បេក្ខជនប្រធានាធិបតីអាមេរិកទាំងពីរពន្លឿនការរៀបចំព្រឹត្តិការណ៍ឃោសនារកសម្លេងគាំទ្រក្នុងការបោះឆ្នោត
(VOVWORLD) - នាថ្ងៃទី ១៧ ខែកញ្ញា បេក្ខជនប្រធានាធិបតីនៃគណបក្សប្រជាធិបតេយ្យ លោក Joe Biden បានធ្វើយុទ្ធនាការឃោសនាបោះឆ្នោតផ្ទាល់ជាលើកដំបូងនៅសាលប្រជុំមួយក្នុងទីក្រុង Scranton រដ្ឋ Pennsylvania ដែលជាស្រុកកំណើតរបស់លោក។
ប្រធានាធិបតីអាមេរិកលោក Donald Trump X(ឆ្វេង) និងអតីតអនុប្រធានាធិបតីអាមេរិកលោក Joe Biden (រូបថត៖ AFP / TTXVN) |
នៅក្នុងសុន្ទរកថារបស់លោកនៅឯព្រឹត្តិការណ៍ក្រៅផ្ទះ លោក Biden បានអះអាងថា នឹងតំណាងឱ្យវណ្ណៈពលករនៅអាមេរិកដ៏ល្អប្រសើរជាងគូប្រជែងមកពីគណបក្សសាធារណរដ្ឋរបស់លោក គឺជាប្រធានាធិបតីអាមេ រិក លោក ដូណាល់ត្រាំ (Donald Trump) ដែលជាឥស្សរជនម្នាក់បាន «រីកធំធាត់» ពីវណ្ណៈអភិជននិងមានទំនោរចង់ផ្តល់អាទិភាពដល់មជ្ឈដ្ឋានឧកញ៉ានៅផ្លូវ Wall Street ប្រសើរជាងការជួយក្រុមគ្រួសារពលករផងដែរ។ លោក Biden បានអះអាងថា ពលករអាមេរិ ដូចជាក្រុមគ្រួសាររបស់លោក នឹងមានអនាគតដ៏ល្អប្រសើរដូចអ្នកដទៃទៀត។ នេះត្រូវបានគេចាត់ទុកថាជាយុទ្ធសាស្រ្ត ដើម្បីដណ្តើមឲ្យបាននូវសម្លេងឆ្នោតគាំទ្រពីអ្នកបោះឆ្នោតអាមេរិកមកពី វណ្ណៈពលករ ដែលលោកត្រូវការយកចិត្តទុកដាក់បន្ថែមទៀត ប្រសិនបើលោកមានបំណងចង់ឈ្នះលើរដ្ឋជាយុទ្ធសាស្ត្រ ដែលធ្លាប់គាំទ្រលោកប្រធានាធិបតីអាមេរិក Donald Trump ក្នុងការបោះឆ្នោតប្រធានាធិបតីអាមេរិកកាលពីឆ្នាំ ២០១៦ ផងដែរ។
ទន្ទឹមនឹងនេះដែរ កាលពី ២ ថ្ងៃមុន លោកប្រធានាធិបតី Trump ក៏បានធ្វើយុទ្ធនាការឃោសនាបោះឆ្នោតនៅរដ្ឋ Pennsylvania និងបានសំណេះសំណាលជាមួយអ្នកគាំទ្រនៅ Wiscosin ។ លោក Trump បានផ្តោតលើការប្តេជ្ញាចិត្តរបស់លោកក្នុងការជំរុញកំណើនសេដ្ឋកិច្ច ព្រមទាំងអះអាងថាគោលដៅនេះនឹងមិនមែនទទួលបានការផ្តល់អាទិភាពទេ ប្រសិនបើបេក្ខជនមកពីគណបក្សប្រជាធិបតេយ្យ ឡើងកាន់អំណាច ដោយការសន្យាថានឹងវិនិយោគលើមូលនិធិសោធនទៅវិញតែម្តង៕