ថ្នាក់ដឹកនាំខេត្ត ក្រុង ចំនួន ៣ គឺ  Hai Duong, Hai Phong និង Quang Ninh បានចុះហត្ថលេខាលើឯកសារសហប្រតិបត្តិការ (រូបថត៖ VOV)

ក្នុងនាមជាតំបន់ជិតខាងក្នុងតំបន់សេដ្ឋកិច្ចសំខាន់ភាគខាងជើង  នាពេលខាងមុខ ខេត្ត ក្រុងទាំងបីគឺ Hai Duong, Hai Phong និង Quang Ninh នឹងឯកភាពគ្នាលើគោលការណ៍ “ចែករំលែក - ឯកភាព - អភិវឌ្ឍន៍រួមគ្នា” ហើយបន្តការអះអាងឋានៈរបស់ខ្លួន ជាកម្លាំងចលករសម្រាប់កំណើននៃតំបន់។ ទន្ទឹមនឹងនោះ ផ្លូវទេសចរណ៍តាមបណ្ដោយផ្លូវហាយវេ ហាណូយ - Hai Phong និងតាមលំហរវប្បធម៍រួម ត្រូវបានបង្កើតទៅជាខ្សែសង្វាក់ផលិតផលទេសចរណ៍ដែលតភ្ជាប់កិច្ចសហប្រតិបត្តិការ ផ្សព្វផ្សាយ និងផ្សាភ្ជាប់សមាគមធុរកិច្ច ... ហើយ Hai Duong, Quang Ninh និង Bac Giang បានឯកភាពសហការពន្លឿនការបង្ហើយសំណុំឯកសារវិទ្យាសាស្ត្រ ប្រជុំបេតិកភ័ណ្ឌ Yen Tu - Con Son, Kiep Bac; Quang Ninh និង Hai Phong បានសម្របសម្រួលដើម្បីលើកបេតិកភណ្ឌឆ្នេរសមុទ្រ Ha Long - Cat Ba  ដាក់ជូនអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO) ទទួលស្គាល់ជាតំបន់បេតិកភណ្ឌពិភពលោក។ លោក Nguyen Xuan Ky លេខាគណៈកម្មាធិការបក្សខេត្ត Quang Ninh បានអះអាងថា៖  “ក្នុងកិច្ចសហប្រតិបត្តិការក្នុងតំបន់ តំបន់ទាំងបីគឺ  Hai Phong, Hai Duong និង Quang Ninh តែងតែផ្តល់អាទិភាពដល់ការបន្តតភ្ជាប់ប្រព័ន្ធហេដ្ឋារចនាសម្ព័ន្ធដឹកជញ្ជូនជាយុទ្ធសាស្ត្រ ដោយធានាបាននូវការតភ្ជាប់រួម ជំរុញ លើកកម្ពស់ទំនាក់ទំនងក្នុងតំបន់។ ទីពីរគឺត្រូវបន្តផ្តោតការយកចិត្តទុកដាក់ឱ្យបានត្រឹមត្រូវលើការផ្សារភ្ជាប់គ្នាដើម្បីអភិវឌ្ឍវប្បធម៌ន៍ - សង្គមនិងមនុស្ស  សមស្របនឹងតម្លៃវប្បធម៌និងប្រវត្តិសាស្ត្រដែលមានស្រាប់របស់តំបន់ទាំងបី។ ទី៣ គឺមានតំណភ្ជាប់សម្រាប់ភ្ជាប់ចំណេះដឹង មានការចែករំលែក ដើម្បីអភិវឌ្ឍន៍សេដ្ឋកិច្ចឌីជីថលឱ្យកាន់តែខ្លាំងក្លាថែមទៀត"៕