ບັນດາເພື່ອນມິດສາກົນຍາມໃດກໍເຂົ້າຮ່ວມ ພ້ອມກັບການພັດທະນາຂອງຫວຽດນາມ

ວັນພະຫັດ ທີ 19 ກຸມພາ ຄ.ສ. 2015 | 16:20:00

(vovworld)- ຍາມໃດກໍ່ຖືຫວຽດນາມແມ່ນຄອບຄົວ, ແມ່ນບ້ານເກີດເມືອງນອນແຫ່ງທີສອງ ແລະ ປາດຖະຫນາຢາກຕິດພັນຍາວນານກັບຫວຽດນາມກວ່າອີກ. ນັ້ນແມ່ນອາລົມຈິດລວມຂອງນັກການທູດຕ່າງປະເທດຫລາຍທ່ານ ເມື່ອມາປະຕິບັດງານຢູ່ຫວຽດນາມ. ເຂົາເຈົ້າບໍ່ພຽງແຕ່ເປັນຂົວຕໍ່ມິດຕະພາບໃຫມ່, ຊຸກຍູ້ວິວັດການຮ່ວມມື ລະຫວ່າງຫວຽດນາມ ກັບບັນດາປະເທດຢ່າງແຮງ ແລະ ມີປະສິດທິຜົນກວ່າເທົ່ານັ້ນ, ຫາກຍັງມີວຽກງານລະອຽດຕ່າງໆ, ສະຫນັບສະຫນູນ, ເຂົ້າຮ່ວມພ້ອມກັບການພັດທະນາຂອງຫວຽດນາມ ອີກດ້ວຍ.

ບັນດາເພື່ອນມິດສາກົນຍາມໃດກໍເຂົ້າຮ່ວມ ພ້ອມກັບການພັດທະນາຂອງຫວຽດນາມ - ảnh 1

ທ່ານ Ted Osuis, ເອກອັກຄະລັດຖະທູດອາເມລິກາ ຄົນໃຫມ່ມອບ
ຂອງຂວັນໃຫ້ເດັກນ້ອຍຫວຽດນາມໃນໂອກາດວັນບຸນຄຼິດສະມາດ
ພາບ:internet

“ສະບາຍດີ ຫວຽດນາມ. ຂ້າພະເຈົ້າແມ່ນ Ted Osius. ຂໍ້ຕົກລົງຂອງທ່ານປະທານາທິບໍດີ ອາເມລິກາ B. Obama ແຕ່ງຕັ້ງຂ້າພະເຈົ້າເປັນເອກອັກຄະລັດຖະທູດອາເມລິກາ ຄົນໃຫມ່ປະຈຳຫວຽດນາມ ໄດ້ເຮັດໃຫ້ຄວາມໄຝ່ຝັນຂອງຂ້າພະເຈົ້າປະກົດຜົນເປັນຈິງ. ປີ 1996, ຂ້າພະເຈົ້າມີກຽດໄດ້ມາຫວຽດນາມ ຊ່ວຍໃຫ້ທ່ານເອກອັກຄະລັດຖະທູດຄົນທຳອິດ ກໍ່ຕັ້ງສາຍພົວພັນທາງການທູດລະຫວ່າງສອງປະເທດພວກເຮົາ. ປະເທດຫວຽດນາມ ເຂັ້ມແຂງ, ຈະເລີນຮຸ່ງເຮືອງ, ເອກະລາດ ໄດ້, ພວມ ແລະ ຈະແມ່ນເພື່ອນທີ່ຂາດບໍ່ໄດ້ຂອງອາເມລິກາ.”

ເດືອນ 12/2014, video clip ສະບາຍດີ ຫວຽດນາມ ຂອງທ່ານ Ted Osuis, ເອກອັກຄະລັດຖະທູດອາເມລິກາ ຄົນໃຫມ່ ກ່ອນທີ່ທ່ານເດີນທາງມາຮັບຫນ້າທີ່ການທູດຢູ່ຫວຽດນາມ ຖືກແນະນຳໃນສື່ອອນໄລສ່ວນຕົວ ແລະ ຫນ້າເວັບຂອງສະຖານທູດ ອາເມລິກາ ໄດ້ດຶງດູດຄວາມເອົາໃຈໃສ່ເປັນພິເສດຈາກວົງຄະນາຍາດຜູ້ເຂົ້າຊົມຫວຽດນາມ. ດ້ວຍການແນະນຳຕົນເອງເປັນພາສາຫວຽດ ທີ່ເຕັມໄປດ້ວຍຄວາມປະທັບໃຈໄດ້ສ້າງຄວາມຮູ້ສຶກຊົມຊອບໃນເບື້ອງຕົ້ນກ່ຽວກັບນັກການທູດທ່ານໜຶ່ງທີ່ສະຫນິດສະຫນົມ ແລະ ເຂົ້າໃຈແຈ້ງກ່ຽວກັບຫວຽດນາມ.

ທ່ານ Ted Osuis, ເອກອັກຄະລັດຖະທູດອາເມລິກາ ໄດ້ແບ່ງປັນວ່າ: ໃນໄລຍະ 20 ປີທີ່ສະຫນິດຕິດພັນກັບ ຫວຽດນາມ ເມື່ອທ່ານຮັບດຳລົງຕຳແຫນ່ງເປັນທູດການເມືອງຂອງສະຖານກົງສູນອາເມລິກາ ແລະ ເປັນເອກອັກຄະລັດຖະທູດ ອາເມລິກາ ໄລຍະແຕ່ປີ 1997-2001 ຫລື ເຂົ້າຮ່ວມໃນຄະນະເຈົ້າຫນ້າທີ່ ອາເມລິກາ ທຳອິດມາຫວຽດນາມ ພາຍຫລັງສອງປະເທດສ້າງການພົວພັນສອງຝ່າຍເປັນປົກກະຕິ, ໄດ້ຊ່ວຍໃຫ້ທ່ານມີຄວາມເຂົ້າໃຈ ແລະ ຮັກແພງປະເທດຫວຽດນາມກວ່າ. ເມື່ອຫວຽດນາມສະຫນີ ຝ່າຍ ອາເມລິກາ ຍົກເລີກຄຳສັ່ງຫ້າມຂາຍອາວຸດເຂັ່ນຂ້າສຳລັບຫວຽດນາມ, ທ່ານ Ted Osuis ເອງແມ່ນຜູ້ຮຽກຮ້ອງການສະຫນັບສະຫນູນຂໍ້ສະເຫນີຂອງຫວຽດນາມ ແຮງທີ່ສຸດ. ມາຫວຽດນາມ ພຽງຫນຶ່ງເດືອນເທົ່ານັ້ນ, ແຕ່ທ່ານ Ted Osuis ໄດ້ເຂົ້າຮ່ວມທຸກການເຄື່ອນໄຫວສະເຫລີມສະຫລອງ 20 ປີແຫ່ງວັນສອງປະເທດ ອາເມລິກາ ແລະ ຫວຽດນາມ ສ້າງການພົວພັນເປັນປົກກະຕິ. ໃນອາຍຸການ 3 ປີປະຕິບັດຫນ້າທີ່ການທູດຢູ່ ຫວຽດນາມ, ທ່ານ ໄດ້ວາງແຜນວຽກງານບໍ່ແມ່ນນ້ອຍໃຫ້ແກ່ຕົນເອງ.

“ຂ້າພະເຈົ້າຢາກເຮັດໃຫ້ອາເມລິກາ ກາຍເປັນນັກລົງທຶນອັນດັບ 1 ຢູ່ ຫວຽດນາມ. ຄຽງຄູ່ກັນນັ້ນ ແມ່ນຊຸກຍູ້ການຮ່ວມມືໃນຂົງເຂດປ້ອງກັນຄວາມສະຫງົບ, ຄວາມປອດໄພໃນການເດີນທະເລ. ນອກນັ້ນ ຍູ້ແຮງການຮ່ວມມືດ້ານການສຶກສາລະຫວ່າງສອງປະເທດ, ມຸ່ງໄປເຖິງການສ້າງຕັ້ງມະຫາວິທະຍາໄລ Fulbright ຢູ່ ຫວຽດນາມ. ນີ້ບໍ່ພຽງແຕ່ແມ່ນມະຫາວິທະຍາໄລດີທີ່ສຸດຢູ່ຫວຽດນາມເທົ່ານັ້ນ ຫາກຂ້າພະເຈົ້າຫວັງວ່ານີ້ກໍແມ່ນມະຫາວິທະຍາໄລແຫ່ງດີທີ່ສຸດຢູ່ໃນໂລກອີກດ້ວຍ.”

ບັນດາເພື່ອນມິດສາກົນຍາມໃດກໍເຂົ້າຮ່ວມ ພ້ອມກັບການພັດທະນາຂອງຫວຽດນາມ - ảnh 2

ທ່ານ Jean Noel Poirier,ເອກອັກຄະລັດຖະທູດ ຝລັ່ງ
ປະຈຳຫວຽດນາມ
ພາບ:vietbao.vn

ສ່ວນທ່ານ Jean Noel Poirier, ເອກອັກຄະລັດຖະທູດ ຝລັ່ງ ປະຈຳຫວຽດນາມ ກໍແມ່ນຜູ້ທີ່ມີຄວາມເຂົ້າໃຈກ່ຽວກັບວັດທະນະທຳຫວຽດນາມ, ມັກຮຽນພາສາ ຫວຽດນາມ ແລະ ຖືຫວຽດນາມ ແມ່ນບ້ານເກີດເມືອງນອນແຫ່ງທີ່ສອງຂອງຕົນ. ທ່ານແບ່ງປັນວ່າ:

“ເມື່ອເວົ້າເຖິງຫວຽດນາມ ຂ້າພະເຈົ້າມີອາລົມຈິດຄວາມຮັກແພງມາແຕ່ຄາວຍັງນ້ອຍ, ເລີ່ມຈາກຄວາມປະທັບໃຈໃນບັນດາເລື່ອງລາວກ່ຽວກັບພາກພື້ນ ອາຊີຕາເວັນອອກສຽງໃຕ້, ກ່ຽວກັບປະຫວັດສາດອັນສະຫງ່າອົງອາດຂອງຫວຽດນາມ ຊື່ງຄອບຄົວເລົ່າໃຫ້ຟັງ. ແມ່ເຖົ້າຂ້າພະເຈົ້າກຳເນີດຢູ່ ດາຫນັງ, ສ່ວນ ພໍ່ເຖົ້າເຮັດວຽກໃນຂົງເຂດການເດີນທະເລ ແລະ ໄປມາໄຊງ່ອນຫລາຍຄັ້ງ. ແຕ່ຄາວຍັງນ້ອຍ ຂ້າພະເຈົ້າໄດ້ຮູ້ຈັກເຖິງວັດຖຸພັນຫລາຍຢ່າງຊື່ງ ພໍ່ເຖົ້າເອົາມາຈາກ ໄຊງ່ອນ, ສິ່ງດັ່ງກ່າວໄດ້ພາໃຫ້ຂ້າພະເຈົ້າຢາກຄົ້ນຫາເຂດດິນແດນທີ່ຫ່າງໄກນີ້. ນັ້ນແມ່ນສາຍເຫດທີ່ເຮັດໃຫ້ຂ້າພະເຈົ້າສະຫນິດຕິດພັນກັບຫວຽດນາມ.”

ຍ້ອນມີຄວາມເອົາໃຈໃສ່ເປັນພິເສດເຖິງພາກພື້ນ ອາຊີ, ຫວຽດນາມ ແລະ ປະຫວັດສາດຂອງພາກພື້ນນີ້, ທ່ານ Jean Noel Poirier ໄດ້ຕັດສິນໃຈຮຽນພາສາຫວຽດ ແລະ ໂຊກດີທີ່ທ່ານໄດ້ຮັບແຕ່ງຕັ້ງມາເຮັດງຽກຢູ່ ກົມອາຊີ ສັງກັດກະຊວງການຕ່າງປະເທດຝລັ່ງ. ການປະຕິບັດງານຄັ້ງທຳອິດຢູ່ຫວຽດນາມເມື່ອປີ 1989 ໄດ້ສ້າງຄວາມປະທັບໃຈຢ່າງເລິກເຊິ່ງໃຫ້ແກ່ທ່ານ Jean Noel Poirier ເມື່ອທ່ານໄດ້ພົບປະກັບພົນເອກ ຫວໍງວຽນຢາບ ແລະ ທ່ານ ຫງວຽນເກີແທກ, ອະດີດລັດຖະມົນຕີວ່າການກະຊວງການຕ່າງປະເທດຫວຽດນາມ ຢູ່ສະຖານທູດ ຝລັ່ງ ປະຈຳຮ່າໂນ້ຍ ແລະ ຫລັງຈາກນັ້ນ 23 ປີ, ທ່ານໄດ້ແຕ່ງຕັ້ງເປັນເອກອັກຄະລັດຖະທູດ ຝລັ່ງ ປະຈຳຫວຽດນາມ.

ໃນບັນດາການເຄື່ອນໄຫວທາງການທູດຂອງປີພົວພັນແລກປ່ຽນ ລະຫວ່າງຫວຽດນາມ ແລະ ຝລັ່ງ ໃນ 2 ປີ ຜ່ານມາ, ທ່ານໄດ້ໄປໆມາໆລະຫວ່າງສອງປະເທດເປັນປະຈຳ. ບໍ່ພຽງແຕ່ແມ່ນຫນ້າທີ່ວຽກງານເທົ່ານັ້ນ ຫາກທ່ານ Jean Noel Poirier ໄດ້ສະຫງວນເວລາສ່ວນຫລາຍ, ສຸດຈິດສຸດໃຈເພື່ອຊຸກຍູ້ຫລາຍໂຄງການຮ່ວມມືຄື: ໂຄງການບູລະນະປະຕິສັງຂອນຂົວລອງບຽນ, ຈັດໃຫ້ທິມບານເຕະ Guingamp ຂອງຝລັ່ງ ມາແຂ່ງຂັນມິດຕະພາບຢູ່ຫວຽດນາມ, ສ້າງເງື່ອນໄຂເພື່ອໃຫ້ຫວຽດນາມ ສຳພັດກັບສາງເອກະສານຂອງຝລັ່ງກ່ຽວກັບບັນຫາທະເລຕາເວັນອອກ.

ທ່ານ Jean Noel Poirier ໃຫ້ຮູ້ວ່າ: ໄລຍະດຳລົງຊີວິດຢູ່ຫວຽດນາມ, ເອົາເມຍເປັນລູກຊອດຫວຽດນາມ ໄດ້ເປັນກຳລັງຫນູນເຮັດໃຫ້ທ່ານມີແບບແຜນການດຳລົງຊີວິດຄ້າຍຄືຊາວຫວຽດ. ເຖິງວ່າ ບໍ່ແມ່ນເປັນຄັ້ງທຳອິດທີ່ໄດ້ຕ້ອນຮັບບຸນເຕັດຢູ່ຫວຽດນາມ, ແຕ່ສຳລັບທ່ານ Jean Noel Poirier, ບຸນເຕັດຢູ່ຫວຽດນາມ ກໍເຮັດໃຫ້ທ່ານຮູ້ສຶກເບິກບານມ່ວນຊື່ນທີ່ສຸດ.

“ຂ້າພະເຈົ້າໄດ້ຕ້ອນຮັບບຸນເຕັດຢູ່ ຫວຽດນາມ ຫລາຍເທື່ອແລ້ວ, ຂ້າພະເຈົ້າເຫັນວ່າ ບຸນເຕັດແມ່ນຈຸດເວລາສຳຄັນທີ່ສຸດ ເພື່ອຢັ້ງຢືນສີສັນວັດທະນະທຳສະເພາະຂອງຫວຽດນາມ. ໃນຊຸມມື້ບຸນເຕັດ ຫວຽດນາມ, ຊາວຫວຽດນາມ 91 ລ້ານຄົນ ລ້ວນແຕ່ມີແນວຄິດຈິດໃຈເຊັ່ນດຽວກັນ ນັ້ນແມ່ນກັບຄືນເມືອຫາຄອບຄົວ ແລະ ຍາດຕິພີ່ນ້ອງ. ເຊົ້າວັນທີ 1 ຂອງບຸນເຕັດ, ບໍ່ເຫັນຜູ້ໃດອອກຖະຫນົນ, ຂ້າພະເຈົ້າມັກບັນຍາກາດນັ້ນທີ່ສຸດ ແລະ ນີ້ແມ່ນຈຸດວັດທະນະທຳແຕກຕ່າງກັນ, ມີລັກສະນະສັນຍາລັກແຫ່ງນ້ຳໃຈສາມັກຄີທົ່ວປວງຊົນທັງຊາດຂອງຫວຽດນາມ.”

ດ້ວຍຄວາມເຄົາລົບປະຫວັດສາດ, ວັດທະນະທຳຫວຽດນາມ, ເຂົ້າໃຈ, ຮັກແພງຫວຽດນາມ, ແລະ ຢາກສະຫນິດຕິດພັນໄລຍະຍາວກັບຫວຽດນາມ, ບັນດາທ່ານເອກອັກຄະລັດຖະທູດ ພວມເປັນຂົວຕໍ່ມິດຕະພາບລະຫວ່າງ ຫວຽດນາມກັບບັນດາປະເທດໃນໂລກ.