(VOV)_ធានាគារនិងអង្គការហិរញ្ញវត្ថុជាច្រើននៅសិង្ហបុរីកំពុងជួល​អាគារកេរ្តិ៍
ដំណែល នានាដើម្បីបំរើការបណ្ដុះបណ្ដាលជួរបុគ្គលិកនៅបណ្ដាសាខា​​ និងការិយា ល័យដំណាងរបស់ខ្លួននៅតំបន់​អាស៊ីប៉ាស៊ីហ្វីក។ បណ្ដាកិច្ច​សន្យាជួលអាគារនេះ  មិនគ្រាន់តែនាំមក​ ចំណូលខ្ពស់សំរាប់ រដ្ឋាភិបាលសិង្ហបុរី​ប៉ុណ្ណោះទេ ថែមទាំង នាំមកនូវជីវភាពរស់នៅថ្មី​សំរាប់អាគារ​បុរាណទាំងនេះទៀតផង។

ជីវភាពរស់នៅថ្មីសំរាប់បណ្ដាអាគារកេរ្តិ៍ដំណែលរបស់សិង្ហបុរី(news.zing.vn)

          អាគារបញ្ជាការដ្ឋាន ​ អាគារ ​Flagstaff ដែលធ្លាប់​ជាទីស្នាក់​នៅរបស់ថ្នាក់ដឹកនាំ
មួយ ចំនួនក្នុងសម័យកាលដែល​សិង្ហបុរីចំណុះ​អាណានិគមរបស់អង់គ្លេស នាបណ្ដា
ឆ្នាំ១៩៣០។ ហើយអាគារ​នេះ​ក៏​ធ្លាប់បំរើការជា​ស្ថាប័នរដ្ឋសិង្ហបុរី នា​ចុងឆ្នាំ ១៩៩០
 មុនពេលបាន​ទទួលស្កាល់ជាកេរ្តិ៍ដំណែលជាតិ នាឆ្នាំ ២០០៩មក។ នាបច្ចុប្បន្នអាគារ  Flagstaff បានក្លាយទៅជាមជ្ឈមណ្ឌលបណ្ដុះបណ្ដាលអាជីវកម្មរបស់ UBS សម្ព័ន្ធ​ក្រុមហ៊ុនហិរញ្ញវត្ថុរបស់ស្វីស។ Moria Roberts នាយកទទួល​បន្ទុក​ប្រភពធនធាន
មនុស្ស UBS បានអោយដឹងថា៖ ឱកាសបង្កើន​ការធ្វើ​អាជីវកម្ម​បាន​មក​ដល់ និង
យើងខ្ញុំ​មានគោលបំណង​ពង្រីកបណ្ដា​​ទេព្យ​កោសល្យ​របស់ខ្លួន ក្នុងតំបន់អាស៊ីប៉ា
ស៊ីហ្វីក៖​

          “ យើងខ្ញុំបានចាប់ផ្តើមជួសជុល និងបំពាក់គ្រឿងបរិក្ខាសម្ភារះ​ចាំបាច់​នានា​សំរាប់អាគារនេះ នាឆ្នាំ ២០០៧។ យើងខ្ញុំចាត់ទុកនេះគឺជាសក្ខីភាពមួយ​សំរាប់ការ វិនិយោគអោយជួរបុគ្គលិករបស់ខ្លួនក្នុងតំបន់។”

ជីវភាពរស់នៅថ្មីសំរាប់បណ្ដាអាគារកេរ្តិ៍ដំណែលរបស់សិង្ហបុរី

          ចូលរួមក្នុងដំណើការនេះ មានសម្ព័ន្ធក្រុមហ៊ុនជួរមុខជាច្រើនលើ​ពិភពលោក
 ដូចជា៖​សម្ព័ន្ធក្រុមហ៊ុនធនាគារបារាំង BNP Paribas សម្ព័ន្ធ​ក្រុម​ហ៊ុនធានារ៉ាប់រង
បារាំង AXA …។លៗ សម្ព័ន្ធក្រុមហ៊ុនធានារ៉ាប់រង​បារាំង​ AXA ​​បានជួលអាគារ
 Kinloss ដែលធ្លាប់ជា​អន្តេវាសិក​ដ្ឋាន​សំរាប់​កូនចៅរបស់កងទ័ព​អង់គ្លេស​ ចាប់តាំង​
ពីឆ្នាំ​១៩៥០ដល់ឆ្នាំ ១៩៧០​ នៅវិថី Ladyhill ដើម្បីបង្កើតមជ្ឈមណ្ឌលបណ្ដុះបណ្ដាល
 AXA នៅក្នុងតំបន់អាស៊ីប៉ាស៊ីហ្វីក។ ​ដោយ​មានបន្ទប់រៀន​ចំនួន​១០​ មជ្ឈមណ្ឌល
នេះអាច បំរើសិក្ខាកាមចំនួន​៤០០នាក់ មកពីគ្រប់សាខា និងការិយាល័យដំណាង
របស់ AXA នៅអាស៊ីអាគ្នេយ៍​កូរ៉េខាងត្បូង និងជប៉ុន។ លោកស្រី Caroline Buhagiar
នាយិកា​ការិយា​ល័យ​​បណ្ដុះបណ្ដាល និងអភិវឌ្ឍន៍ប្រភពធនធានមនុស្ស AXA
តំបន់អាស៊ី​បានអោយដឹងថា៖

          “ យើងខ្ញុំមានផែនការអភិវឌ្ឍន៍អាជីវកម្មជាច្រើននៅទ្វីបអាស៊ី។ ដោយហេតុ
នេះ​យើងខ្ញុំបានវិនិយោគមជ្ឈមណ្ឌលបណ្ដុះបណ្ដាលនេះ។ សំណាងគឺ​យើងខ្ញុំ
ទទួល បានការជួយឧបត្ថម្ភពីរដ្ឋាភិបាលសិង្ហបុរី ក្នុងការ​ជួសជុលកែលំអរអាគារ ចំណាស់នេះ ហើយបានដាក់អោយដំណើការបំរើការសិក្សារ​ដូចនាសព្វថ្ងៃ។”

          ជាច្បាស់លាស់ថា៖ គោលនយោបាយអោយជួលអាគារបុរាណរបស់​រដ្ឋាភិ
បាល សិង្ហបុរី កំពុងទទួលបានការជួយជ្រោមជ្រែងពីសម្ព័ន្ធក្រុមហ៊ុន​ហិរញ្ញវត្ថុនា
នា។ និន្នាការនេះបាននាំមកនូវកម្លាំងរស់ថ្មីសំរាប់អាគារចាស់ៗ​ផង និងនាំមក
អោយ រដ្ឋាភិបាលសិង្ហបុរីមានចំណូល១ផង ហើយទាំងប្រែក្លាយ​សិង្ហបុរីជាមជ្ឈ
មណ្ឌល ហិរញ្ញវត្ថុថ្មី១ក្នុងតំបន់អាស៊ីប៉ាស៊ីហ្វីកទៀតផង។ ពី​នោះមកនាំថានះ​ តួនាទីរស់សិង្ហបុរីនៅលើទីផ្សារហិរញ្ញវត្ថុពិភពលោកក៏បានលើកកំពស់ថែមទៀត៕