(vovworld) - ມີຫຼາຍເຮືອນສວນຢູ່ຕາແສງ ເຟືອງຟູ໋, ເມືອງ ຟູ້ງຮຽບ, ແຂວງ ເຮົ້າຢາງ ພວມສ້າງຄວາມຮັ່ງມີດ້ວຍການປູກໝາກກ້ຽງຊ່ວານ. ບັນດາຄອບຄົວຊາວກະສິກອນຢູ່ທີ່ນີ້ຍັງຮ່ວມສຳພັນໃນການຜະລິດເພື່ອຍົກສູງສະມັດຕະພາບ ແລະ ຄຸນນະພາບຜະລິດຕະພັນຢ່າງບໍ່ຢຸດຢັ້ງ, ສ້າງເຄື່ອງໝາຍການຄ້າໝາກກ້ຽງຊ່ວານ ຟູ້ງຮຽບ ມີທີ່ຕັ້ງໝັ້ນຄົງ, ໜັກແໜ້ນໃນຕະຫຼາດ. ບົດຂຽນ “ຊາວກະສິກອນເມືອງ ຟູ້ງຮຽບ, ແຂວງ ເຮົ້າຢາງ ຮ່ວມສຳພັນນຳເຄື່ອງໝາຍການຄ້າໝາກກ້ຽງຊ່ວານອອກສູ່ຕະຫຼາດ” ຂອງນັກຂ່າວ ຟອງເຕີ໋ນ.
ຊາວກະສິກອນແຂວງເຮົ້າຢາງ ແລະ ສວນໝາກກ້ຽງຂອງຕົນ
|
ປະຈຸບັນ, ຕະຫຼາດໝາກກ້ຽມຊ໋ວານ ພວມມີຄວາມຕ້ອງການສູງ, ບາງຄັ້ງບາງຄາວບໍ່ຕອບສະໜອງຄວາມຕ້ອງການໄດ້. ດ້ວຍລັກສະນະສະເພາະຂອງປະເພດໝາກໄມ້ນີ້, ໄດ້ຮັບຄວາມນິຍົມຈາກຕະຫຼາດ, ຄ່າໃຊ້ຈ່າຍຕ່ຳ, ຜົນກຳໄລສູງ, ດັ່ງນັ້ນຊາວກະສິກອນຫຼາຍຄົນຢູ່ແຂວງ ເຫົ້າຢາງ ໄດ້ເລືອກເຟັ້ນໝາກໄມ້ປະເພດນີ້ແມ່ນຕົ້ນໄມ້ຕົ້ນຕໍ. ມີຫຼາຍເຮືອນສວນຢູ່ທີ່ນີ້ ໄດ້ປຽບທຽບວ່າ, ໝາກກ້ຽມ 1 ໂລເທົ່າກັບເຂົ້າສານ 5 ໂລ, ໝາກກ້ຽງຊ່ວານແຕ່ລະຕົ້ນມີມູນຄ່າ 1 ລ້ານດົ່ງ/ປີ, ໝາກກ້ຽງຊ່ວານແຕ່ລະໂຕນນຳມາເຊິ່ງກຳລັງປະມານ 30 ລ້ານດົ່ງ. ອ້າຍ ເຈີ່ນວັນເຕີ່ຍ, ຊາວກະສິກອນປູກໝາກກ້ຽງຊ໋ວານ ຢູ່ເມືອງ ຟູ້ງຮຽບ, ແຂວງ ເຫົ້າຢາງ ໄດ້ໄຈ້ແຍກວ່າ:
“ຕົ້ນໝາກກ້ຽງຊ່ວານຫາໄດ້ຜົນກຳໄລສູງກ່ວາການປູກຕົ້ນອ້ອຍ, ເຂົ້າສານທົບ 10, 15 ເທົ່າ. ປູກໝາກກ້ຽງຊ່ວານເປັນເວລາ 2 ປີຈະໄດ້ເກັບໝາກ. ປະຈຸບັນ, ໝາກກ້ຽງຊ່ວານມີລາຄາ 45.000 ດົ່ງ/ ໂລ,ນຳມາເຊິ່ງຜົນກຳໄລຫຼາຍ. ພໍ່ແມ່ປະຊາຊົນຊາວກະສິກອນຢູ່ທີ່ນີ້ເຫັນວ່າຂ້າພະເຈົ້າປູກຕົ້ນໝາກກ້ຽງນຳມາຜົນກຳໄລສູງ ດັ່ງນັ້ນຫຼາຍຄົນໄດ້ປະຕິບັດຕາມ.”
ປະຈຸບັນ, ປະຊາຊົນເມືອງ ຟູ້ງຮຽບ, ແຂວງ ເຫົ້າຢາງ ໄດ້ຖືໝາກກ້ຽງຊ່ວານເປັນຕົ້ນໄມ້ເສດຖະກິດ. ກ່ອນນີ້ 3 ປີ, ບັນດາຄອບຄົວປູກຕົ້ນໝາກກ້ຽງຊ່ວານຢູ່ຕາແສງ ເຟືອງຟູ໋, ເມືອງ ຟູ້ງຮຽບ, ແຂວງ ເຫົ້າຢາງ ໄດ້ຮ່ວມສຳພັນທຳການຜະລິດ, ສ້າງຕັ້ງສະຫະກອນໝາກກ້ຽງຊ່ວານ ເຟືອງຟູ໋. ປີກ່າຍ, ສະຫະກອນໝາກກ້ຽງຊ່ວານ ເຟືອງຟູ໋ ຂາຍໝາກກ້ຽງໄດ້ 400 ໂຕນ, ມີມູນຄ່າເກືອບ 12 ຕື້ດົ່ງ. ສະມາຊິກຊາວກະສິກອນແຕ່ລະຄົນລ້ວນແຕ່ນຳໃຊ້ຂັ້ນຕອນການຜະລິດ VietGap (ເຊິ່ງແມ່ນຂັ້ນຕອນໂດຍກະຊວງກະສິກຳ ແລະ ພັດທະນາຊົນນະບົດ ປະກາດໃຊ້ ມີຄວາມໝາຍວ່າ ປະຕິບັດການຜະລິດກະສິກຳທີ່ດີຢູ່ ຫວຽດນາມ ໂດຍອີງໃສ່ 4 ໝວດມາດຖານ ຮັບປະກັນຫຼັກອະນາໄມສະບຽບອາຫານ, ປົກປັກຮັກສາສິ່ງແວດລ້ອມ, ຮັບປະກັນສຸຂະພາບຂອງຜູ້ອອກແຮງງານ ແລະ ສະວັດດີການສັງຄົມ, ຮັບປະກັນຄຸນນະພາບຂອງຜະລິດຕະພັນ). ກົມຊັບສິນທາງປັນຍາ ໄດ້ສະໜອງໃບອາລັກຂາເຄື່ອງໝາຍການຄ້າລວມໝູ່ “ໝາກກ້ຽງຊ່ວານ ຟູ້ງຮຽບ” ໃຫ້ແກ່ ສະຫະກອນ ເຟືອງຟູ໋. ເຄື່ອງໝາຍການຄ້າໄດ້ຮັບການອາລັກຂານຳໃຊ້ໃຫ້ແກ່ໝາກກ້ຽງສົດ, ນ້ຳໝາກກ້ຽງສົດ, ນ້ຳໝາກໄມ້ສົດ ແລະ ໝວດການບໍລິການແມ່ນຊື້ - ຂາຍແນວພັນປູກ, ຊື້ - ຂາຍແນວພັນ. ທ່ານ ຫວໍວັນເດ, ຜູ້ອຳນວຍການ ສະຫະກອນໝາກກ້ຽງຊ່ວານ ເຟືອງຟູ໋, ໃຫ້ຮູ້ວ່າ:
“ເຄື່ອງໝາຍການຄ້າສະຫະກອນໝາກກ້ຽງຊ່ວານ ໄດ້ຮັບການຮັບຮູ້ໃນເດືອນ 6 ປີ 2016, ເວລານັ້ນສະຫະກອນພວມປະຕິບັດໂຄງການ VietGap ແລະ ໂຄງການ VietGap ກໍ່ຫາກໍ່ໄດ້ຮັບການຮັບຮອງ. ປະຈຸບັນ, ໝາກກ້ຽງຢູ່ທີ່ນີ້ປູກໄດ້ເທົ່າໃດ ກໍ່ຂາຍໝົດໄດ້ເທົ່ານັ້ນ, ແມ່ຄ້າຊາວຂາຍໄດ້ມາເກັບຊື້ຢູ່ສວນ.”
ຈາກຜົນງານຂອງຮູບແບບ ສະຫະກອນ ເຟືອງຟູ໋, ເມືອງ ຟູ້ງຮຽບ, ແຂວງ ເຫົ້າຢາງ ພວມແຜ່ຂະຫຍາຍຮູບແບບ. ພ້ອມທັງເປີດກ້ວາງຕະຫຼາດຈຳໜ່າຍ, ນຳໝາກກ້ຽງໄປຂາຍຢູ່ບັນດາຕະຫຼາດຂາຍສົ່ງ, ບັນດາຮ້ານຊູບເບີມາກເກດ. ຍ້ອນເຫດນັ້ນ, ເຄື່ອງໝາຍການຄ້າໝາກກ້ຽງຊ໋ວານ ຟູ້ງຮຽບ ໄດ້ມີທີ່ຕັ້ງຢ່າງໜັກແໜ້ນໃນຕະຫຼາດ, ຫຼາຍຄອຍຄົວຊາວກະສິກອນມີເສດຖະກິດເປັນປົກກະຕິ, ຮັ່ງມີ. ທ່ານ ເຈົາວັນເມ໋ຍ, ເລຂາຄະນະພັກຕາແສງ ເຟືອງຟູ໋, ເມືອງ ຟູ້ງຮຽບ, ໃຫ້ຮູ້ວ່າ:
“ການກຳນົດທິດໃນໄລຍະຈະມາເຖິງແມ່ນຕາແສງຕ້ອງຫັນປ່ຽນເນື້ອທີ່ປູກຕົ້ນອ້ອຍ 165 ເຮັກຕາ ມາປູກຕົ້ນໝາກກ້ຽງຊ໋ວານ. ເນື້ອທີ່ດິນປູກຕົ້ນໄມ້ອື່ນມີຄຸນນະພາບຕ່ຳປະມານ 100 ເຮັກຕາ ກໍ່ໄດ້ຫັນປ່ຽນມາປູກຕົ້ນໝາກກ້ຽງຊ໋ວານ. ໃນໄລຍະຈະມາເຖິງ, ຊີວິດທາງດ້ານເສດຖະກິດຂອງພໍ່ແມ່ປະຊາຊົນໃນຕາແສງ ເຟືອງຟູ໋ ເວົ້າລວມ ແລະ ຂອງສະຫະກອນໝາກກ້ຽງຊ໋ວານ ເຟືອງຟູ໋ ເວົ້າສະເພາະໄດ້ຮັບການຍົກສູງຂຶ້ນເທື່ອລະກ້າວ”
 |
ອຳນາດການປົກຄອງເມືອງ ຟູ້ງຮຽບ, ແຂວງ ເຫົ້າຢາງ ໄດ້ສະຫງວນເນື້ອທີ່ດິນສະເພາະເພື່ອປູກໝາກກ້ຽງໃຫ້ແກ່ຕາແສງ ເຟືອງຟູ໋ ແລະ ບັນດາຕາແສງໃກ້ຄຽງ. ຕາມນັ້ນແລ້ວ, ຕາແສງ ເຟືອງຟູ໋ ໄດ້ເປີດກ້ວາງເນື້ອທີ່ດິນປູກຕົ້ນໝາກກ້ຽງຊ໋ວານສະເພາະ ເພື່ອສ້າງເຂດວັດຖຸດິບ, ພັດທະນາເຂດປູກຕົ້ນໝາກກ້ຽງເປັນສິນຄ້າ ແລະ ຜະລິດຕາມມາດຖານ VietGap. ຂະແໜງກະສິກຳເມືອງ ຟູ້ງຮຽບ ຮັບຜິດຊອບແນະນຳດ້ານເຕັກນິກ, ໝູນໃຊ້ມາດຕະການກ້າວໜ້າເຂົ້າໃນການບົວລະບັດຕົ້ນໝາກກ້ຽງ, ຄຸ້ມຄອງຕົ້ນໝາກກ້ຽງ ແລະ ເລື່ອງຜັນຂະຫຍາຍການກໍ່ສ້າງຕົ້ນໝາກກ້ຽງຕາມມາດຖານ VietGap. ເມືອງ ຟູ້ງຮຽບ ຊີ້ນຳບັນດາຕາແສງຂົນຂວາຍບັນດາຄອບຄົວຜະລິດຮ່ວມສຳພັນນຳກັນ, ສ້າງຕັ້ງໜ່ວຍ, ກອງສະຫະກອນຜະລິດ, ຈຳໜ່າຍຜະລິດຕະພັນ.
ດ້ວຍຄວາມເອົາໃຈໃສ່ຂອງບັນດາຂັ້ນ, ບັນດາຂະແໜງການພ້ອມກັບຄວາມສຸດຈິດສຸດໃຈຂອງບັນດາເຮືອນສວນ, ໝາກກ້ຽງຊ໋ວານ ເມືອງ ຟູ້ງຮຽບ, ແຂວງ ເຫົ້າຢາງ ໄດ້ພັດທະນາຢ່າງແຮງ ແລະ ສ້າງເຄື່ອງໝາຍການຄ້າສະເພາະຂອງຕົນ. ເວລາບໍ່ດົນປານໃດ, ໝາກກ້ຽງຊ໋ວານ ຟູ້ງຮຽບ ຈະແມ່ນເຄື່ອງໝາຍການຄ້າ ທຽບເທົ່າກັບເຄື່ອງໝາຍການຄ້າໃຫຍ່ແມ່ນໝາກກ້ຽງໃຫຍ່ ນຳຣອຍ, ໝາກກ້ຽງ ຫງາໄບ, ຊ່ວຍໃຫ້ຊາວກະສິກອນແຂວງ ເຫົ້າຢາງ ບື່ນຕົວຂຶ້ນສ້າງຄວາມຮັ່ງມີ, ນັບມື້ນັບອິມໜຳສຳນານ, ມີຄວາມຜາສຸກ.