លោកស្រី Cecilia Malmstrom ស្នងការពាណិជ្ជកម្មនៃសហភាពអឺរ៉ុប

សេចក្តីព្រមានពោលខាងលើ ត្រូវបានលោកស្រី Cecilia Malmstrom នាំចេញ ក្នុងបរិបទដែល ផែនការសម្រេចបាននូវកិច្ចព្រមព្រៀងពាណិជ្ជកម្មមានកំណត់មួយរវាងទ្វីបអឺរ៉ុបនិងសហរដ្ឋអាមេរិកកំពុងស្ថិតក្នុងភាពជាប់គាំង។ លោកស្រី Malmstrom បានអះអាងថា “មិនទទួលយកនូវសកម្មភាពពាណិជ្ជកម្មណាមួយដែលត្រូវការគ្រប់គ្រងដោយកំណត់កូតា ឬដាក់កំហិតនៃការនាំចេញដោយស្ម័គ្រចិត្តនៅឡើយ”  ហើយប្រសិនបើត្រូវបង់ពន្ធនោះ សហភាពអឺរ៉ុបនឹងមានបញ្ជីឆ្លើយតបវិញជាក់ជាពុំខាន។ លោកស្រីរូបនេះក៏បានឲ្យដឹងថា បានត្រៀមជាស្រេចនូវវិធានការសងសឹកដែលមានតម្លៃ ៣៥ ពាន់លានអឺរ៉ូ ថ្វីត្បិតតែ លោកស្រីរំពឹងថា នឹងមិនប្រើវាក៏ដោយ៕