ພາຍຫຼັງໄລຍະເວລາ 8 ປີແຫ່ງການປະຕິບັດບັ້ນຂົນຂວາຍ “ຊາວຫວຽດນາມ ບຸລິມະສິດຊົມໃຊ້ສິນຄ້າຫວຽດນາມ”, ເສດຖະກິດຂອງຫວຽດນາມ ໄດ້ມີບັນດາບາດກ້າວພັດທະນາຢ່າງແຮງທາງດ້ານຂອບຂະໜາດການຜະລິດ, ກຳລັງແກ່ງແຍ້ງຂອງສິນຄ້າ ກໍ່ຄືຂອບເຂດການສະໜອງ - ຄວາມຕ້ອງການຊົມໃຊ້ສິນຄ້າ. ຄຸນນະພາບສິນຄ້າຂອງຫວຽດນາມ ນັບມື້ນັບສູງຂຶ້ນ ແລະ ມີການແກ່ງແຍງຢ່າງສະເໝີພາບກັບສິນຄ້າຂອງບັນດາວິສາຫະກິດຕ່າງປະເທດກວ່າ. ໃນບັນດາຮ້ານຊັບພະສິນຄ້າ, ຮ້ານຄ້າ, ຕະຫຼາດ… ໃນທົ່ວປະເທດ, ສິນຄ້າຫວຽດນາມ ກວມເອົາສ່ວນຫຼາຍ ແລະ ຜູ້ອຸປະໂພກບໍລິໂພກມີຄວາມເຊື່ອໝັ້ນຊົມໃຊ້ສິນຄ້າຫວຽດນາມ ໃນການຊື້ຂາຍ, ບໍລິໂພກ, ອຸປະໂພກ.
ຢູ່ນະຄອນເກີນເທີ, ມີຮ້ານຊັບພະສິນຄ້າ, ສູນການຄ້າ 16 ແຫ່ງ ແລະ ຕະຫຼາດຊຸມຊົນ 100 ແຫ່ງ, ປະລິມານສິນຄ້າຫວຽດນາມ ໄດ້ກວມເອົາແຕ່ 90 – 95%. ຜູ້ອຸປະໂພກບໍລິໂພກ ເກີນເທີ ມີຄວາມເຊື່ອໝັ້ນ ແລະ ຊົມໃຊ້ສິນຄ້າຫວຽດນາມ ແທນໃຫ້ສິນຄ້າຕ່າງປະເທດບາງຊະນິດ, ສິນຄ້າບໍ່ມີຕົ້ນກຳເນີດ... ປີ 2016 ຜ່ານມາ, ຍອດມູນຄ່າການຂາຍຍ່ອຍ ແລະ ລາຍຮັບຈາກການບໍລິການຂອງແຂວງບັນລຸເກືອບ 96.000 ຕື້ດົ່ງ. ເພື່ອບັນລຸໄດ້ໝາກຜົນດັ່ງກ່າວແມ່ນຍ້ອນທາງນະຄອນໄດ້ປະຕິບັດວຽກງານໂຄສະນາກ່ຽວກັບບັ້ນຂົນຂວາຍເປັນຢ່າງດີ, ຜ່ານນັ້ນປະຊາຊົນໄດ້ເຂົ້າໃຈ ແລະ ເຊື່ອໝັ້ນຕໍ່ສິນຄ້າຫວຽດນາມ. ທ່ານ ດິງຈຸງທຶກ, ຮອງປະທານແນວໂຮມປະເທດຊາດຫວຽດນາມ ນະຄອນເກີນເທີ, ໃຫ້ຮູ້ວ່າ.
“ໃນປີ 2017, ພວກຂ້າພະເຈົ້າຈະມີການສົມທົບກັນ ເພື່ອເພີ່ມທະວີການກວດກາ ແລະ ຕິດຕາມກວດກາ. ແນວໂຮມປະເທດຊາດຈະເປັນເຈົ້າການສົມທົບກັບບັນດາອົງການທີ່ມີໜ້າທີ່ເພື່ອຕິດຕາມກວດກາການປະຕິບັດກົດໝາຍ ສຳລັບບັນດາຮາກຖານສາທາລະນະສຸກເຄື່ອນໄຫວພາກເອກະສົນ, ໃນນັ້ນມີການນຳໃຊ້ຢາຫວຽດນາມ. ທີ 2 ແມ່ນຄຸ້ມຄອງການຊື້ຂາຍ, ນຳໃຊ້ເຄື່ອງວັດຖຸອຸປະກອນກະສິກຳ, ຍ້ອນໄດ້ມີສິນຄ້າປອມ ເຮັດໃຫ້ຊາວກະສິກອນບໍ່ພໍໃຈເມື່ອຖືກນຳໃຊ້ສິນຄ້າທີ່ມີຄຸນນະພາບຕ່ຳ. ແລະພິເສດພວກຂ້າພະເຈົ້າສົມທົບກັນຕິດຕາມກວດກາຄວາມປອດໄພສຸຂະອະນາໄມດ້ານສະບຽງອາຫານ”.
ບັ້ນຂົນຂວາຍໄດ້ກະທົບເຖິງທົ່ວສັງຄົມຢ່າງຕັ້ງໜ້າ, ຊ່ວຍໃຫ້ຜູ້ອຸປະໂພກບໍລິໂພກ, ອົງການ, ຫົວໜ່ວຍ, ອົງການຈັດຕັ້ງມີຄວາມຮັບຮູ້ຢ່າງຄົບຖ້ວນກວ່າກ່ຽວກັບຄວາມຮັບຜິດຊອບ, ສິດຜົນປະໂຫຍດຂອງຜູ້ອຸປະໂພກບໍລິໂພກສຳລັບບັນດາຜະລິດຕະພັນ, ສິນຄ້າຜະລິດພາຍໃນປະເທດ. ຜູ້ອຸປະໂພກບໍລິໂພກຊື້ຂາຍສິນຄ້າຫວຽດນາມ ພວມເພີ່ມຂຶ້ນຫຼາຍພໍສົມຄວນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ, ສັງຄົມ. ເພື່ອບັ້ນຂົນຂວາຍໃຫ້ນັບມື້ນັບມີປະສິດທິຜົນກວ່າ, ບັນດາວິສາຫະກິດໄດ້ສະເໜີຕໍ່ລັດຖະບານ ມີບັນດານະໂຍບາຍເພື່ອສົ່ງເສີມວິສາຫະກິດຜະລິດ, ດຳເນີນທຸລະກິດສິນຄ້າຫວຽດນາມ ຫຼາຍກວ່າອີກ. ທ່ານ ເລນາມຈ່າ, ປະທານສະພາສະມາຊິກບໍລິສັດໃຫຍ່ໂທລະຄົມມະນາຄົມ MobiFone ຖືວ່າ.
“ກ່ຽວກັບບັນຫາລາຄາ ແລະ ພາສີອາກອນ, ນີ້ກໍ່ແມ່ນການໜູນຊ່ວຍວິສາຫະກິດຫວຽດນາມ. ຖ້າຫາກພຽງມີວິສາຫະກິດຮ່ວມມືກັບປະຊາຊົນເທົ່ານັ້ນ, ລາຄາ ແລະ ພາສີອາກອນໄດ້ຮັບການສະໜັບສະໜູນໃນໄລຍະເບື້ອງຕົ້ນ. ຖ້າຫາກປະໃຫ້ວະສາຫະກິດເຄື່ອນໄຫວຂອງຈະປະສົບກັບຄວາມຫຍຸ້ງຍາກ. ຂ້າພະເຈົ້າສະເໜີໃຫ້ລັດຖະບານມີນະໂຍບາຍຢ່າງລະອຽດ, ໜູນຊ່ວຍວິສາຫະກິດ”.
ຫວຽດນາມ ໄດ້ກ້າວເຂົ້າສູ່ການເຊື່ອມໂຍງເຂົ້າກັບສາກົນຢ່າງເລິກເຊິ່ງ, ກວ້າງຂວາງ, ດ້ວຍສັນຍາການຄ້າເສລີຫຼາຍຝ່າຍ, 2 ຝ່າຍຫຼາຍສະບັບ, ຈະກະທົບ ແລະ ສົ່ງຜົນສະທ້ອນໂດຍກົງເຖິງພື້ນຖານເສດຖະກິດ ແລະ ການພັດທະນາຂອງບັນດາວິສາຫະກິດ. ຍ້ອນເຫດນັ້ນ, ພ້ອມກັບບັນດາມາດຕະການໄດ້ປະຕິບັດແລ້ວ, ລັດຖະບານຫວຽດນາມ ໄດ້ກວດກາ, ເພີ່ມເຕີ່ມກົນໄກ, ນະໂຍບາຍເພື່ອສ້າງເງື່ອນໄຂສະດວກໃຫ້ບັນດາວິສາຫະກິດຫວຽດນາມ ພັດທະນາ. ພ້ອນກັນນັ້ນແມ່ນປະກາດໃຊ້ບັນດາມາດຕະການເພື່ອເຊີດຊູ, ຕີລາຄາ, ຮັບຮູ້ບັນດາຜະລິດຕະພັນທີ່ມີຄຸນນະພາບ, ບັນດາວິສາຫະກິດມີອິດທິພົນຊື່ສຽງໃນຕະຫຼາດ. ທ່ານ ຫງວຽນທ້ຽນເຍີນ, ຫົວໜ້າຄະນະຊີ້ນຳສູນກາງບັ້ນຂົນຂວາຍ “ຊາວຫວຽດນາມ ບຸລິມະສິດຊົມໃຊ້ວິສາຫະກິດຫວຽດນາມ”, ໃຫ້ຮູ້ວ່າ, ຈະສືບຕໍ່ວຽກງານໂຄສະນາກ່ຽວກັບບັ້ນຂົນຂວາຍ “ຊາວຫວຽດນາມ ບຸລິມະສິດຊົມໃຊ້ສິນຄ້າຫວຽດນາມ” ເພື່ອໃຫ້ທຸກຂັ້ນ, ທຸກຂະແໜງການ ແລະ ປະຊາຊົນທຸກຊັ້ນວັນນະເຂົ້າໃຈກ່ຽວກັບຄວາມໝາຍຂອງບັ້ນຂົນຂວາຍຫຼາຍກວ່າ.
“ສານມຸ່ງໄປເຖິງຄຸນນະພາບສູງ, ຊາວຫວຽດນາມ ເມື່ອຕັດສິນໃຈປະຕິບັດກໍ່ຈະສາມາດປະຕິບັດໄດ້ ຍ້ອນເມື່ອພວກເຮົາຊື້ສິນຄ້າຫວຽດນາມ ໃນແຕ່ລະເທື່ອ ແມ່ນສາມາດຊ່ວຍໃຫ້ຊາວຫວຽດນາມ ຄົນໜຶ່ງພົ້ນຈາກການວ່າງງານ. ສິ່ງດັ່ງກ່າວແມ່ນສະແດງຄວາມຮັກຊາດ, ເຖິງວ່າ ຄຸນນະພາບມີຄວາມແຕກຕ່າງກັນເລກໜ້ອຍ ແລະ ລະຄາສູງກວ່າ ແຕ່ຖ້າຄິດວ່າເພື່ອໃຫ້ມີລາຍຮັບ, ເພື່ອໃຫ້ຫວຽດນາມ ມີວຽກເຮັດງານທຳ ເຂົາເຈົ້າຍັງກະທຳຢູ່.”
ຈາກຜົນກະທົບຂອງບັ້ນຂົນຂວາຍ, ວິສາຫະກິດຫວຽດນາມ ໄດ້ປ່ຽນແປງຈິນຕະນາການພັດທະນາ, ສຳພັດກັບບັນດາຄວາມຮຽກຮ້ອງຕ້ອງການສູງກວ່າຂອງຕະຫຼາດພາຍໃນປະເທດ ກໍຄືສາກົນ. ບັນດາວິສາຫະກິດຂະໜາດນ້ອຍ ແລະ ຂະໜາດກາງຍູ້ແຮງການຮ່ວມສຳພັນ, ຮ່ວມມືເພື່ອຍົກສູງກຳລັງແກ່ງແຍ້ງນັບທັງທາງດ້ານທຶນ, ເຕັກໂນໂລຊີ, ແຫຼ່ງຊັບພະຍາກອນມະນຸດ, ການຄຸ້ມຄອງ... ຈາກນັ້ນຜະລິດບັນດາສິນຄ້າທີ່ມີຄຸນນະພາບສູງ ເພື່ອຮັບໃຊ້ຕະຫຼາດພາຍໃນປະເທດ, ຊ່ວຍພື້ນຖານເສດຖະກິດຫວຽດນາມ ພັດທະນາແບບຍືນຍົງ, ໝັ້ນຄົງ.