ບັນລຸລະດັບເຕີບໂຕເກີນຄາດຄະເນ. ລະດູບານໃໝ່ປີມະແມພວມວຽນມາ, ພັດໝັ້ນໝາຍມີຫຼາຍກາລະໂອກາດພັດທະນາ, ຫຼາຍສັນຍານທີ່ດີກ່ຽວກັບປີໃໝ່ທີ່ມີຄວາມສະດວກຫຼາຍຢ່າງ. ນີ້ກໍແມ່ນກຳລັງຊຸກຍູ້ເພື່ອໃຫ້ເຂົາເຈົ້າກັບຄືນເມືອງລົງທຶນ, ປະກອບສ່ວນເຂົ້າໃນການພັດທະນາຂອງປະເທດຊາດ. ລຸງ Jonathan ແຫ້ງຫງວຽນ, ຊາວຫວຽດນາມອາໄສຢູ່ຟີລິບປີນ, ປະທານສະພາບໍລິຫານກຸ່ມບໍລິສັດລະຫວ່າງປາຊີຝິກເວົ້າວ່າ :
“ ຂ້າພະເຈົ້າຄິດວ່າ ເຮົາຍັງມີເງິນ ກໍສາມາດເຮັດໄດ້. ຍັງມີຫຼາຍຄົນປະສົບກັບຄວາມຫຍຸ້ງຍາກ ແມ່ນຕ້ອງການເງິນທຶນ. ຍ້ອນເຫດນີ້, ຂ້າພະເຈົ້າເຄີຍລັງໄປເຂດຫ່າງໄກສອກຫຼີກຂອງປະເທດຊາດ. ໃນລາຍການ : “ເພື່ອໃຫ້ນ້ອງບໍ່ປະຮຽນ”, ຂ້າພະເຈົ້າໄປລົງໄປ 60 ແຂວງ ແລະ ນະຄອນ. ຂ້າພະເຈົ້າເຫັນໄດ້ເຖິງຄວາມຈຳເປັນ ແລະ ຄວາມຮັບຜິດຊອບຕ້ອງຊ່ວຍເຫຼືອພວກນ້ອງນັກຮຽນນີ້”
ຈິດໃຈຄວາມຮັກແພງຕໍ່ບ້ານເກີດເມືອງນອນຂອງຊາວຫວຽດນາມອາໄສຢູ່ຕ່າງປະເທດແມ່ນລົ້ນເຫຼືອ. ຄວາມສຸກຂອງເຂົາເຈົ້າ ແມ່ນຢາກໄດ້ມີຊີວິດໃນບັນຍາກາດຕ້ອນຮັບບຸນເຕັດ, ລະດູບານໃໝ່ຢູ່ບ້ານເກີດເມືອງນອນ ແລະ ນ້ຳໃຈຄວາມຮັກແພງນັ້ນ ໄດ້ກາຍເປັນກຳລັງຊຸກຍູ້ເພື່ອຮຽງບ່າຮຽງໄຫຼ່ພ້ອມກັບປະເທດຊາດ. ເຂົາເຈົ້າຕ້ອນຮັບລະດູບານໃໝ່ປີມະແມພ້ອມກັບຊາວຫວຽດນາມນັບລ້ານໆຄົນຢູ່ພາຍໃນປະເທດ ດ້ວຍຄວາມເຊື່ອໝັ້ນປະເທດຊາດຈະນັບມື້ນັບຮັ່ງມີເຂັ້ມແຂງ .