ເລີ່ມແຕ່ເດືອນ 6/2016 ເປັນຕົ້ນໄປ, ລາຍການທ່ອງທ່ຽວ “ຄວາມຮູ້ສຶກກ່ຽວກັບຮ່າໂນ້ຍ ” ໄດ້ເລີ່ມເຄື່ອນໄຫວຢ່າງເປັນທາງການ, ອັນໄດ້ພາແຂກທ່ອງທ່ຽວຈາກພາກກາງ ແລະ ພາກໃຕ້ມາທ່ອງທ່ຽວຢູ່ຮ່າໂນ້ຍ. ລາຍການທ່ອງທ່ຽວນີ້ ແມ່ນຄວາມແຕກຕ່າງກັບບັນດາ ລາຍການທ່ອງທ່ຽວອື່ນໆເມື່ອສາມາດປຸກລຸກບັນດາຄຸນຄ່າທາງດ້ານວັດທະນະທຳ, ປະຫວັດສາດທີ່ເປັນມູນເຊື້ອຂອງນະຄອນຫຼວງຮ່າໂນ້ຍພັນປີແຫ່ງອາລີຍະທຳ, ປະກອບສ່ວນໂຄສະນາຮູບພາບ ລາຍການທ່ອງທ່ຽວຢູ່ຮ່າໂນ້ຍ.
ໜອງຮ່ວານກຽມ ທີ່ຮ່າໂນ້ຍ |
ໃນຊຸມມື້ນີ້, ເຂດປູຊະນີຍະສະຖານ ວັນມ້ຽວ ກ໋ວກຕືຢ້າມທີ່ຮ່າໂນ້ຍ, ຊຶ່ງແມ່ນມະຫາວິທະຍາໄລແຫ່ງທຳອິດຢູ່ຫວຽດນາມໄດ້ຕ້ອນຮັບແຂກທ່ອງທ່ຽວຫຼາຍຄົນມາທັດສະນະສຶກສາ, ໃນນັ້ນ, ມີແຂກທ່ອງທ່ຽວທີ່ເຂົ້າຮ່ວມ ລາຍການທ່ອງທ່ຽວ “ຄວາມຮູ້ສຶກກ່ຽວກັບຮ່າໂນ້ຍ ”
ລາຍການທ່ອງທ່ຽວ “ຄວາມຮູ້ສຶກກ່ຽວກັບຮ່າໂນ້ຍ ” ແມ່ມລາຍການໂດຍສັງລວມ, ກົມກ່ຽວ, ຂຸດຄົ້ນບັນດາຄຸນຄ່າວັດທະນະທຳທີ່ມີຮູບຮ່າງ ແລະ ບໍ່ມີຮູບຮ່າງທີ່ເປັນເອກະລັກສະເພາະຢູ່ນະຄອນຫຼວງຮ່າໂນ້ຍ ເຊັ່ນ: ທິວທັດທຳມະຊາດ, ບັນດາກິດຈະກຳສາສະໜາ, ເຫຼື້ອມໃສ, ປູຊະນີຍະສະຖານປະຫວັດສາດ, ວັດທະນະທຳ, ໝູ່ບ້ານອາຊີບຫັດຖະກຳ, ບັນດາປະເພດສິລະປະພື້ນເມືອງ, ບັນດາເຍື່ອງອາຫານພິເສດຂອງຮ່າໂນ້ຍ. ທ່ານເຈີນດຶກຫາຍ ຮອງຫົວໜ້າພະແນກທ່ອງທ່ຽວຮ່າໂນ້ຍ ໃຫ້ຮູ້ວ່າ :
“ລາຍການທ່ອງທ່ຽວ “ຄວາມຮູ້ສຶກກ່ຽວກັບຮ່າໂນ້ຍ ”ຍັງຄົງນຳໃຊ້ບັນດາສະຖານທີ່ທ່ອງທ່ຽວທີ່ລຶ້ງເຄີຍເພື່ອຮັບໃຊ້ແຂກທ່ອງທ່ຽວ. ສະຖານທີ່ທ່ອງທ່ຽວທີ່ເປັນເອກະລັກສະເພາະຂອງລາຍການທ່ອງທ່ຽວນີ້ ແມ່ນພາແຂກໄປຍັງ ບາວີ່ ຊຶ່ງແມ່ນແຫ່ງທີ່ບູຊາພະອໍລະຫັນ ຕານວຽນ, ບູຊາປະທານໂຮ່ຈິມິນ. ນີີ້ຮັບຖືວ່າ ແມ່ນສະຖານທີ່ສັກສິດທີ່ສຸດຂອງຫວຽດນາມ. ພ້ອມກັນນັ້ນ, ແຂກທ່ອງທ່ຽວຍັງໄດ້ໄປຢ້ຽມຊົມ, ທັດສະນະສຶກສາຢູ່ເຂດ ປູຊະນີຍະສະຖານ K 9 ຊຶ່ງແມ່ນແຫ່ງໄດ້ຮັກສາສົບຂອງທ່ານ ປະທານໂຮ່ຈິມິນໃນຊຸມປີແຫ່ງສົງຄາມ ”
ລາຍການທ່ອງທ່ຽວ “ຄວາມຮູ້ສຶກກ່ຽວກັບຮ່າໂນ້ຍ ” ຈະພາ ແຂກທ່ອງທ່ຽວໄປຢ້ຽມຢາມບັນດາສະຖານທີ່ເປັນສັນຍາລັກຂອງຮ່າໂນ້ຍເຊັ່ນ: ສຸສານປະທານໂຮ່ຈິມິນ, ວັດເສົາດຽວ, ວັນມ້ຽວ ກ໋ວກຕືຢ້າມຊຶ່ງແມ່ນມະຫາວິທະຍາໄລແຫ່ງທຳອິດຢູ່ຫວຽດນາມ, ພະລາດຊະວັງທັງລອງ, ໜອງຮ່ວານກ້ຽມ, ໝູ່ບ້ານເຄື່ອງປັ້ນດິນເຜົາບາດຈ່າງ, ໝູ່ບ້ານແພໄໝວ້ານຟຸກ… ນອກຈາກນັ້ນ ຍັງໄດ້ໄປ ວັດບ້າຍດິ້ງ ຢູ່ແຂວງນິງບິນ. ແຂກທ່ອງທ່ຽວຄົນໜຶ່ງທີ່ເຂົ້າຮ່ວມ ລາຍການທ່ອງທ່ຽວ ເປີດເຜີຍວ່າ :
“ ຂ້າພະເຈົ້າມີຄວາມເພິ່ງພໍໃຈທີ່ສຸດ, ລາຍການທ່ອງທ່ຽວ “ຄວາມຮູ້ສຶກກ່ຽວກັບຮ່າໂນ້ຍ ” ໄດ້ສ້າງຄວາມປະທັບໃຈໃຫ້ແຂກທ່ອງທ່ຽວທັງຫຼາຍ. ພິເສດ ແຂກທ່ອງທ່ຽວຈະໄດ້ໄປຢ້ຽມຊົມບັນດາທິວທັດທຳມະຊາດ, ປູຊະນີຍະສະຖານປະຫວັດສາດທີ່ລື່ຊື່ຂອງຮ່າໂນ້ຍ, ບັນດາໝູ່ບ້ານອາຊີບຫັດຖະກຳ. ລາຍການທ່ອງທ່ຽວນີ້ຍັງໄດ້ພາແຂກໄປຢ້ຽມຊົມບັນດາສະຖານທີ່ທ່ອງທ່ຽວໃໝ່ ເຊັ່ນ ວັດເຮືອງອີກດ້ວຍ”
ລາຍການທ່ອງທ່ຽວ “ຄວາມຮູ້ສຶກກ່ຽວກັບຮ່າໂນ້ຍ” ໄດ້ສ້າງຄວາມເປັນເອກະລັກສະເພາະເມື່ອທຽບກັບບັນດາລາຍການທ່ອງທ່ຽວອື່ນໆ ຊຶ່ງສາມາດປຸກລຸກບັນດາຄຸນຄ່າທາງດ້ານວັດທະນະທຳ, ປະຫວັດສາດທີ່ເປັນມູນເຊື້ອຂອງນະຄອນຫຼວງຮ່າໂນ້ຍພັນປີແຫ່ງອາລີຍະທຳ, ປະກອບສ່ວນໂຄສະນາຮູບພາບ ລາຍການທ່ອງທ່ຽວຢູ່ຮ່າໂນ້ຍ. ພ້ອມກັນນັ້ນ, ບັນດາຄວາມງາມຂອງທຳມະຊາດ, ວັດທະນະທຳ ແລະ ຊາວນະຄອນຫຼວງຮ່າໂນ້ຍ ກໍສາມາດແຜ່ລາມຢ່າງແຂງແຮງໃນຈິດໃຈຂອງແຂກທ່ອງທ່ຽວທັງຢູ່ໃກ້ ແລະ ໄກ.