Binh Lieu ជាស្រុកព្រៃភ្នំព្រំដែនស្ថិតនៅភាគឦសានខេត្ត Quang Ninh ដែលមានចម្ងាយ ១៣០គីឡូម៉ែត្រពីទីក្រុង Ha Long។ តំបន់នេះមានអាកាសធាតុ ត្រជាក់ស្រួលនិងទេសភាពធម្មជាតិដ៏ស្រស់ត្រកាល អញ្ចឹងត្រូវបាន គេប្រសិទ្ធ នាមថា “Sapa នៃខេត្ត Quang Ninh”។

       ខែតុលាក៏ជារដូវកាលស្រូវទុំនៅ Binh Lieu ដែរ។ វាលស្រែកាំជណ្ដើរនៅ ទីនេះមានភាពស្រស់ស្អាតមិនចាញ់វាលស្រែកាំជណ្ដើរនៅ Sapa នោះឡើយ។

       ប្រជាជនជាង៩៦%នៅស្រុក Binh Lieu ជាជនជាតិ Tay Dao និង San Chi។ ហេតុនេះហើយ ទីនេះតែងតែមានកម្លាំងទាក់ទាញចំពោះអ្នកណាដែលចង់ មកស្វែងយល់អំពីជីវភាពរស់នៅប្រចាំថ្ងៃ ក៏ដូចជាលក្ខណៈវប្បធម៌ប្រពៃណីដ៏ វិសេសវិសាលរបស់ប្រជាជននៅទីនេះ។

        មកដល់ភូមិជនជាតិ Dao ភ្ញៀវទេសចរបរទេសទទួលបានបទពិសោធន៍ ប៉ាក់លំនាំ ក្បូរក្បាច់រចនានៅលើសំលៀកបំពាក់។ លំនាំនីមួយៗមានអត្ថន័យ ដោយឡែកមួយ ដែលភ្ជាប់នឹងជីវភាពរស់នៅរបស់ជនជាតិ Dao។

        បេះបន្លែនិងចម្អិនម្ហូបអាហាររួមជាមួយគ្រួសារម្ចាស់ផ្ទះ។ នេះជាគំរូទេសចរ ដែលទើបតែបានបង្កើតឡើងហើយត្រូវបានភ្ញៀវទេសចរបរទេសចូលចិត្តខ្លាំងណាស់។

      ភ្ញៀវអឺរ៉ុបសាកពិសោធន៍ចម្អិនមុខម្ហូប ហ្វើឆានៅផ្សារ Dong Van។ នេះជា មុខម្ហូបប្រពៃណីដែលត្រឹមតែមកដល់ផ្សារ Dong Van ទើបបានឃើញរបៀបចម្អិន ត្រឹមត្រូវបំផុត។

        អ្នកស្រី Rebecca Rajkumar មកពីអាមេរិក កំពុងធ្វើការនៅមជ្ឈមណ្ឌល ភាសាអង់គ្លេស Ha Long កំពុងបង្រៀនអោយកុមារជនជាតិ Tay អានអក្សរ អង់គ្លេស។

        មកដល់ Binh Lieu ភ្ញៀវទេសចរថែមទាំងបានគយគន់ល្បាក់ទឹកធំៗទៀត ផង។ មួយក្នុងនោះគឺល្បាក់ទឹក Khe Van នៅឃុំ Huc Dong។ ល្បាក់ទឹកនេះ មាន៣ជាន់ដោយកំពស់ប្រមាណ ១០០ម៉ែត្រ។

        ស្រុក Binh Lieu ក៏ជាទីកន្លែងបោះជំរុំដ៏ពេញនិយមរបស់មនុស្សជាច្រើន ព្រោះថាទីនេះមានភ្នំដ៏ស្រស់បំព្រងដោយលក្ខណៈភូមិសាស្ត្រងាយស្រួលដូចជា Cao Ly Cao Xiem និង Cao Ba Lanh។

        ដោយមានលក្ខណៈវិសេសវិសាលដែលមានស្រាប់ និងការវិនិយោគចូល វិស័យទេសចរណ៍កាន់តែខ្លាំងក្លាពីមួយថ្ងៃទៅមួយថ្ងៃ Binh Lieu អាចក្លាយទៅជា គោលដៅទេសចរដែលមិនអាចរំលងបានរបស់ភ្ញៀវទេសចរទាំងជាតិនិងអន្តរ ជាតិ៕