គោលដៅទេសចរណ៍នៅវៀតណាមដែលទាក់ទាញភ្ញៀវទេសចរបរទេស
ប្រមូលនិងសំយោគដោយ Le Chi/VOV5 -
(VOVWORLD) - ជាមួយនឹងភាពរួសរាយរាក់ទាក់និងភាពស្រស់ស្អាតដ៏មនោរម្យ វៀតណាមបានទាក់ទាញភ្ញៀវទេសចរបរទេសជាច្រើននៅពេលពួកគេបានធ្វើដំណើរទេសចរណ៍នៅប្រទេសដែលមានរាងអក្សរ “S” នេះ។
ប្រទេសវៀតណាមត្រូវបានធម្មជាតិអំណោយផលនូវទេសភាពលេចធ្លោជាច្រើន ពីវាលស្រែកាំជណ្តើរដ៏អស្ចារ្យ ជួរភ្នំធំស្បើមនៅភាគខាងជើង រហូតដល់ជ្រលងភ្នំនៃតំបន់ Tay Nguyen និងឆ្នេរខ្សាច់ពណ៌ខៀវស្រងាត់នៅភាគខាងត្បូង។ វៀតណាមក៏មានស្ថាបត្យកម្មដ៏វិសេសវិសាល វប្បធម៌ម្ហូបអាហារ ជាពិសេសម្ហូបតាមចិញ្ចើមផ្លូវគួរឱ្យទាក់ទាញ។ ជាមួយនឹងភាពរួសរាយរាក់ទាក់និងភាពស្រស់ស្អាតដ៏មនោរម្យដែលទាក់ទាញភ្ញៀវទេសចរបរទេសជាច្រើន នៅពេលពួកគេបានធ្វើដំណើរទេសចរណ៍នៅទឹកដីដែលមានរាងអក្សរ “S” នេះ។ ចាប់តាំងពីជំងឺរាតត្បាតកូវិដ ១៩ បានផ្ទុះជាលក្ខណៈទ្រង់ទ្រាយធំទូទាំងពិភពលោក ប្រទេសវៀតណាមត្រូវបានប្រព័ន្ធផ្សព្វផ្សាយបរទេសវាយតម្លៃថា ជាទិសដៅមួយដែលមានសុវត្ថិភាពក្រោយជំងឺរាតត្បាត ដោយសារតែវិធានការទប់ស្កាត់ជំងឺរីករាលដាលដ៏មានប្រសិទ្ធិភាពរបស់រដ្ឋាភិបាល។ ក្នុងឱកាសទិវាបង្កើតផ្នែកទេសចរណ៍វៀតណាម (៩ កក្កដា ១៩៦០-៩ កក្កដា ២០២១) សូមឧទ្ទេសនាមនូវកន្លែងល្បីៗ ទាំង ១០ នៅវៀតណាមដែលភ្ញៀវទេសចរបរទេសចង់មកលេងយ៉ាងហោចណាស់ម្តងផងដែរ។
១. ឈូងសមុទ្រហាឡុង
ឆ្នេរសមុទ្រឡុងត្រូវបានអង្គការ UNESCO ទទួលស្គាល់ជាបេតិកភណ្ឌធម្មជាតិពិភពលោកនិងជាឆ្នេរសមុទ្រមួយក្នុងចំណោមឆ្នេរដ៏ស្រស់ស្អាតបំផុតនៅលើពិភពលោក។ ក្រឡេកមើលពីលើមក Ha Long មើលទៅដូចជាផ្ទាំងគំនូរដ៏មនោរម្យនិងរស់រវើក។
 |
| ទេសភាព Ha Long មើលពីខាងលើ (រូបថតៈ halongbay.com.vn) |
 |
| គេងពេលយប់នៅលើទូកនៅលើឆ្នេរ Ha Long គឺជាការឆ្លងកាត់បទពិសោធន៍ដ៏អស្ចារ្យសម្រាប់ភ្ញៀវទេសចរណាក៏ដោយ (រូបថតៈ My Tra/VOV5) |
២. សាប៉ា (Sa Pa)
Sa Pa មិនត្រឹមតែទាក់ទាញភ្ញៀវទេសចរដោយទេសភាពធម្មជាតិដ៏ស្រស់បំព្រងនិងអស្ចារ្យប៉ុណ្ណោះទេតែ ថែមទាំងវប្បធម៌ដ៏វិសេសវិសាលរបស់ជនជាតិដើមផងដែរ។ បទពិសោធន៍ដ៏ពេញនិយមមួយរបស់ភ្ញៀវទេសចរបរទេសពេលមកទីនេះគឺការឡើងលើកំពូល Fansipan ថតរូបជាមួយវាលស្រែកាំជណ្តើររឬស្នាក់នៅ Homestay ជាមួយជនជាតិដើម។
 |
| កំពូល Fansipan - ដំបូលឥណ្ឌូចិនដ៏អស្ចារ្យ (រូបថត៖ ngoisao.net) |
 |
| រដូវមាសបានមកដល់វាលស្រែកាំជណ្តើរ (រូបថតៈ Kinhtedothi.vn) |
៣. ទីក្រុងហាណូយ
សម្លេងរោទិ៍ម៉ូតូ ប្រជាជន ប្រវត្តិសាស្រ្ត អាហារ ... បានបង្កើតឡើងក្រុងហាណូយគួរឱ្យភ្ញាក់ផ្អើលសម្រាប់ភ្ញៀវបរទេសគ្រប់រូប។
 |
| ប៉ុស្តិ៍ Hang Dau បានឃើញពីខាងលើ (រូបថត៖ qdnd.vn) |
 |
| មេចុងភៅជនជាតិអាមេរិកដ៏ល្បីល្បាញ លោក Anthony Bourdain បានកោតសរសើរខណៈពេលកំពុងបរិភោគនំបញ្ចាំនៅលើចិញ្ចើមផ្លូវក្នុងទីក្រុងហាណូយ (រូបថត៖ afamily.vn) |
៤. នីញប៊ិញ (Ninh Binh)
Ninh Binh ជាគោលដៅទេសចរណ៍ដ៏ទាក់ទាញសម្រាប់ភ្ញៀវទេសចរជាតិនិងអន្តរជាតិ ដែលនៅទីនេះមានទាំងបេតិកភណ្ឌធម្មជាតិនិងវប្បធម៌ដូចជាតំបន់អេកូទេសចរណ៍ Trang An, Tam Coc-Bich Dong, ល្អាង Mua, ព្រៃ Cuc Phuong, វត្ត Bai Dinh និងរដ្ឋធានីបុរាណ Hoa Lu ជាដើម។ Ninh Binh ត្រូវបានប្រដូចទៅនឹង Ha Long នៅលើដីគោកនៃប្រទេសវៀតណាមអញ្ជឹង។
 |
| កំពង់ផែ Trang An ជាកន្លែងដែលចាប់ផ្តើមការធ្វើដំណើរដើម្បីស្វែងរកទេសភាពដ៏ស្រស់ស្អាត (រូបថត៖ Vietsensetravel.com) |
 |
| ពណ៌លឿង Tam Coc (រូបថតៈ Dao Minh Tien/sodulich.hanoi.gov.vn) |
៥- គុហាសុនដុង (Son Doong-Quang Binh)
មានកម្ពស់ខ្ពស់ល្មមអាចផ្ទុកអាគារកម្ពស់ ៤០ ជាន់ គុហា Son Doong គឺមានបណ្តោយសម្រាប់ផ្ទុកយន្តហោះប៊ូអ៊ីង ៧៤៧ ហោះហើរឆ្លងកាត់បាន។ គុហានេះត្រូវបានគេរកឃើញនៅឆ្នាំ ២០០៩ ស្ថិតនៅក្នុងឧទ្យានជាតិ Phong Nha-Ke Bang ក្នុងខេត្ត Quang Binh។ Son Doong បច្ចុប្បន្នជារូងភ្នំធំជាងគេបំផុតនៅលើពិភពលោកដែលមានទំហំធំសម្បើម ខណៈផ្ទៃខាងក្នុងស្រស់ស្អាតគួរឱ្យចង់គយគន់។
 |
| កាំរស្មីព្រះអាទិត្យឆ្លងកាត់តាមមាត់ Ho Sut ១ ហើយបញ្ចាំងពន្លឺលើវង់ដាយណូស័រ (រូបថត៖ oxalisadventure.com) |
 |
| ផ្កាថ្មលើដងគុហាដ៏ធំតាមផ្លូវ Ho Sut ២ ដល់ជញ្ជាំងវៀតណាម (រូបថត៖ oxalisadventure.com) |
៦. Hue
Hue គឺជាទីក្រុងមួយក្នុងចំណោមទីក្រុងនានាដែលជាប់ទាក់ទងនឹងប្រវតិ្តសាស្រ្តរបស់ប្រទេសវៀតណាម ដោយមានបេតិកភណ្ឌពីរាជវង្ស Nguyen នៅសតវត្សរ៍ទី ១៩។ ប្រជុំបេតិកភណ្ឌទីក្រុងបុរាណ Hue ធ្លាប់បានអង្គការ UNESCO ទទួលស្គាល់ជាបេតិកភណ្ឌវប្បធម៌នៃមនុស្សជាតិ។ ហើយសម្រាប់ភ្ញៀវទេសចរ នេះគឺជាកន្លែងមិនអាចរំលងបានក្នុងដំណើរស្វែងរកប្រទេសវៀតណាម។
 |
| ជ្រុងមួយនៃរដ្ឋធានីបុរាណ Hue ដែលមើលឃើញពីខាងលើ (រូបថតៈ Le Hieu/zingnews.vn) |
 |
| ស្ពាន Trang Tien ឆ្លងកាត់ទន្លេ Huong (រូបថត៖ Duy Sinh/zingnews.vn) |
៧. Da Nang
ទីក្រុង Da Nang គឺជាទីក្រុងដែលមានភាពស្វាហាប់បំផុតនៅក្នុងប្រទេសវៀតណាម ដែលមានតំបន់ទេសចរណ៍ទាក់ទាញជាច្រើនដូចជា៖ ឆ្នេរ My Khe - ជាឆ្នេរមួយក្នុងចំណោមឆ្នេរស្អាតទាំង ៦ នៅលើភពផែនដី (ដោយទស្សនាវដ្តី Forbes បោះឆ្នោត); តំបន់ទេសចរណ៍ Ba Na Hill ដែលមានសកម្មភាពកម្សាន្តជាច្រើន Son Son ឧបទ្វីប, ភ្នំថ្មម៉ាប, ទន្លេហាន, ស្ពាននាគ ...
 |
| ឆ្នេរ My Khe, Da Nang (រូបថត៖ danangaz.com) |
 |
| ទិដ្ឋភាព Da Nang មើលពីខាងលើ (រូបថត៖ danangfantasticity.com) |
៨. Hoi An
Hoi An ត្រូវបានអង្គការ UNESCO ទទួលស្គាល់ជាបេតិកភណ្ឌវប្បធម៌ពិភពលោកក្នុងឆ្នាំ ១៩៩៩។ នេះត្រូវបានជ្រើសរើសជាទីក្រុងទេសចរណ៍គួរឲ្យទាក់ទាញបំផុតនៅអាស៊ី (ដោយទស្សនាវដ្តី Smart Travel Asia ជ្រើសរើស)។ លក្ខណៈស្រស់បំព្រង ភាពសុខសាន្តត្រាននិងទេសភាពធម្មជាតិដ៏ស្រស់ត្រកាលរបស់ Hoi An គឺជាអ្វីដែលទាក់ទាញភ្ញៀវទេសចរណ៍។
 |
| ទីក្រុងបុរាណ Hoi An ដែលមានផ្ទះប្រក់ក្បឿង (រូបថតៈ Vo Rin/VnExpress) |
 |
| Hoi An នាពេលរាត្រី (រូបថត៖ austinvietmartyrs.org) |
៩. ទីក្រុងហូជីមិញ
ទីក្រុងហូជីមិញគឺជាមជ្ឈមណ្ឌលមួយក្នុងចំណោមមជ្ឈមណ្ឌលសេដ្ឋកិច្ចនិងវប្បធម៌ធំបំផុតពីរនៅក្នុងប្រទេស។ កន្លែងនេះគឺជាទិសដៅទាក់ទាញបំផុតសម្រាប់ភ្ញៀវទេសចរបរទេសនាពេលបច្ចុប្បន្ននេះ ជាមួយនឹងការទាក់ទាញដូចជាវិហារ Notre Dame ការិយាល័យប្រៃសណីយ៍ក្រុង វិមានឯករាជ្យ សារមន្ទីរ ផ្សារ Ben Thanh ... និងវប្បធម៌ធ្វើម្ហូបដ៏សម្បូរបែប។
 |
| វិហារ Notre Dame (រូបថត៖ VOV) |
 |
| វិមានឯករាជ្យស្ថិតនៅចន្លោះជួរភ្នំបៃតងព័ទ្ធជុំវិញដោយអាគារខ្ពស់ៗ (រូបថត៖ Vietnamnet.vn) |
១០. Phu Quoc
Phu Quoc ជាកោះធំជាងគេនៅវៀតណាម។ ត្រូវបានប្រដូចជា “កោះគុជ” ស្រស់ស្អាត Phu Quoc ជាឋានសួគ៌ទេសចរណ៍ឆ្នេរដ៏ទាក់ទាញសម្រាប់ភ្ញៀវទេសចរណាក៏ដោយ។ ក្នុងចំណោមនោះមានឆ្នេរខ្សាច់ស្អាត Bai Dai ស្ថិតក្នុងបញ្ជីឆ្នេរស្អាត ចំនួន ៥ នៅលើពិភពលោក ដែលត្រូវបាន ABC News បោះឆ្នោតគាំទ្រផងដែរ។
 |
| Phu Quoc ត្រូវបានគេស្គាល់ថាជាកោះគុជដែលជាកោះធំបំផុតរបស់វៀតណាម (រូបថត៖ កាសែត To quoc) |
 |
| Bai Dai នៅតែរក្សាភាពស្រស់ស្អាត ជាមួយសមុទ្រខៀវនិងខ្សាច់ពណ៌ស (រូបថត៖ titangroup.vn) |
ប្រមូលនិងសំយោគដោយ Le Chi/VOV5