ក្រុមជ្រុលនិយម Houthi ប្រកាសថាបាញ់ទម្លាក់យន្តហោះរបស់កងកម្លាំងចំរុះអារ៉ាប់

ទីភ្នាក់ងារសារព័ត៌មានសាបា ដោយកងកម្លាំង Houthi គ្រប់គ្រងបានឲ្យដឹងថា ក្រុមជ្រុលនិយម Houthi នាថ្ងៃទី ៧ មករា បានបាញ់ទម្លាក់យន្តហោះចម្បាំងរបស់កងកម្លាំងចម្រុះដឹកនាំដោយ អារ៉ាប៊ីសាអូឌីតនៅខេត្ត Saada ភាគខាងជើងយេម៉ែន។នេះគឺជាយន្តហោះប្រភេទ Tornado GR 4  ដោយអង់គ្លេសផលិត។

ទន្ទឹមនឹងនោះ ទីភ្នាក់ងារសារព័ត៌មាន  SPA របស់អារ៉ាប់ប៊ីសាអូឌីត បានជូន ដំណឹងថា យន្តហោះនេះត្រូវធ្លាក់ ដោយសារកំហុសផ្នែកបច្ចេកទេស ខណៈកំពុង ប្រតិបត្តិការយុទ្ធសាស្ត្រយោធាមួយ។ អ្នកបើកបរយន្តហោះពីរនាក់នៅរស់នៅឡើយហើយកងជីវពលអារ៉ាប់កំពុងដាក់ពង្រាយយុទ្ធនាការពិសេសដើម្បីស្វែងរកអ្នកបើកបរទាំងនេះ៕