(vovworld) - ວັນທີ 25/03, ຢູ່ນະຄອນຫຼວງພະນົມເປັນ, ສະຖານທູດຫວຽດນາມ ປະຈຳລາຊະອານາຈັກກຳປູເຈຍ ໄດ້ຈັດງານພົບປະແລກປ່ຽນກິລາມິດຕະພາບລະຫວ່າງສະຖານທູດຫວຽດນາມ ແລະ ສະຖານທູດລາວ. ນີ້ແມ່ນການເຄື່ອນໄຫວແທດຈິງ, ເພີ່ອແນໃສ່ມຸ່ງໄປເຖິງພິທີສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດ ແລະ 40 ປີແຫ່ງວັນເຊັນສົນທິສັນຍາມິດຕະພາບ ແລະ ຮ່ວມມືລະຫວ່າງ 2 ປະເທດ. ກ່າວຄຳເຫັນທີ່ພິທີໄຂ, ທ່ານເອກອັກຄະລັດຖະທູດຫວຽດນາມ ປະຈຳກຳປູເຈຍ ແທກຢື ຢືນຢັນວ່າ, ການສົມທົບກັນຈັດຕັ້ງບັນດາການເຄື່ອນໄຫວສະເຫຼີມສະຫຼອງໃຫຍ່ໃນປີ 2017 ໃຫ້ເປັນຢ່າງດີ, ໃນນັ້ນບັນດາສະຖານທູດຫວຽດນາມ ແລະ ລາວ ປະຈຳປະເທດກຳປູເຈຍ ເວົ້າສະເພາະ ແລະ ບັນດາປະເທດເວົ້າລວມ ຈະເຮັດໃຫ້ປະຊາຊົນ 2 ປະເທດ, ພິເສດແມ່ນລຸ້ນໜຸ່ມມີຄວາມຮັບຮູ້ກ່ຽວກັບຄວາມໝາຍ, ໄມຕີຈິດ ແລະ ການພົວພັນສາມັກຄີແບບພິເສດລະຫວ່າງຫວຽດນາມ - ລາວ ອ້າຍນ້ອງ ຢ່າງເລິກເຊິ່ງກວ່າອີກ. ພາຍຫຼັງພິທີໄຂ, ບັນດາພະນັກງານ, ພາລະກອນສະຖານທູດ, ບັນດາອົງການຢູ່ຂ້າງສະຖານທູດ, ວິສາຫະກິດ, ນັກສຶກສາ 2 ປະເທດ… ໄດ້ເຂົ້າຮ່ວມການແຂ່ງຂັນມິດຕະພາບປິ່ງປ່ອງ, ດອກປີກໄກ່ ແລະ ພົບປະແລກປ່ຽນວັດທະນະທຳ, ສີລະປະໃນບັນຍາກາດມ່ວນຊື່ນ, ເຕັມໄປດ້ວຍຄວາມສາມັກຄີນ້ຳໄມຕີຈິດມິດຕະພາບ.