ក្រសួងសុខាភិបាលវៀតណាមរកឃើញករណីឆ្លង Covid-19 ចំនួន ៥ នាក់បន្ថែមទៀត
(VOVWORLD) - ក្នុងនោះ មានអ្នកជំងឺម្នាក់ជាបុគ្គលិកនៃក្រុមហ៊ុនចំកាត់ Truong Sinh ដែលជាអង្គភាពផ្ដល់សេវាកម្មដល់មន្ទីរពេទ្យ Bach Mai; អ្នកជំងឺចំនួន ៣ នាក់ទៀតបានវិលប្រឡប់មកវៀតណាម ពីថៃ អាមេរិក និងរុស្ស៊ី។ ចំណែកអ្នកជំងឺ ម្នាក់ ទៀត គឺជាជនជាតិវៀតណាម។
 ក្រសួងសុខាភិបាលវៀតណាមរកឃើញករណីឆ្លង Covid-19 ចំនួន ៥ នាក់បន្ថែមទៀត (រូបថត៖ TTXVN) |
នាវេលាម៉ោង ៦ ថ្ងៃទី១ ខែមេសា ក្រសួងសុខាភិបាលវៀតណាមបានរកឃើញករណីឆ្លង Covid-19 ចំនួន ៥ នាក់បន្ថែមទៀត ដែលធ្វើឲ្យករណីឆ្លង Covid-19 សរុបឡើងដល់ ២១២ នាក់នៅវៀតណាម។
ក្នុងនោះ មានអ្នកជំងឺម្នាក់ជាបុគ្គលិកនៃក្រុមហ៊ុនចំកាត់ Truong Sinh ដែលជាអង្គភាពផ្ដល់សេវាកម្មដល់មន្ទីរពេទ្យ Bach Mai; អ្នកជំងឺចំនួន ៣ នាក់ទៀតបានវិលប្រឡប់មកវៀតណាម ពីថៃ អាមេរិក និងរុស្ស៊ី។ ចំណែកអ្នកជំងឺ ម្នាក់ ទៀត គឺជាជនជាតិវៀតណាម។
អ្នកជំងឺទាំងនេះ ត្រូវបានដាក់ឲ្យនៅដាច់ដោយឡែក សម្រាកព្យាបាល ហើយមានសុខភាពល្អធម្មតា។
នាបច្ចុប្បន្ននេះ វៀតណាមមានអ្នកជំងឺឆ្លង Covid-19 ចំនួន ៦០ នាក់ត្រូវបានព្យាបាលជាសះស្បើយ៕