ອ້າຍ ເລຫງອກລິງ, ຢູ່ຕາແສງ ເຕີນອານ, ເມືອງ ເຕີນຮຽບ, ແຂວງກຽນຢາງ, ແມ່ນໜຶ່ງໃນບັນດາຄອບຄົວເຂົ້າຮ່ວມການເຮັດທົດລອງໂຄງການຜະລິດເຂົ້າສານແບບຍືນຍົງ SRP ໃຫ້ຮູ້ວ່າ: ໃນເນື້ອທີ່ດິນທຳການປູກເຂົ້າ 4,5 ເຮັກຕາ ຂອງຄອບຄົວ, ພາຍຫຼັງລະດູເກັບກ່ຽວ ສະພາບການມີຄວາມປະເອີບໃຈກວ່າເມື່ອທຽບໃສ່ການປູກເຂົ້າຕາມປະເພນີ. ຍ້ອນປະຕິບັດຕາມຂັ້ນຕອນຜະລິດທີ່ກ້າວໜ້າ, ບໍ່ນຳໃຊ້ຢາຂ້າສັດຕູພືດຫຼາຍ ແລະ ຫຼຸດຜ່ອນບັນດາລາຍຈ່າຍຕ່າງໆ, ຈາກນັ້ນລາຍຮັບກໍ່ສູງຂຶ້ນ. ຖ້າຫາກກ່ອນນີ້, ແຕ່ລະລະດູເກັບກ່ຽວ ຄອບຄົວຂອງອ້າຍ ລິງ ໄດ້ກຳໄລປະມານ 5 ລ້ານດົ່ງ/ເຮັກຕາ, ແຕ່ມາຮອດປະຈຸບັນນີ້ຕົວເລກດັ່ງກ່າວໄດ້ເພີ່ມຂຶ້ນແຕ່ 5,5 ລ້ານດົ່ງ ຫາ 6 ລ້ານດົ່ງ/ເຮັກຕາ. ອ້າຍລິງ ໃຫ້ຮູ້ວ່າ.
“ບັນດາມາດຕະຖານເວົ້າລວມກໍ່ມີຄວາມຫຍຸ້ງຍາກຢູ່, ແຕ່ໄດ້ນຳຜົນປະໂຫຍດມາໃຫ້ຊາວກະສິກອນ, ມີຄວາມແຕກຕ່າງກັນຫຼາຍ. ກ່ອນນີ້, ຊາວກະສິກອນເຄີຍປູກເຂົ້າຕາມຄວາມຊິ້ນເຄີຍ, ມາຮອດປະຈຸບັນ, ມາດຕະຖານສາກົນໄດ້ວາງອອກ 46 ມາດຖານ. ຕົວຢ່າງຄື ໃນປະຈຸບັນເລື່ອງນຳໃຊ້ຢາຂ້າສັດຕູພືດຫຼາຍ, ແຕ່ມາດຕະຖານທີ່ໄດ້ວາງອອກແມ່ນ ບໍ່ມີຢາຂ້າສັດຕູພືດເກີນກຳນົດ, ບໍ່ຕິດສານພິດຈາກການໃຊ້ຢາ. ຊາວກະສິກອນສາມາດຮັບຮູ້ໄດ້ ແລະ ຄ່ອຍໆປ່ຽນແປງ, ຍ້ອນວ່າ ຢາກຜະລິດແບບຍືນຍົງຕ້ອງປ່ຽນແປງຄວາມຊິ້ນເຄີຍດັ່ງກ່າວ”.
ບັນດາຊາວກະສິກອນທີ່ໄດ້ຮັບການຄັດເລືອກເພື່ອເຮັດທົດລອງຕາມໂຄງການດັ່ງກ່າວໃຫ້ຮູ້ວ່າ: 46 ມາດຕະຖານທີ່ໄດ້ວາງອອກໃຫ້ໂຄງການຜະລິດເຂົ້າສານແບບຍືນຍົງ ຕາມມາດຕະຖານສາກົນ SRP, ໃນເບື້ອງຕົ້ນຊາວກະສິກອນຍາກທີ່ຈະປະຕິບັດໄດ້, ມັນຮຽກຮ້ອງໃຫ້ຕ້ອງປະຕິບັດຢ່າງເຄັ່ງຄັດ, ແຕ່ພັດຮັບປະກັນການຜະລິດເຂົ້າສານຢ່າງປອດໄພ, ປົກປັກຮັກສາສິ່ງແວດລ້ອມ ແລະ ສຸຂະພາບຂອງຊາວກະສິກອນກໍ່ຄືຜູ້ບໍລິໂພກ. ຜ່ານວິວັດການທົດລອງໃນຕະຫຼອດລະດູການ, ກຸ່ມນັກວິສາວະກອນຂອງກຸ່ມບໍລິສັດ ໂລກເຈີຍ ໄດ້ຮຽງບ່າຮຽງໄຫຼ່ພ້ອມກັບພໍ່ແມ່ປະຊາຊາຊົນ, ຊ່ວຍປະຊາຊົນເປີດຊຸດບຳລຸງສີບຄັ້ງ ເພື່ອຍົກສູງຄວາມຮູ້ ແລະ ຕ້ອງລົງປະຕິບັດຕົວຈິງຢູ່ທົ່ງນາ. ທ່ານ ເຢືອງວັນຈິ໋ນ, ປະທານສູນຄົ້ນຄວ້າກະສິກຳ ດິ້ງແທ່ງ, ຂຶ້ນກັບກຸ່ມບໍລິສັດ ໂລກເຈີຍ ໃຫ້ຮູ້ວ່າ.
“ພາຍຫຼັງໄດ້ຝຶກອົບຮົມ, ພໍ່ແມ່ປະຊາຊົນລ້ວນແຕ່ເຫັນໄດ້ຜົນປະໂຫຍດຈາກໂຄງການ, ສະນັ້ນ, ປະຈຸບັນເມື່ອໄປທົ່ງນາຈະບໍ່ເຫັນສິ່ງເສດເຫຼືອຈາກຢາຂ້າສັດຕູພືດອີກແລ້ວ, ຍ້ອນເຂົາເຈົ້າເຫັນວ່າ ການເກັບໂຮມຂີ້ເຫຍື່ອ, ກຳຈັດຖືກຕາມຂັ້ນຕອນຈະນຳມາເຊິ່ງຜົນປະໂຫຍດຕໍ່ສິ່ງແວດລ້ອມ, ການຜະລິດ ແລະ ສຸຂະພາບຂອງເຂົາເຈົ້າເອງ. ຂ້າພະເຈົ້າເຊື່ອໝັ້ນວ່າ, ໃນໄລຍະຈະມາເຖິງ, ໂຄງການຈະແຜ່ຂະຫຍາຍອອກສູ່ຢູ່ຫຼາຍທ້ອງຖິ່ນ, ຫຼາຍວິສາຫະກິດກໍ່ຈະສະໜັບສະໜູນໂຄງການເພື່ອໃຫ້ການຜະລິດເຂົ້າສານນັບມື້ນັບຍືນຍົງ ແລະ ບັນລຸປະສິດທິຜົນໃນອະນາຄົດ”.
ຜ່ານການເຮັດທົດລອງ 2 ລະດູການໃນໄລຍະຜ່ານມາ ກໍ່ບັນລຸໝາກຜົນເບື້ອງຕົ້ນຢ່າງຕັ້ງໜ້າ, ຊາວກະສິກອນມີໂອກາດເພື່ອປຽບທຽບທົ່ງນາຕາມມາດຕະຖານ SRP ກັບທົ່ງນາຢູ່ອ້ອມຂ້າງ ເພື່ອເຫັນໄດ້ຄວາມແຕກຕ່າງກ່ຽວກັບສະມັດຕະພາບ, ຄຸນນະພາບ ແລະ ປະສິດທິຜົນດ້ານເສດຖະກິດ. ໂຄງການບໍ່ພຽງແຕ່ນຳມາເຊິ່ງຜົນປະໂຫຍດໃຫ້ຊາວກະສິກອນ, ປະຊາຄົມເທົ່ານັ້ນ, ຫາກຍັງປະກອບສ່ວນປົກປັກຮັກສາສິ່ງແວດລ້ອມຢ່າງໝັ້ນຄົງອີກດ້ວຍ. ທ່ານ ຮີ່ນເທ໋ນັງ, ປະທານສະມາຄົມທັນຍາຫານ ຫວຽດນາມ ຢືນຢັນວ່າ, ຈະຮຽກຮ້ອງບັນດາວິສາຫະກິດອື່ນເຂົ້າຮ່ວມ ແລະ ຄົ້ນຄວ້າໂຄງການດັ່ງກ່າວ.
“ຂ້າພະເຈົ້າປາດຖະໜາວ່າ, ບັນດາສະມາຊິກຂອງສະມາຄົມທັນຍາຫານ ຫວຽດນາມ ຈະຄົ້ນຄວ້າກ່ຽວກັບ SRP ແລະ ເມື່ອມີເງື່ອນໄຂສະດວກຈະພ້ອມກັບກຸ່ມບໍລິສັດ ໂລກເຈີຍ ເປີດກວ້າງການນຳໃຊ້ມາດຕະຖານ, ພ້ອມກັບເປົ້າໝາຍແມ່ນມຸ່ງໄປເຖິງຜະລິດຕະພັນເຂົ້າສານຫວຽດນາມ ທີ່ມີມູນຄ່າ, ມີຄຸນນະພາບ ແລະ ເປັນພື້ນຖານໃຫ້ແກ່ການສ້າງເຄື່ອງໝາຍການຄ້າວິສາຫະກິດ”.
ໃນ 2 ປີຈະມາເຖິງ, ໂຄງການຜະລິດເຂົ້າສານແບບຍືນຍົງຕາມມາດຕະຖານສາກົນ SRP ຈະຝຶກອົບຮົມໃຫ້ຊາວກະສິກອນຢູ່ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ປະມານ 4.000 ຄົນ ກ່ຽວກັບວິທີປູກເຂົ້າໃໝ່ທີ່ບັນລຸຄຸນນະພາບ, ສະມັດຕະພາບສູງ ແລະ ເປັນມິດກັບສິ່ງແວດລ້ອມ. ໂຄງການໄດ້ຊ່ວຍໃຫ້ຊາວກະສິກອນຄ່ອຍໆປ່ຽນແປງການປູກເຂົ້ານາທາມຕາມທິດຕັ້ງໜ້າ, ມີເງື່ອນໄຂລົງທຶນພື້ນຖານດ້ານວັດຖຸເພື່ອຕອບສະໜອງບັນດາມາດຕະຖານທີ່ໄດ້ວາງອອກ, ປະກອບສ່ວນຍົກສູງກຳລັງຄວາມສາມາດໃນການຜະລິດ, ສ້າງເຄື່ອງໝາຍການຄ້າເຂົ້າສານຫວຽດນາມ ທີ່ມີຄຸນນະພາບ ແລະ ສາມາດປົວແປງຊີວິດການເປັນຢູ່ຂອງຊາວກະສິກອນໃຫ້ດີຂຶ້ນ.