(ທ່ານ ເຈີ່ນຫງອັກຕ໋ວນ)

ນີ້ແມ່ນປະຖົມປັດໃຈສະດວກເພື່ອໃຫ້ຊາວຫວຽດນາມ ອາໄສຢູ່ທີ່ນີ້ ສາມາດລົງທຶນເຂົ້າໃນການຜະລິດກະສິກຳ, ຫາເງິນລ້ຽງຊີບຍາວນານ ໃນສະພາບການເຄື່ອນໄຫວຄ້າຂາຍ, ດຳເນີນທຸລະກິດທີ່ນັບມື້ນັບປະສົບກັບຄວາມຫຍຸ້ງຍາກ. ທ່ານ ເຈີ່ນຫງອັກຕ໋ວນ, ປະທານສະມາຄົມຊາວຫວຽດນາມ ອາໄສຢູ່ປະເທດສ. Bashkortostan, ເປັນຜູ້ນຳໜ້າລົງທຶນເຂົ້າໃນຂົງເຂດການຜະລິດກະສິກຳຢູ່ທ້ອງຖິ່ນ.

        ທ່ານ ເຈີ່ນຫງອັກຕ໋ວນ, ໄດ້ສະໜິດຕິດພັນກັບ Bashkortostan ເປັນເວລາເກືອບ 30 ປີ ແລະ ທ່ານໄດ້ຖືເຂດນີ້ຄືດັ່ງບ້ານເກີດເມືອງນອນແຫ່ງທີ 2 ຂອງຕົນ. ປີນີ້ທ່ານມີອາຍຸກວ່າ 50 ປີ, ທ່ານໄດ້ເລືອກເອົາຂົງເຂດກະສິກຳເພື່ອລົງທຶນ ພາຍຫຼັງທີ່ບັນລຸໄດ້ຜົນສຳເລັດຫຼາຍຢ່າງໃນຂົງເຂດດຳເນີນທຸລະກິດອື່ນໆຄື: ລົງທຶນກໍ່ສ້າງສູນການຄ້າ ແລະ ໂຮງງານຜະລິດບັນດາປະເພດສິນຄ້າອຸດສາຫະກຳ.

ທ່ານ ຕ໋ວນ ໄດ້ກຳເນີດຂຶ້ນຢູ່ແຂວງ ທ໋າຍບິ່ງ, ເຊິ່ງເປັນແຂວງມີຊື່ສຽງໃນການເຮັດກະສິກຳ. ສະນັ້ນ, ສຳລັບທ່ານແລ້ວ, ກະສິກຳຍາມໃດກໍ່ມີຄວາມໝາຍພິເສດ. ທ່ານ ເຈີ່ນຫງອັກຕ໋ວນ ແບ່ງປັນວ່າ.

        “ເຂດຟາມຂອງພວກຂ້າພະເຈົ້າລົງທຶນຮອດເດືອນມີນາ ແມ່ນຄົບ 3 ປີ, ໂດຍເລີ່ມມາຈາກຄວາມຮັກບ້ານເກີດເມືອງນອນເຊິ່ງແມ່ນດິນແດນຜະລິດກະສິກຳ. ເມື່ອມາແຫ່ງນີ້ເຫັນວ່າ ເຂດດິນແດນຂອງລັດເຊຍ ແມ່ນກວ້າງໃຫຍ່ໄພສານ ແລະ ໄດ້ຮັບການສະໜັບສະໜູນ, ສົ່ງເສີມຈາກອຳນາດການປົກຄອງຂອງປະເທດປະຈຳຖິ່ນ, ສະນັ້ນ, ຂ້າພະເຈົ້າຈຶ່ງຕົກລົງລົງທຶນເຂົ້າຂົງເຂດກະສິກຳ. ເຂດຟາມນີ້ກວ້າງ 700 ເຮັກຕາ, ເຊິ່ງຕົ້ນຕໍແມ່ນປູກເຂົ້າບະເລ່, ພັດທະນາການລ້ຽວງົວ, ແກະ, ມ້າ ເພື່ອມີບັນດາຜະລິດຕະພັນປອດສານພິດ”.

(ອຸນຫະພູມແມ່ນລົບ 10 ຫາ 20 ອົງສາ C, ຊຳບໍ່ໜຳຍັງຕ່ຳກວ່ານັ້ນອີກ, ພັດປະກົດມີໜານຜັກຂຽວເຕັມສວນ)

ມາຢ້ຽມຢາມຟາມຂອງທ່ານ ເຈີ່ນຫງອັກຕ໋ວນ, ຖ້າຫາກບໍ່ໄດ້ເຫັນປະຈັກຕາ, ຍາກທີ່ຈະເຊື່ອໄດ້ວ່າ, ຍາມລະດູໜາວມີຫິມະປົກຄຸ້ມໄປທົ່ວ, ອຸນຫະພູມແມ່ນລົບ 10 ຫາ 20 ອົງສາ C, ຊຳບໍ່ໜຳຍັງຕ່ຳກວ່ານັ້ນອີກ, ພັດປະກົດມີໜານຜັກຂຽວເຕັມສວນ, ມີສັດລ້ຽງເຕັມຄອກ.

        ຢູ່ທີ່ນີ້, ຜັກໄດ້ປູກໃນເຮືອນແກ້ວ, ມີລະບົບອາຍນ້ຳທຳຄວາມອຸ່ມຍາມລະດູໜາວ, ຜັກໄດ້ຮັບການບົວລະບັດຕາມຂັ້ນຕອນດ້ວຍທາດອົງຄະທາດເພື່ອສາມາດຜະລິດອອກບັນດາຜະລິດຕະພັນປອດສານພິດ. ສ່ວນບັນດາສັດລ້ຽວຄື: ມ້າ, ງົວນົມ, ແກະ… ແມ່ນລ້ຽງດ້ວຍຫຍ້າ, ອາຫານປອດສານພິດ. ອົງການຄຸ້ມຄອງດ້ານການຄ້າ ແລະ ປົກປ້ອງສິດຂອງຜູ້ບໍລິໂພກ, ອຸປະໂພກ Bashkortostan ໄດ້ສະໜອງໃບຢັ້ງຢືນຜະລິດຕະພັນຂອງຟາມແມ່ນຜະລິດຕະພັນປອດສານພິດ. ເລື່ອງຈຳໜ່າຍຜະລິດຕະພັນແມ່ນມີຄວາມສະດວກພໍສົມຄວນ ຍ້ອນໄດ້ຮັບໃບສັ່ງຊື້ຂອງປະຊາຄົມຊາວຫວຽດນາມ ຢູ່ທ້ອງຖິ່ນ, ຢູ່ມົດສະກູ ກໍຄືຈາກຫຼາຍນະຄອນອື່ນໆຂອງລັດເຊຍ.

        ຢູ່ທີ່ນີ້ມີຊາວກະສິກອນຫວຽດນາມ ມາເຮັດວຽກ, ດ້ວຍເງື່ອນໄຂດຳລົງຊີວິດໄດ້ຮັບການຮັບປະກັນ, ສ້າງລາຍຮັບເປັນປົກກະຕິ. ອ້າຍ ຫງວຽນຫງອັກຊວນ, ບ້ານເກີດເມືອງນອນຢູ່ແຂວງ ທ໋າຍບິ່ງ, ມາເຮັດວຽກຢູ່ທີ່ນີ້ເປັນເວລາ 3 ປີໃຫ້ຮູ້ວ່າ.

        “ຂ້າພະເຈົ້າມາເຮັດວຽກຢູ່ທີ່ນີ້ເປັນເວລາ 3 ປີແລ້ວ. ເມື່ອຫາກໍ່ມາແມ່ນຍັງບໍ່ທັນຮູ້ວິທີລ້ຽງສັດ, ໄດ້ຮັບການແນະນຳຈາກທ່ານຕ໋ວນ, ປະຈຸບັນກໍ່ຮູ້ເຮັດວຽກເຮັດງານແລ້ວ. ຢູ່ນີ້ການຕັດຫຍ້າ, ເກັບກ່ຽວລ້ວນແຕ່ໃຊ້ຈັກ, ມີພຽງການດູດນ້ຳ, ເອົາອາຫານໃຫ້ງົວກິນ… ແມ່ນເຮັດດ້ວຍມືເທົ່ານັ້ນ. ເງື່ອນໄຂການເຮັດວຽກຢູ່ທີ່ນີ້ແມ່ນດີກວ່າຢູ່ຫວຽດນາມ, ລາຍຮັບສູງທົບ 3 – 4 ເທົ່າເມື່ອທຽບໃສ່ຢູ່ຫວຽດນາມ”.

        ໃນການດຳເນີນທຸລະກິດ, ທ່ານ ເຈີ່ນຫງອັກຕ໋ວນ ຍາມໃດກໍ່ມີແນວຄວາມຄິດທີ່ວ່າ, ເຮັດວຽກບໍ່ພຽງແຕ່ເປັນການສ້າງລາຍຮັບ, ສ້າງຄວາມຮັ່ງມີໃຫ້ແກ່ຕົນເອງເທົ່ານັ້ນ, ຫາກຍັງສ້າງວຽກເຮັດງານທຳໃຫ້ຍາດຕິພີ່ນ້ອງ, ພໍ່ແມ່ປະຊາຊົນໃນປະຊາຄົມ ກໍຄືປະຊາຊົນຢູ່ທ້ອງຖິ່ນອີກດ້ວຍ ເພື່ອໃຫ້ອຳນາດການປົກຄອງຢູ່ທີ່ນີ້ເຫັນໄດ້ວ່າ, ປະຊາຄົມຊາວຫວຽດນາມ ອາໄສຢູ່ທີ່ນີ້ ຢາກທຳມາຫາກິນ, ດຳລົງຊີວິດຍາວນານ, ມີການປະກອບສ່ວນໃຫ້ແກ່ທ້ອງຖິ່ນ. ທ່ານ ຕ໋ວນແບ່ງປັນວ່າ.

        “ຂ້າພະເຈົ້າປາດຖະໜາຢາກເຮັດແນວໃດເພື່ອນຳວິທະຍາສາດເຕັກນິກ ເພື່ອພັດທະນາການລ້ຽງງົວພັນນົມ, ນັ້ນແມ່ນແຫຼ່ງສະໜອງນ້ຳນົມ, ໃນປະຈຸບັນ, ລັດເຊຍພວມຂາດເຂີນ ແລະ ເຂົ້າເຈົ້າມີຄວາມຕ້ອງການ. ສະນັ້ນ, ຂ້າພະເຈົ້າປາດຖະໜາຢາກໄດ້ຮັບການໜູນຊ່ວຍຈາກບັນດານັກລົງທຶນຢູ່ພາຍໃນປະເທດ, ບັນດາຜູ້ມີຄວາມມັກຮັກອາຊີບກະສິກຳ, ລ້ຽງສັດເພື່ອໝູນໃຊ້ພື້ນຖານໂຄງລ່າງຂອງເຂົາເຈົ້າທີ່ສະຫງວນໃຫ້ແກ່ຕົນຢ່າງສຸດຂີດ”.

        ບັນດາຄວາມມານະພະຍາຍາມ, ດຸໝັ່ນຂະຫຍັນພຽນໃນການເຮັດວຽກ, ເຄົາລົບກົດໝາຍປະເທດປະຈຳຖິ່ນ, ຂອງທັງປະຊາຄົມຊາວຫວຽດນາມ ອາໄສຢູ່ທີ່ນີ້, ເຊິ່ງທ່ານ ເຈີ່ນຫງອັກຕ໋ວນ ເປັນປະທານສະມາຄົມຊາວຫວຽດນາມ, ໄດ້ ແລະ ພວມໄດ້ຮັບການຕອບແທນ

        ໃນໄລຍະຜ່ານມາ, ອຳນາດການປົກຄອງປະເທດປະຈຳຖິ່ນໄດ້ສ້າງທຸກເງື່ອນໄຂສະດວກດ້ານໜັງສື, ລະບຽບການດ້ານກົດໝາຍ ເພື່ອໃຫ້ພໍ່ແມ່ພີນ້ອງຊາວຫວຽດນາມ ໄດ້ດຳລົງຊີວິດ, ເຮັດວຽກຢ່າງຖືກຕ້ອງຕາມກົດໝາຍ. ຖ້າຫາກລົງທຶນເຂົ້າໃນຂົງເຂດກະສິກຳ ນັ້ນແມ່ນສາມາດເຊົ່າທີ່ດິນເຖິງ 49 ປີ, ດ້ວຍອັດການເສຍພາສີຕໍ່ທີ່ສຸດ. ສະນັ້ນ, Bashkortostan ໄດ້ ແລະ ພວມແມ່ນເຂດດິນແດນທີ່ສະດວກສຳລັບປະຊາຄົມຊາວຫວຽດນາມ.