ការងារកសាងនិងសុក្រិតរបៀបរបបគឺជាជំហានអភិវឌ្ឍន៍យុទ្ធសាស្ត្រ

(VOVWORLD) - នាព្រឹកថ្ងៃទី ១៦ ខែកញ្ញា នៅទីក្រុងហាណូយ លោកនាយករដ្ឋមន្រ្តីវៀតណាម Pham Minh Chinh បានអញ្ជើញដឹកនាំកិច្ចប្រជុំរដ្ឋាភិបាលស្ដីពីការងារកសាង និងសុក្រិតរបៀបរបប។ កិច្ចប្រជុំនេះត្រូវបានរៀបចំឡើងតាមប្រព័ន្ធវីដេអូ ជាមួយខេត្ត ក្រុងទាំង ៦៣ នៅទូទាំងប្រទេស។
ការងារកសាងនិងសុក្រិតរបៀបរបបគឺជាជំហានអភិវឌ្ឍន៍យុទ្ធសាស្ត្រ - ảnh 1កិច្ចប្រជុំរដ្ឋាភិបាលស្ដីពីការងារកសាង និងសុក្រិតរបៀបរបប

អញ្ជើញថ្លែងនៅក្នុងកិច្ចប្រជុំនេះ លោកនាយករដ្ឋមន្រ្តី Pham Minh Chinh បានឲ្យដឹងថា ការងារកសាង និងសុក្រិតរបៀបរបប ត្រូវបានបក្ស និងរដ្ឋកំណត់ថា ជាគន្លឹះអភិវឌ្ឍន៍យុទ្ធសាស្ត្រមួយ។ បន្ទាប់ពីសុក្រិតរដ្ឋាភិបាលអាណត្តិ ២០២១-២០២៦ មក រដ្ឋាភិបាល និងលោកនាយករដ្ឋមន្រ្តីបានបញ្ជាឱ្យក្រសួង ស្ថាប័ននានាត្រូវចាប់ផ្ដើមកសាង និងសុក្រិតរបៀបរបប។

ការងារកសាងនិងសុក្រិតរបៀបរបបគឺជាជំហានអភិវឌ្ឍន៍យុទ្ធសាស្ត្រ - ảnh 2លោកនាយករដ្ឋមន្រ្តីវៀតណាម Pham Minh Chinh 

លោកនាយករដ្ឋមន្ត្រីបានអះអាងថា៖ “ខ្ញុំស្នើឱ្យផ្តោតសំខាន់លើការពិភាក្សាអំពីខ្លឹមសារនិងទិសដៅជាក់លាក់នាពេលខាងមុខ ជាពិសេសគឺដោះស្រាយ និងសុក្រិតរបៀបរបបសេដ្ឋកិច្ចទីផ្សារតាមទិសសង្គមនិយម ធ្វើសមាហរណកម្មអន្តរជាតិ។ ទន្ទឹមនឹងនេះត្រូវបែងចែកយ៉ាងច្បាស់លាស់អំពីមុខងារ ភារកិច្ចរបស់ក្រសួង ស្ថាប័ន រដ្ឋាភិបាល និងរដ្ឋសភាផងដែរ”៕

ប្រតិកម្មទៅវិញ

ផ្សេងៗ