ចំនួនភ្ញៀវទេសចរមកទស្សនានៅ Vung Tau ក្នុងរដូវកាលសម្រាកបុណ្យឯករាជ្យជាតិមានការកើនឡើងគួរឲ្យកត់សម្គាល់ (រូបថតៈ TTXVN)

ក្រៅពីបានសម្រាកលំហែកាយមក ភ្ញៀវទេសចរថែមទាំងបានស្វែងយល់ពីទស្សនីយភាព ជីវភាពរស់នៅប្រចាំថ្ងៃរបស់ប្រជាជនតាមឆ្នេសមុទ្រ រួមទាំងទស្សនានូវបេតិក ភណ្ឌវប្បធម៌ប្រវត្តិសាស្ត្រទៀតផង។

 អ្នកស្រី Pham Thi Bach Hue ភ្ញៀវទេសចរមួយរូបមកពីទីក្រុងហូជីមិញបានចែក រំលេកថា៖“ខ្ញុំទើបមកលេងពីនេះបាន៣ថ្ងៃនិងបានសាកពិសារម្ហូបអាហារនៅទីនេះ។ បន្ទាប់ពីឆ្លងកាត់ខេត្ត Phan Thiet ខ្ញុំក៏បានភ្លក់ម្ហូបពិសេសផងដែរ។ រួមជាមួយគ្នានោះ ខ្ញុំក៏បានទៅទស្សនានូវរមណីដ្ឋានមួយចំនួនដែលខ្ញុំពុំមានឱកាសមកទស្សនាដែរ”។

យោងតាមការធ្វើស្ថិតិដំបូងរបស់មន្ទីវប្បធម៌ កីឡានិងទេសចរណ៍ Binh Thuan ក្នុងឱកាសរដូវកាលសម្រាកបុណ្យឯករាជ្យជាតិទី២កញ្ញានេះ ខេត្ត Binh Thuan ទទួលបានភ្ញៀវទេសចរជាង៣៦ម៉ឺននាក់។

មកទស្សនាទីក្រុង Vung Tau ក្នុងឱកាសពិធីបុណ្យឆ្នាំនេះ ភ្ញៀវទេសចរនឹងបានសម្របខ្លួនទៅក្នុងបរិយាកាសសប្បាយរីករាយនៃមហោសមុទ្រ២០១៨។ នេះជាព្រឹត្តិ ការណ៍សំខាន់ សំដៅអបអរសាទរខួបលើកទី៧៣នៃទិវាបុណ្យឯករាជ្យជាតិ ទី២កញ្ញា នឹងជាឱកាសដើម្បីខេត្តឧទ្ទេសនាមនូវសមិទ្ធិសេដ្ឋកិច្ច វប្បធម៌ សង្គមលេចធ្លោរបស់ខ្លួន តាមនោះផ្សព្វផ្សាយអំពីសក្កានុភាព ប្រៀបខ្លាំងអំពីទេសចរណ៍ ក៏ដូចជាផ្នែកសេដ្ឋកិច្ចសមុទ្រផងដែរ៕