VOVWORLD_មកទស្សនាខេត្ត Ha Giang នៅតំបន់ខ្ពង់រាបភូមិភាគខាងជើង
វៀតណាម អ្នកទេសចរនិយមចូលចិត្តដើរផ្សារដើម្បីស្វែងយល់វប្បធម៌របស់ប្រជាជន
គ្រប់ជនជាតិនៅទីនេះ។ ផ្សារនៅតំបន់ខ្ពង់រាបក្រៅពីសកម្មភាពទិញលក់ឥវ៉ាន់នៅជា
កន្លែងជួបជុំសាសង សំណេះសំណាលរវាងមិត្តភ័ក្ត កំឡោះក្រមុំទៀតផង។
នាពេលព្រឹកព្រលឹម តំបន់ស្រុក Meo Vac ដែលស្ថិត នៅតាមចង្កេះភ្នំគឺគ្រប
ដណ្ដប់ទៅដោយអ័ព្ទយ៉ាងសស្គុះ។ ក្នុងលំហភ្នំដ៏មហិមានោះសំលេងលាន់រំពងរបស់
មនុស្សម្នាហៅគ្នាដើរផ្សាររួមជាមួយសំលេងរបស់សត្វចិញ្ចឹមជាច្រើនប្រភាទដែល
បានប្រជាជនយកមកលក់នៅផ្សារធ្វើឲ្យបរិយាកាសកាន់តែអធិកអធម។ នៅត្រង់
ចំណុចផ្លូវបែកជា៤ដែលមានឈ្មោះថាសុភមង្គលនៃទីរួមខេត្ត Meo Vac នោះឃើញ
មានបងប្អូនជនជាតិភាគតិច Nung Dao H’mong Giay នាំគ្នាមកកាន់ផ្សារកាន់តែ
ច្រើនឡើងៗ។ ផ្សារ Meo Vac នេះមានតាំងពីយូរណាស់មកហើយដោយគ្រាន់តែ
បើកនាថ្ងៃអាទិត្យប៉ុណ្ណោះ។ ផ្សារបានក្លាយទៅជាមជ្ឈមណ្ឌលទិញលក់និងដោះដូរ
ទំនិញដ៏អ៊ូអរជាទីបំផុតរបស់ទីរួមស្រុក Meo Vac។
ទំនិញនៅផ្សារនេះគឺសម្បូរបែបណាស់។ បងប្អូនជនជាតិភាគតិចលក់កសិផល
និងទំនិញសិប្បកម្មហើយទិញខោអាវ ស្បែកជើងនិងទូរស័ព្ទដៃ។ ក្រៅពីតម្រូវការ
ទិញលក់ទំនិញនិងឥវ៉ែឥវាន់ចាំបាច់ គេមកកាន់ផ្សារ Meo Vac ដើម្បីដើរកំសាន្តជួប
ជុំមិត្តភ័ក្តនិងភ្លក់ម្ហូបឆ្ងាញ់ៗនៅទីនេះ។ អ្នកស្រី Phan Thi Mui ជនជាតិ Dao ក្រហម
បានឲ្យដឹងថា
“នាងខ្ញុំគ្មានប្រាក់ច្រើនទេបានជាទិញទំនិញបានតែបន្តិចបន្តួច។ ថ្ងៃនេះនាងខ្ញុំ
យកអង្ករមកលក់បានមួយលានដុង។ នាងខ្ញុំមកនេះសំខាន់គឺដើម្បីដើរកំសាន្ត”។
មកទស្សនាផ្សារ Meo Vac នេះភ្ញៀវទេសចរចាប់អារម្មណ៍ខ្លាំងទៅលើទិដ្ឋភាព
បងប្អូននារីលក់ស្រា។ គេឈរជាជួរយ៉ាងវែងក្នុងផ្សារហើយដាក់ស្រាទាំងពាងៗនោះ
ពីមុខ។ ស្រានេះធ្វើពីពោធហើយនៅលើពាងមួយៗមានដាក់ស្លាបព្រាធំមួយ។
អតិថិជនបើចង់ទិញស្រាគឺគេអាចដួសស្រាហូបសាកដោយប្រើស្លាបព្រានោះ។ មាន
ភ្ញៀវខ្លះគ្រាន់តែសាកស្រារបស់នារីជនជាតិ H’mong បន្តិចប៉ុណ្ណោះក៏ស្រវឹងទៅ
ហើយ។ លោក Malcro Cusani ជាភ្ញៀវទេសចរមកពីប្រទេសអ៊ីតាលីបានសំណេះ
សំណាលថា
“ យើងខ្ញុំទិញបានម្ហូបមួយចំនួនដោយសារនៅផ្សារនេះមានម្ហូបជាច្រើនមុខ
ដែលនៅអ៊ីតាលីអត់មាន ហើយខ្ញុំចូលចិត្តភ្លក់សាកម្ហូបទាំងនេះ។ នៅផ្សារក៏មាន
លក់សំលៀកបំពាក់ជនជាតិជាច្រើនដែលខ្ញុំអាចទិញជាកាដូជូនឱពុកម្ដាយខ្ញុំ“។
 |
| តាមរយៈផ្សារស្នេហ៍ Khau Vai នេះមានគូសង្សាជាច្រើនបានក្លាយទៅជាប្ដីប្រពន្ធនឹងគ្នា |
នៅស្រុក Meo Vac មានផ្សារល្បីមួយទៀតគឺផ្សារ Khau Vai ចំណុះឃុំ Khau
Vai។ ប្រជាជនដើរផ្សារនេះក្នុងគោលបំណងសំខាន់គឺដើម្បីជួបជុំជាមួយគូសង្សា។
ក្នុងរយៈពេលជាង១០០ឆ្នាំកន្លងទៅនេះ ប្រជាពលរដ្ឋហៅផ្សារនេះជាផ្សារស្នេហ៍។
រឿងដំណាលថា មុននេះជាង១០០ឆ្នាំមានកំលោះជនជាតិ Nung ស្រលាញ់នារីជន
ជាតិ Tay ម្នាក់។ ស្នេហារបស់គេត្រូវក្រុមគ្រួសាររារាំង ហើយគេក៏លាបែកគ្នាដោយ
ណាត់ជួបគ្នានាថ្ងៃទី២៧ខែ៣តាមចន្ទកតិជារៀងរាល់ឆ្នាំ។ តរៀងមក នៅត្រង់
ចំណុចកំពូលភ្នំដែលគេណាត់ជួបគ្នានោះបានកកើតឡើងនូវផ្សារមួយ។ ជារៀង
រាល់ឆ្នាំ ផ្សារបើកតែម្ដងហើយក្លាយទៅជាកន្លែងជួបសាសងសំរាប់គូស្នេហ៍ដែល
មិនអាចរៀបការជាមួយគ្នាបាន។ តាមលោក Tho Mi Tha នៅស្រុក Can Chu Phin
ស្រុក Meo Vac បានចែករំលែកថាលោករង់ចាំពេញមួយឆ្នាំដើម្បីបានមកផ្សារជួប
នារីដែលលោកស្រលាញ់។
“ ខ្ញុំមិនអាចមិនមកកាន់ផ្សារស្នេហ៍នេះបានឡើយ។ មុននេះបញ្ហាអាពាហ៍
ពិពាហ៍គឺដោយសារឱពុកម្ដាយសំរេច។ ខ្ញុំមានមិត្តនារីម្នាក់អាយុតិចជាងខ្ញុំ៥ឆ្នាំ។
ខ្ញុំរង់ចាំថ្ងៃនេះហើយបានមកកាន់ផ្សារតាំងពីយប់ថ្ងៃទី២៦ដើម្បីបានជួបនាង“។
នៅលើទីលានដ៏ធំមួយ ក្រុមមនុស្សមកផ្សារជួបគូស្នេហ៍របស់ខ្ឡួន។ គេរំលឹក
ឡើងវិញនូវអនុស្សាវរីយដ៏ល្អស្អាតនិងការអាឡោះអាល័យរបស់ខ្លួនអំពីអតីតកាល។
ទោះបីជាម្នាក់ៗបានមានគ្រួសាររៀងៗខ្លួនហើយក៏ដោយតែគេនៅតែមករកគ្នាដើម្បីសំណេះសំណាល រៀបរាប់ពីការនឹកនានិងការសោកស្ដាយដើម្បីឲ្យបានធូរស្រាល
ក្នុងចិត្ត។ គេសាសងគ្នាតាំងពីព្រឹករហូតដល់យប់ហើយទើបត្រឡប់ទៅផ្ទះ។ លោក
Tho Mi Thaឲ្យដឹងទៀតថា
“ ខ្ញុំជិះម៉ូតូចំងាយ១០គីឡូម៉ែត្រមកកាន់ផ្សារស្នេហ៍នេះនៅវេលាម៉ោង៦ព្រឹក។
ពេលជួបគ្នាដោយសារគេមានប្ដីហើយបានជាយើងខ្ញុំគ្រាន់តែសំណេះសំណាលអំពី
ជីវភាពរស់នៅ។ ខ្ញុំបា្រថ្នាបានយកគេជាប្រពន្ធដោយមិនចង់លាបែកគ្នាឡើយ។ តែ
គេមានប្ដីហើយខ្ញុំត្រូវតែគោរពគេ“ ។
ក្រៅពីករណីបុរសឬនារីអភ័ព្វស្នេហ៍នោះ នាបច្ចុបន្បន្នផ្សារស្នេហ៍ Khau Vai
ថែមទាំងជាកន្លែងជួបជុំនិងចងមិត្តរបស់យុវតីយុវនារីទៀតផង។ ហើយតាមរយៈ
ផ្សារស្នេហ៍ Khau Vai នេះមានគូសង្សាជាច្រើនបានក្លាយទៅជាប្ដីប្រពន្ធនឹងគ្នា៕