លើកដម្កើងគ្រូចំនួន ១៨៣ នាក់ ទទួលបានកិត្តនាមជា “គ្រូបង្រៀនឆ្នើមប្រចាំឆ្នាំ ២០១៩”

(VOVWORLD) - កម្មវិធីលើកដម្កើងដល់ “គ្រូបង្រៀនឆ្នើមប្រចាំឆ្នាំ” ក្នុងឆ្នាំ ២០១៩  ត្រូវបានប្រារព្ធធ្វើឡើងនាព្រឹកថ្ងៃទី ១៧ វិច្ឆិកា នៅមណ្ឌលអក្សរសាស្ត្រ Van Mieu - Quoc Tu Giam ដើម្បីអបអរសាទរ ខួបលើកទី ៣៧ នៃទិវាគ្រូបង្រៀនវៀត ណាម (២០ វិច្ឆិកា ១៩៨២- ២០ វិច្ឆិកា ២០១៩)។ 
លើកដម្កើងគ្រូចំនួន ១៨៣ នាក់ ទទួលបានកិត្តនាមជា “គ្រូបង្រៀនឆ្នើមប្រចាំឆ្នាំ ២០១៩” - ảnh 1ទិដ្ឋភាពនៃពិធីប្រគល់ប័ណ្ណសរសើររបស់ក្រសួងអប់រំនិងបណ្តុះបណ្តាលជូនចំពោះលោកគ្រូ អ្នកគ្រូឆ្នើមឆ្នាំ ២០១៩ 

គ្រូបង្រៀនលេចធ្លោជាងគេចំនួន ១៨៣ នាក់តំណាងឱ្យគ្រូបង្រៀនជិត ១,៤ លាននាក់ ចាប់ពីថ្នាក់មត្តេយ្យដល់កម្រិតសាកលវិទ្យាល័យក្នុងវិស័យអប់រំ ទទួលបានការលើកដម្កើងក្នុងពិធីនេះ។

អញ្ជើញថ្លែងនៅក្នុងពិធី អនុរដ្ឋមន្រ្តីក្រសួងអប់រំនិងបណ្តុះបណ្តាល លោក Nguyen Huu Do បានសង្កត់ធ្ងន់ថា៖  “បុព្វហេតុអប់រំ តម្រូវអោយលោកគ្រូ អ្នកគ្រូ បុគ្គលិកគ្រប់គ្រង់ ម្នាក់ៗ ទោះបីជាស្ថិតក្នុងមុខតំណែងណាក៏ដោយ ក៏តែងតែលើកស្ទួយនូវគំរូសីលធម៌ ការសិក្សាដោយខ្លួនឯងផងដែរ។ ខ្ញុំមានបំណងនិងជឿជាក់ថា លោកគ្រូ អ្នកគ្រូ នឹងបន្តព្យាយាមជំនះរាល់ការលំបាក ដើម្បីខិតខំក្លាយជាគ្រូល្អ វីរៈជនអនា មិក ដូចទៅនឹងប្រសាសន៍របស់លោកប្រធានហូជីមិញជាទីស្រឡាញ់ដែលបានពោល ថា៖ គ្រូបង្រៀនល្អ គ្រូដែលសមនឹងធ្វើជាគ្រូបង្រៀន ទោះបីជា ឈ្មោះរបស់គេមិនត្រូវបានចុះផ្សាយនៅលើកាសែត ហើយក៏មិនទទួលបានមេដាយក៏ដោយ ប៉ុន្តែគ្រូល្អគឺជាវីរៈជនអនាមិក  ដើម្បីយើងតែងតែបំពេញភារកិច្ចដ៏ថ្លៃថ្នូរ ក្នុងការបណ្តុះបណ្តាលយុវជនជំនាន់ក្រោយ សម្រាប់បម្រើបុព្វហេតុឧស្សាហូបនីយកម្មនិងទំនើបកម្មនៃប្រទេសជាតិ”។

គ្រូបង្រៀនចំនួន ១៨៣ នាក់ ត្រូវបានផ្តល់កិត្តិយសនៅឆ្នាំនេះ មានគ្រូចំនួន ១២៨ នាក់ មកពីសាលាមត្តេយ្យ បឋមសិក្សា អនុវិទ្យាល័យនិងវិទ្យាល័យ ហើយគ្រូចំនួន ៥៥ នាក់ដែលមកពីសាកលវិទ្យាល័យនិងមហាវិទ្យាល័យលើទូទាំងប្រទេស។ លោកគ្រូ អ្នកគ្រូដែលទទួលបានការលើកដម្កើងទាំងនេះ ជាបុគ្គលឆ្នើមជាមួយនឹងស្នាដៃជាច្រើនក្នុងការបង្រៀន និងមានបទពិសោធន៍ជាច្រើន ក៏ដូចជាតែងតែជំនះរាល់ការលំបាកដើម្បីបំពេញការងារបានយ៉ាងល្អប្រសើរបំផុត៕

ប្រតិកម្មទៅវិញ

ផ្សេងៗ