រដ្ឋមន្ត្រីការបរទេស G7 នឹងជួបប្រជុំគ្នានៅប្រទេសជប៉ុន
(VOVWORLD) - កាលពីថ្ងៃទី ១៦ ខែមេសា រដ្ឋមន្ត្រីការបរទេសនៃក្រុមប្រទេសឧស្សាហកម្មឈានមុខគេរបស់ពិភពលោក (G7) បានចាប់ផ្តើមកិច្ចប្រជុំរយៈពេលបីថ្ងៃនៅក្នុងខេត្ត Nagano ប្រទេសជប៉ុន។ មន្ត្រីការទូតនៃបណ្តាប្រទេសបានឯកភាពថា សាមគ្គីភាពដើរតួនាទីយ៉ាងសំខាន់ក្នុងការដោះស្រាយបញ្ហាភូមិសាស្ត្រនយោបាយនៅក្នុងតំបន់ឥណ្ឌូ-ប៉ាស៊ីហ្វិក។
 រដ្ឋមន្ត្រីការបរទេស G7 ជួបប្រជុំគ្នានៅទីក្រុង Karuizawa ប្រទេសជប៉ុន ថ្ងៃទី ១៦ ខែមេសា ឆ្នាំ ២០២៣។ (រូបថត៖ AFP/TTXVN) |
ថ្ងៃនេះ(១៧ មេសា)និងថ្ងៃស្អែក មន្ត្រីការទូតកំពូលនៃក្រុម G7 នឹងពិភាក្សាគ្នាអំពីបញ្ហាដូចជា៖ វិបត្តិនៅអ៊ុយក្រែន ការរំសាយអាវុធនុយក្លេអ៊ែរ របបតាលីបង់ដែលកំពុងកាន់អំណាចនៅអាហ្វហ្គានីស្ថាន បញ្ហាសន្តិសុខស្បៀងអាហារ។ កិច្ចប្រជុំក៏នឹងពិភាក្សាអំពីការពង្រឹងកិច្ចសហប្រតិបត្តិការជាមួយបណ្តាប្រទេសកំពុងអភិវឌ្ឍន៍នៅអឌ្ឍគោលខាងត្បូង ដែលមានប្រទេសមួយចំនួននៅតែរក្សាអព្យាក្រឹតភាពចំពោះជម្លោះនៅអ៊ុយក្រែន។
កិច្ចប្រជុំរដ្ឋមន្ត្រីការបរទេស G7 មានការចូលរួមពីប្រមុខការទូត អាមេរិក ជប៉ុន អាល្លឺម៉ង់ អង់គ្លេស បារាំង កាណាដា អ៊ីតាលី និងមន្ត្រីសហភាពអឺរ៉ុប (EU) មួយរូប សំដៅត្រៀមរៀបចំរបៀបវារៈសម្រាប់កិច្ចប្រជុំកំពូល G7 ដែលគ្រោងនឹងប្រព្រឹត្តទៅនៅទីក្រុង Hiroshima ចាប់ពីថ្ងៃទី ១៩-២១ ឧសភា។ កិច្ចប្រជុំកំពូល G7 លើកទី ៤៩ គឺជាព្រឹត្តិការណ៍ការទូតដ៏សំខាន់បំផុតរបស់ប្រទេសជប៉ុននៅឆ្នាំ២០២៣នេះ។