ງານວາງສະແດງ “ ຮູບພາບຫວຽດນາມໃນຕົ້ນສະຕະວັດທີ 20 ຜ່ານເອກະສານວັດຖຸພັນຂອງສະຖາບັນຄົ້ນຄ້ວາກ່ຽວກັບຝ່າຍຕາເວັນອອກ” ໂດຍຫໍພິພິທະພັນປະຫວັດສາດແຫ່ງຊາດສົມທົບກັບ ສະຖາບັນຄົ້ນຄ້ວາກ່ຽວກັບຝ່າຍຕາເວັນອອກຝະລັ່ງ (EFEO)ພວມຈັດຕັ້ງຂຶ້ນຢູ່ຮ່າໂນ້ຍ ແລະ ຈະແກ່ຍາວຮອດເດືອນ 3/2015.
ຮູບຖ່າຍກ່ຽວກັບ"ພິທີໄຫວ້ບູຊາ ນາມຢາວ " ທີ່ນຳມາວາງສະແດງ |
ປະຈຸບັນ, ຊຸດຮູບຖ່າຍກ່ຽວກັບຫວຽດນາມຂອງ ສະຖາບັນຄົ້ນຄ້ວາກ່ຽວກັບຝ່າຍຕາເວັນອອກຝະລັ່ງມີປະມານ 7000 ແຜ່ນ, ໃນນັ້ນ ມີເກືອບ 60 ແຜ່ນໄດ້ເລືອກເຟັ້ນນຳມາວາງສະແດງໃນງານວາງສະແດງຄັ້ງນີ້ ແມ່ນບັນດາຮູບຖ່າຍທີ່ມີຄຸນຄ່າທາງດ້ານປະຫວັດສາດ ແລະ ມີສິລະປະເປັນເອກະລັກສະເພາະ. ຮູບຖ່າຍເຫຼົ່ານີ້ ໂດຍແມ່ນບັນດານັກຖ່າຍຮູບສັງກັດ ສະຖາບັນຄົ້ນຄ້ວາກ່ຽວກັບຝ່າຍຕາເວັນອອກຝະລັ່ງປະຕິບັດດ້ວຍວິທີໃຊ້ເຕັກນິກສະໄໝເກົ່າ. ບັນດາຮູບຖ່າຍນີ້ ໄດ້ຖືກດັດແປງດ້ວຍເຕັກນິກດີຈີຕອນເພື່ອຟື້ນຟູຮູບຖ່າຍ. ທ່ານ Yves Goudineau ຜູ້ອຳນວຍການ ສະຖາບັນຄົ້ນຄ້ວາກ່ຽວກັບຝ່າຍຕາເວັນອອກຝະລັ່ງ ໃຫ້ຮູ້ວ່າ :
“ ງານວາງສະແດງໄດ້ແນະນຳກ່ຽວກັບຮູບພາບຫວຽດນາມໃນຕົ້ນສະຕະວັດທີ 20. ຮູບຖ່າຍເຫຼົ່ານີ້ຖືກບັນດາຜູ້ຄົນຊາວຝະລັ່ງດຳລົງຊີວິດຢູ່ຫວຽດນາມໃນສະໄໝນັ້ນຖ່າຍເອົາ. ເຂົາເຈົ້າແມ່ນບັນດາຜູ້ຄົນຢູ່ຫວຽດນາມເປັນເວລາດົນນານ, ຮູ້ພາສາຫວຽດດີ ແລະ ມີຄວາມເຂົ້າໃຈກ່ຽວກັບຊີວິດຂອງຊາວຫວຽດນາມ. ບັນດາຮູບຖ່າຍເກົ່າທີ່ສຸດນັ້ນ ໄດ້ຖືກປະຕິບັດກ່ອນນີ້ 100 ປີ, ຫຼ້າສຸດກໍກ່ອນນີ້ 85 ປີ. ເມື່ອທຽບໃສ່ການດຳລົງຊີວິດປະຈຸບັນ, ແມ່ນແຕກຕ່າງກັນຫຼາຍ”
ບັນດາຮູບຖ່າຍທີ່ນຳມາວາງສະແດງທີ່ ງານວາງສະແດງ “ ຮູບພາບຫວຽດນາມໃນຕົ້ນສະຕະວັດທີ 20” ຖືກຈັດແບ່ງເປັນ 4 ເນື້ອໃນເຊັ່ນ : ບູຮານຄະດີ, ການກໍ່ສ້າງບັນດາຫໍພິພິທະພັນ, ການດຳລົງຊີວິດຢູ່ຫວຽດນາມໄລຍະຕົ້ນສະຕະວັດທີ 20 ແລະ ພິທີໄຫວ້ບູຊາ ນາມຢາວ. ທ່ານ Leon Vandermeerch, ອາດີດຜູ້ອຳນວຍການ ສະຖາບັນຄົ້ນຄ້ວາກ່ຽວກັບຝ່າຍຕາເວັນອອກຝະລັ່ງ ໃຫ້ຮູ້ວ່າ
“ ຂ້າພະເຈົ້າແມ່ນຜູ້ຮັບຜິດຊອບ ສະຖາບັນຄົ້ນຄ້ວາກ່ຽວກັບຝ່າຍຕາເວັນອອກຝະລັ່ງ ຂະນະທີ່ອອກຈາກຫວຽດນາມໃນປີ 1957. ຮອດປີ 1953, ເມື່ອ ສະຖາບັນຄົ້ນຄ້ວາກ່ຽວກັບຝ່າຍຕາເວັນອອກຝະລັ່ງເປີດປະຕູຄືນໃໝ່ນັ້ນ, ຂ້າພະເຈົ້າໄດ້ກັບຄືມາເປັນຜູ້ອຳນວຍການຫໍພິພິທະພັນ. ເມື່ອຈັດຕັ້ງສະເຫຼີມສະຫຼອງ 100 ປີແຫ່ງວັນສ້າງຕັ້ງສະຖາບັນຢູ່ຫວຽດນາມ, ຂ້າພະເຈົ້າກໍໄດ້ກັບມາເຂົ້າຮ່ວມ. ມື້ນີ້ໄດ້ມາຮ່ວມງານວາງສະແດງ, ຂ້າພະເຈົ້າໄດ້ມີໂອກາດຫວນຄືນພາບພົດຂອງຮ່າໂນ້ຍເມື່ອກ່ອນນີ້ ຊຶ່ງແມ່ນແຫ່ງທີ່ຂ້າພະເຈົ້າໄດ້ເຄີຍດຳລົງຊີວິດ ແລະ ເຮັດວຽກ. ຂ້າພະເຈົ້າໄດ້ຮັບການຕ້ອນຮັບຢ່າງອົບອຸ່ນຈາກທຸກໆຄົນ, ຂ້າພະເຈົ້າຮູ້ສຶກມີຄວາມສຸກທີ່ສຸດ ”
ນອກຈາກບັນດາຮູບຖ່າຍດັ່ງກ່າວ, ງານວາງສະແດງຍັງໄດ້ວາງສະແດງວັດຖຸພັນ 50 ຢ່າງຂອງ ຫໍພິພິທະພັນປະຫວັດສາດແຫ່ງຊາດ ຊຶ່ງກ່ຽວຂ້ອງເຖິງການເຄື່ອນໄຫວດ້ານບູຮານຄະດີ, ການຄົ້ນຄ້ວາຂອງ ສະຖາບັນຄົ້ນຄ້ວາກ່ຽວກັບຝ່າຍຕາເວັນອອກຝະລັ່ງກ່ຽວກັບປະຫວັດສາດຫວຽດນາມ ພ້ອມກັບວັດຖຸພັນບາງຢ່າງທີ່ພົ້ນເດັ່ນຂອງພື້ນຖານວັດທະນະທຳຮ່ວາບີງ, ບັກເຊີນ, ຈຳປາ, ຊາຮີ່ງ……ໂດຍບັນດານັກຮຽນຮູ້ສະໄໝກ່ອນໄດ້ຄົ້ນພົບ. ທ່ານຫງວຽນວັນເກືອງ ຜູ້ອຳນວຍການ ຫໍພິພິທະພັນປະຫວັດສາດແຫ່ງຊາດຫວຽດນາມໃຫ້ຮູ້ວ່າ :
“ ຄຸນນະພາບບັນດາວັດຖຸພັນ ແລະ ບັນດາສິ່ງພິມລ້ວນແຕ່ໄດ້ຖືກເກັບຮັກສາເປັນຢ່າງດີ ເຖິງວ່າມັນໄດ້ຄົງຕົວມາເປັນເວລາຮ້ອຍປີ. ມີບັນດາຮູບຖ່າຍກ່ຽວກັບບັນດາປູຊະນີຍະສະຖານ, ມໍລະດົກວັດທະນະທຳຂອງປະເທດຊາດ ຊຶ່ງມາຮອດປະຈຸບັນພວກເຮົາບໍ່ເຫັນອີກແລ້ວຍ້ອນສົງຄາມ ແລະ ການເວລາ. ງານວາງສະແດງນີ້ກໍເປັນການຊ່ວຍໃຫ້ພວກເຮົາຄຳນຶງເຖິງການອະນຸລັກຮັກສາ ບັນດາປູຊະນີຍະສະຖານ, ມໍລະດົກວັດທະນະທຳຂອງປະເທດຊາດ” .