ໂດຍໄດ້ກາຍເປັນຄວາມຊິນເຄີຍແລ້ວ, ແຕ່ລະປີຮອດພິທີສະເຫຼີມສະຫຼອງ ວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ຄືວັນທີ 30/4 ແລະ ວັນກຳມະກອນສາກົນຄືວັນທີ 1/5, ຕະຫຼາດທ່ອງທ່ຽວຫວຽດນາມພັດຟົດຟື້ນຍິ່ງຂຶ້ນ. ປີນີ້ວັນພັກການສຳລັບເຫດການນີ້ແມ່ນ 4 ວັນ, ດັ່ງນັ້ນຫຼາຍຄົນມັກເລືອກເອົາລາຍການທ່ອງທ່ຽວຢູ່ພາຍໃນປະເທດ ແລະ ບັນດາປະເທດອາຊີຕາເວັນອອກສ່ຽງໃຕ້. ນີ້ກໍແມ່ນຈຸດເວລາເລີ່ມຕົ້ນລະດູການທ່ອງທ່ຽວຍາມລະດູຮ້ອນປີ 2016 ຂອງຂະແໜງທ່ອງທ່ຽວຫວຽດນາມ.
ລາຍການທ່ອງທ່ຽວເຂດແຄມທະເລພາກໃຕ້ |
ແຂກທ່ອງທ່ຽວສ່ວນຫຼາຍມັກເລືອກເອົາ ລາຍການທ່ອງທ່ຽວຢູ່ພາກກາງຫວຽດນາມເຊັ່ນ : ດານັ້ງ, ຍາຈາງ, ດາຫຼາດ, ເຫ້ວ…ຊຶ່ງແມ່ນບັນດາສະຖານທີ່ທ່ອງທ່ຽວທີ່ລືຊື່ດ້ວຍບັນດາຫາດຊາຍທະເລທີ່ສວຍງາມ, ເປັນບ່ອນພັກຜ່ອນບຳລຸງສຸຂະພາບທີ່ດີ ພ້ອມທັງມີບັນດາປູຊະນີຍະສະຖານປະຫວັດສາດ, ບັນດາມໍລະດົກວັດທະນະທຳລະດັບຊາດ ແລະ ສາກົນ. ມາທ່ອງທ່ຽວຢູ່ສະຖານທີ່ເຫຼົ່ານັ້ນ, ແຂກທ່ອງທ່ຽວຈະມີໂອກາດເຂົ້າຮ່ວມງານ Festival ເຫ້ວ ຄັ້ງທີ 9, ໄປທັດສະນະສຶກສາຢູ່ ບັນດາມໍລະດົກວັດທະນະທຳໂລກເຊັ່ນ: ຄຸ້ມເມືອງເກົ່າໂຫ້ຍອານ, ປູຊະນີຍະສະຖານ ມີ້ເຊີນ…ອ້າຍໂດ້ຍືກວາງ ຊາວຮ່າໂນ້ຍໃຫ້ຮູ້ວ່າ :
“ ເນື່ອງໃນໂອກາດໄດ້ພັກການເພື່ອລະນຶກວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ຄືວັນທີ 30/4 ແລະ ວັນກຳມະກອນສາກົນຄືວັນທີ 1/5 ປີນີ້, ຄອບຄົວຂ້າພະເຈົ້າໄດ້ເລືອກເອົາ ລາຍການທ່ອງທ່ຽວຢູ່ຍາຈາງ ແລະ ຟູ້ກ໋ວກ, ເພາະຢູ່ແຫ່ງນີ້ ມີທິວທັດທຳມະຊາດທີ່ຮົກເຮື້ອສວຍສົດງົດງາມທີ່ສຸດ ດ້ວຍທະເລທີ່ມີນ້ຳຂຽວເຢັນ ພ້ອມກັບພູຜາປ່າໄມ້ ແລະ ພຶກສາຊາດທີ່ອຸດົມສົມບູນ. ພິເສດ ອາກາດຢູ່ນີ້ເຢັນສະບາຍ, ບັນດາການບໍລິການຮັບໃຊ້ປະຊາຊົນດີທີ່ສຸດ ”
ແລະ ກໍເນື່ອງໃນໂອກາດໄດ້ພັກການເພື່ອລະນຶກວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ຄືວັນທີ 30/4 ແລະ ວັນກຳມະກອນສາກົນຄືວັນທີ 1/5 ປີນີ້, ພວກໄວໜຸ່ມ, ເປັນຕົ້ນແມ່ນພວກນັກຮຽນ, ນັກສຶກສາພັດເລືອກເອົາການທ່ອງທ່ຽວຢູ່ເຂດຊຸມຊົນ, ຄົ້ນຫາການດຳລົງຊີວິດຂອງປະຊາຊົນບັນດາເຜົ່າຢູ່ເຂດພູສູງທາງທິດເໜືອເຊັ່ນ: ເຊີນລາ, ດ້ຽນບຽນ, ຮ່າຢາງ, ດົງວັນ….ເພື່ອ ຝ້າມເລມາຍ, ນັກສຶກສາຢູ່ຮ່າໂນ້ຍ ໃຫ້ຮູ້ວ່າ :
“ ໃນຊຸມວັນພັກການປີນີ້, ຂ້າພະເຈົ້າພ້ອມກັບໝູ່ເພື່ອນໄດ້ຂຶ້ນແຜນການໄປທ່ອງທ່ຽວຢູ່ແຂວງຮ່າຢາງ, ເພາະຢູ່ແຫ່ງນີ້ ມີທິວທັດທຳມະຊາດທີ່ຮົກເຮື້ອສວຍສົດງົດງາມທີ່ສຸດ. ໄປຮອດຫັ້ນ, ຂ້າພະເຈົ້າຈະເຊົາເອົາລົດຈັກ ເພື່ອຂີ່ເອງໄປເຂດຊຸມຊົນຕ່າງໆ ”
ໃນຂະນະນັ້ນ, ແຂກທ່ອງທ່ຽວໄວກາງ ແລະ ອາຍຸສູງພັດມີແນວໂນ້ມເລືອກເອົາ ລາຍການທ່ອງທ່ຽວຢູ່ຕ່າງປະເທດເຊັ່ນ: ຍີປຸ່ນ, ສ.ເກົາຫຼີ, ຈີນ, ຮົງກົງ, ໄທ, ລາວ…ທ່ານ ຫງວຽນບ້າຕວານ ຜູ້ອຳນວຍການບໍລິສັດທ່ອງທ່ຽວ ຄາດວ້ອງຫວຽດ ໃຫ້ຮູ້ວ່າ :
“ ປີນີ້, ລາຄາບັນດາລາຍການໄປທ່ອງທ່ຽວຢູ່ຕ່າງປະເທດແມ່ນຖືກກ່ວາທຸກໆປີ. ໄປທ່ອງທ່ຽວຢູ່ ສ.ເກົາຫຼີ ແມ່ນຕ້ອງຈ່າຍເງິນ 10 ລ້ານດົງ, ຍີປຸ່ນແມ່ນ 20; ລ້ານດົງ ”
ຄວາມຟົດຟື້ນຂອງບັນດາ ລາຍການທ່ອງທ່ຽວເເນື່ອງໃນໂອກາດວັນພັກການເພື່ອລະນຶກວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ຄືວັນທີ 30/4 ແລະ ວັນກຳມະກອນສາກົນຄືວັນທີ 1/5 ປີນີ້ ກໍເປັນສັນຍານທີ່ດີ, ເປີດສາກໃຫ້ແກ່ລະດູການທ່ອງທ່ຽວຍາມລະດູຮ້ອນ 2016 ນີ້.