ປະຈຸບັນ, ດົ່ງນາຍ ແມ່ນໜຶ່ງໃນບັນດາທ້ອງຖິ່ນນຳໜ້າກ່ຽວກັບການດຶງດູດເງິນລົງທຶນຈາກຕ່າງປະເທດ (FDI). ນັບແຕ່ປີ 2016, ດົ່ງນາຍ ໄດ້ມີແຜນນະໂຍບາຍພຽງດຶງດູດບັນດາໂຄງການສະອາດ, ເຕັກໂນໂລຊີສູງ, ເປັນມິດກັບສິ່ງແວດລ້ອມ. ຄະນະກຳມະການປະຊາຊົນແຂວງດົ່ງນາຍ ໄດ້ຍົກອອກບັນດາມາດຕະການຢ່າງລະອຽດ ຂົງເຂດໃດໄດ້ຮັບບຸລິມະສິດດຶງດູດການລົງທຶນ ແລະ ຂົງເຂດໃດຕ້ອງມີເງື່ອນໄຂ. ພິເສດ, ບັນດາໂຄງການມີໄພກໍມົນລະຜິດຕໍ່ສິ່ງແລດລ້ອມສູງຄື: ຟອກໜັງ, ຍອມສີ, ເຄືອບ… ຈະຢຸດຕິການດຶງດູດການລົງທຶນ, ນັບທັງບັນດາໂຄງການໃຊ້ຄົນງານຫຼາຍກໍ່ບໍ່ໄດ້ຮັບຖືແມ່ນບຸລິມະສິດ.
ແຂວງດົ່ງນາຍ ໃຫ້ບຸລິມະສິດບັນດາ “ໂຄງການດີ”, ເຊິ່ງຕາມທ່ານ ມາຍວັນເຍີນ, ຮອງຫົວໜ້າຄະນະຄຸ້ມຄອງບັນດາເຂດອຸດສາຫະກຳດົ່ງນາຍ ແລ້ວ, ໂຄງການດີແມ່ນຕ້ອງດີໃຫ້ທັງພື້ນຖານເສດຖະກິດ: ດີສຳລັບລັດ, ດີສຳລັບສັງຄົມ, ດີສຳລັບຄົນງານ ແລະ ດີໃຫ້ນັກລົງທຶນ.
“ໂຄງການດີສຳລັບລັດ ແມ່ນໂຄງການຕ້ອງມອບພັນທະດ້ານພາສີເຂົ້າງົບປະມານ. ໂຄງການດີສຳລັບສັງຄົມແມ່ນຕ້ອງຄິດໄລ່ລັກສະນະແຜ່ຂະຫຍາຍດ້ານເຕັກໂນໂລຊີ, ຕ້ອງສ້າງວຽກເຮັດງານທຳ ແລະ ຍົກສູງສີມືແຮງງານ, ລະດັບ, ຄວາມຮູ້ໃຫ້ຄົນງານ. ສຸດທ້າຍແມ່ນດີສຳລັບເຈົ້າຂອງລົງທຶນ”.
ໃນການດຶງດູດການລົງທຶນ, ດົ່ງນາຍ ຖືເປັນສຳຄັນຄຸນນະພາບແຫຼ່ງທຶນ FDI ຍິ່ງກວ່າຈຳນວນທຶນ, ເລື່ອງປ່ອຍເງິນໃຫ້ບັນດາໂຄງການສຳຄັນກວ່າຈຳນວນທຶນຈົດທະບຽນຂອງວິສາຫະກິດ. ຢູ່ແຂວງດົ່ງນາຍ, ພາຍຫຼັງວິສາຫະກິດໄດ້ຮັບໜັງສືຢັ້ງຢືນການລົງທຶນ, ແຂວງຈະຕິດຕາມ, ກະຕຸກຊຸກຍູ້ບັນດາໂຄງການໃຫ້ເຮັດແນວໄດຖືກຕາມຄວາມຄືບໜ້າ, ຮັບປະກັນການປ່ອຍເງິນຢ່າງໄວ ຫາກບໍ່ແມ່ນຈົດທະບຽນແລ້ວປະໄວ້. ໝາກຜົນທີ່ໄດ້ຮັບແມ່ນ, ໃນຊຸມປີຜ່ານມາ, ອັດຕາປ່ອຍທຶນຂອງບັນດາວິສາຫະກິດ FDI ຢູ່ແຂວງດົ່ງນາຍ ຍາມໃດກໍ່ຢູ່ໃນລະດັບສູງ, ສະເລ່ຍບັນລຸປະມານ 70% ໃນຈຳນວນທຶນຈົດທະບຽນ.
ດ້ວຍແຜນນະໂຍບານດຶງດູດແຫຼ່ງທຶນ FDI ຢ່າງມີການຄັດເລືອກ, ດົ່ງນາຍ ໄດ້ປະຕິບັດບັນດາມາດຕະການ ເພື່ອສ້າງສະພາບແວດລ້ອມແຫ່ງການລົງທຶນທີ່ດູດດື່ມ. ແຕ່ລະປີ, ຄະນະກຳມະການປະຊາຊົນແຂວງດົ່ງນາຍ ໄດ້ຈັດການພົບປະ, ເຈລະຈາກັບບັນດານັກລົງທຶນ FDI ເປັນ 4 ຄັ້ງ. ນີ້ແມ່ນໜຶ່ງໃນບັນດາຄວາມມານະພະຍາຍາມຂອງອຳນາດການປົກຄອງແຂວງ ເພື່ອແນໃສ່ແລກປ່ຽນຂໍ້ມູນຂ່າວສານ, ແກ້ໄຂຄວາມຫຍຸ້ງຍາກໃຫ້ວິສາຫະກິດ, ຜ່ານນັ້ນສ້າງພາບພົດສະພາບແວດລ້ອມແຫ່ງການລົງທຶນທີ່. ທີ່ການພົບປະກັບບັນດາວິສາຫະກິດ FDI, ທ່ານ ເຈີນວັນວິ້ງ, ຮອງປະທານຄະນະກຳມະການປະຊາຊົນແຂວງ ດົ່ງນາຍ, ຢືນຢັນວ່າ.
“ທັດສະນະຂອງການນຳແຂວງ ແລະ ບັນດາທ້ອງຖິ່ນຢູ່ໃນແຂວງ ແມ່ນຫັນບັນດາລະບຽບການບໍລິຫານເປັນງ່າຍດ່າຍ. ເປັນເອກະພາບການໜູນຊ່ວຍໃຫ້ບັນດາວິສາຫະກິດລົງທຶນ, ຍ້ອນພຶດຕະກຳຕົວຈິງ ຍາມໃດກໍ່ນຳໜ້າບັນດາຂໍ້ກຳນົດຂອງກົດໝາຍ. ແຂວງກໍ່ປາດຖະໜາວ່າ ບັນດາວິສາຫະກິດປະກອບຄວາມເຫັນເພື່ອພ້ອມກັບອຳນາດການປົກຄອງແກ້ໄຂບັນດາຄວາມຫຍຸ້ງຍາກໃຫ້ວິສາຫະກິດ”.
ໃນຄວາມມນະພະຍາຍາມປະຕິຮູບລະບຽບການບໍລິການ, ແຂວງ ດົ່ງນາຍ ພວມຈັດຕັ້ງການສົ່ງເສີມການລົງທຶນຢູ່ກັບທີ່. ດ້ວຍບັນດານັກລົງທຶນພວມຜັນຂະຫຍາຍໂຄງການຢູ່ທີ່ນີ້, ບັນດາບັນຫາເກີດຂຶ້ນລ້ວນແຕ່ໄດ້ຮັບການແກ້ໄຂເມື່ອເກີດສິ່ງທີ່ຕິດຂັດ, ຈາກບັນດາບັນຫາລະອຽດ ຕະຫຼອດເຖິງບັນດາບັນຫາສະເໜີດ້ານນະໂຍບາຍ ລ້ວນແຕ່ໄດ້ຮັບການຮັບຮູ້ ແລະ ໄດ້ຮັບການແກ້ໄຂ. ຢູ່ພາກສ່ວນປະຕູດຽວຂອງຄະນະຄຸ້ມຄອງບັນດາເຂດອຸດສາຫະກຳດົ່ງນາຍ, ເວລາແກ້ໄຂເອກະສານຢູ່ທີ່ນີ້ໄດ້ຮັບການປະຕິບັດຢ່າງໄວ, ເວລາແກ້ໄຂເອກະສານສະເລ່ຍເທົ່າກັບປະມານ 60 – 70% ຂອງເວລາກຳນົດ.
ປີ 2016, ດົ່ງນາຍ ຍັງແມ່ນແຂວງນອນໃນ top ບັນດາແຂວງນຳໜ້າທົ່ວປະເທດກ່ຽວກັບການດຶງດູດທຶນ FDI ດ້ວຍຈຳນວນເງິນຈົດທະບຽນແມ່ນເກືອບ 2 ຕື້ USD. ໃນນັ້ນ, ສະໜອງໃໝ່ 100 ໂຄງການລົງທຶນ, ດ້ວຍຈຳນວນທຶນແມ່ນເກືອບ 1 ຕື້ USD; 98 ໂຄງການເພີ່ມເງິນລົງທຶນ, ດ້ວຍທຶນເພີ່ມຕື່ມແມ່ນ 826,7 ລ້ານ USD. ເຖິງຢ່າງໃດກໍ່ຕາມ, ຈຳນວນເງິນລົງທຶນດັ່ງກ່າວຍັງບໍ່ສູງເມື່ອທຽບໃສ່ຄວາມສາມາດບົ່ມຊ້ອນຂອງແຂວງຢູ່, ແຕ່ນີ້ແມ່ນບັນດາໂຄງການລົງທຶນໂດຍມີການຄັດເລືອກ, ເໝາະສົມກັບເງື່ອນໄຂຂອງທ້ອງຖິ່ນ, ຢືນຢັນທິດກ້າວເດີນຢ່າງຖືກຕ້ອງຂອງແຂວງດົ່ງນາຍ ໃນການດຶງດູດເງິນລົງທຶນຈາກຕ່າງປະເທດ.