(vovworld) – ຕອນເຊົ້າວັນທີ 4/1, ຕຳຫຼວດນະຄອນ ຮ່າໂນ້ຍ ໄດ້ຈັດຕັ້ງກອງປະຊຸມສະຫລຸບວຽກງານປີ 2016 ແລະ ຜັນຂະຫຍາຍແຜນການປະຕິບັດງານປີ 2017. ກ່າວຄຳເຫັນຊີ້ນຳກອງປະຊຸມ, ພົນໂທ ໂຕເລີມ, ກຳມະການກົມການເມືອງ, ລັດຖະມົນຕີກະຊວງຕຳຫຼວດ ໄດ້ເນັ້ນໜັກວ່າ: ຕຳຫຼວດນະຄອນຕ້ອງປະຕິບັດບັ້ນເຄື່ອນໄຫວຈຸດສູງເພື່ອບຸກໂຈມຕີ, ປາບປາມອາດຊະຍາກອນເພື່ອໃຫ້ປະຊາຊົນໄດ້ຕ້ອນຮັບບຸນເຕັດດ້ວຍຄວາມສະຫງົບສຸກ. ທ່ານລັດຖະມົນຕີ ໂຕເລີມ ໄດ້ຮັບຮູ້, ຍ້ອງຍໍຊົມເຊີຍບັນດາຜົນງານຂອງຕຳຫຼວດນະຄອນຫຼວງ ຮ່າໂນ້ຍ ທີ່ບັນລຸໄດ້ ແລະ ສະເໜີຕຳຫຼວດ ຮ່າໂນ້ຍ ຕ້ອງສືບຕໍ່ກຳແໜ້ນສະພາບການ, ຄົ້ນພົບ, ຕໍ່ສູ້ ສະກັດກັ້ນບັນດາກົນອຸບາຍ, ການເຄື່ອນໄຫວມ້າງເພທຳລາຍຂອງບັນດາກຳລັງທີ່ເປັນປໍລະປັກ, ພວກປະຕິການ, ສະກັດກັ້ນກົນອຸບາຍກໍ່ການຮ້າຍ, ທຳລາຍ. ພ້ອມກັນນັ້ນ, ກໍ່ເສີມຂະຫຍາຍບົດບາດເປັນເສນາທິການ, ເປັນແກ່ນສານເພື່ອຍົກສູງວຽກງານ ສະກັດກັ້ນ, ປາບປາມອາດຊະຍາກອນຢ່າງແຮງ.