នាយករដ្ឋមន្ត្រីសិង្ហបុរីលោក លីស៊ានឡុងនិងលោកជំទាវបានបញ្ចប់យ៉ាងល្អប្រសើរនៃដំណើរទស្សនកិច្ចជាផ្លូវការនៅវៀតណាម (រូបថត៖​ TTXVN)

(VOV)_នារលៀលថ្ងៃទី ២៤ មិនា នាយករដ្ឋមន្ត្រីសិង្ហបុរីលោក លីស៊ានឡុង​និង​
លោកជំទាវ​បានចាកចេញពីទីក្រុងហាណូយ បញ្ចប់យ៉ាងល្អប្រលើ​នៃដំណើរ​ទស្សន
កិច្ចជាផ្លូវការនៅវៀតណាមចាប់តាំងពីថ្ងៃទី ២១ ដល់ ២៤ មិនា ២០១៧ តាមសេចក្ដី
អញ្ជើញរបស់នាយករដ្ឋមន្ត្រីរដ្ឋាភិបាលលោក Nguyen Xuan Phuc​។

        មុននេះ នាព្រឹកថ្ងៃទី ២៤ មិនា ប្រធានគណៈកម្មាធិការ​ទីក្រុង​ហា​ណូយ​លោក
Nguyen Duc Chung បានជួបសន្ទនាជាមួយនាយករដ្ឋមន្ត្រីសិង្ហបុរីលោក លីស៊ានឡុង
ផងដែរ ។ នៅជំនួបនេះ ប្រធានគណៈកម្មាធិការទីក្រុង​ហាណូយលោក Nguyen Duc
Chung បានឲ្យដឹងថា នាពេលខាងមុខ ហាណូយមាន​បំណង​សហប្រតិបត្តិការជា
មួយសិង្ហបុរីលើវិស័យដូចជា ផែនការមេ និងគ្រប់គ្រងទីក្រុង អភិវឌ្ឍន៍ដើមឈើ
កសាងទីក្រុងឆ្លាត បណ្ដុះបណ្ដាលធនធានមនុស្សជាដើម ។ ជាពេសេស ទីក្រុង
មានបំណង​សហប្រតិបត្តិការជាមួយ​សាលារដ្ឋបាល​សាធារណៈ លីក្វាន់យូ ដើម្បី
បញ្ជូនមន្ត្រីរបស់ទីក្រុង​ហាណូយ​ទៅ​ចូល​រួម​វគ្គបណ្ដុះ​បណ្ដាលអំពីការគ្រប់គ្រង
រដ្ឋបាល ។

        រីឯខ្លួនវិញ​ នាយករដ្ឋមន្ត្រីសិង្ហបុរីលោក លីស៊ានឡុងស្នើឲ្យ​អជ្ញាធរទី​ក្រុង​
ហាណូយបន្តបង្កលក្ខណៈងាយស្រួលថែមទៀតចំពោះអ្នកវិនិយោគសិង្ហបុរីមក
បណ្ដាក់ទុននៅវៀតណាម​។

        នាថ្ងៃ២៤ មិនា ដដែលនេះ នៅហាណូយ នាយករដ្ឋមន្ត្រីសិង្ហបុរីលោក លីស៊ានឡុងបានជួបសន្ទនាជាមួយលេខាគណៈកម្មាធិការបក្សខេត្ត Da Nang លោក Nguyen Xuan
 Anh  ៕