នាវាចម្បាំងរុស្ស៊ីវាយប្រហារទៅលើមូលដ្ឋានរបស់ពួកភេរវករនៅស៊ីរី (រូបថត៖Atimes)

(VOVworld) - នាថ្ងៃទី១៩ មិថុនា អ្នកនាំពាក្យក្រសួងការពារជាតិរុស្ស៊ី ឧត្តមសេនីយ៍
ត្រី Igor Konashenkov បានឲ្យដឹងថា ក្រសួងការពារជាតិរុស្ស៊ីនិង អាមេរិកទើបនឹង
បានរៀបចំសន្និសីទតាមបណ្ដាញអ៊ីនធឺណែតអំពីបញ្ហាបង្ការការប៉ះទង្គិចគ្នានិង
ធានាសន្តិសុខសំរាប់ជើងហោះហើរក្នុងក្របខ័ណ្ឌយុទ្ធនាការវាយប្រហារតាមជើង
អាកាសប្រឆាំងភេរវកម្មនៅស៊ីរី។សន្និសីទត្រូវបានរៀបចំឡើងក្រោយពីភាគីអាមេរិក
ផ្សព្វផ្សាយព័ត៌មានថា កងទ័ពជើងអាកាសរុស្ស៊ីនាថ្ងៃទី១៦ មិថុនា បានអនុវត្តនការ
វាយប្រហារដោយមានចេតនាតម្រង់ទៅលើកងកម្លាំង ដែលអាមេរិកហៅថាភាគី
ប្រឆាំងនៅស៊ីរី ដោយមិនអើពើដល់សំណើររបស់ អាមេរិកឡើយ។ប៉ុន្តែ ក្រសួងការ
ពារជាតិរុស្ស៊ីបានឲ្យដឹងថា គោលដៅដែលកង ទ័ពជើងអាកាសប្រទេសនេះវាយ
ប្រហារ ស្ថិតនៅចម្ងាយ៣០០គីឡូម៉ែត្រពីតំបន់ ដែលអាមេរិកប្រកាសថា គឺរបស់
ភាគីប្រឆាំងស៊ីរី។ឧត្តមសេនីយ៍ត្រី Igor Konashenkov បានសង្កត់ធ្ងន់ថា កងទ័ពជើង
អាកាសរុស្ស៊ីបានធ្វើសកម្មភាពក្នុង ក្របខ័ណ្ឌដែលបានឯកភាពដោយទាំង
អាមេរិកនិងរុស្ស៊ី ព្រមទាំងជូនដំណឹងពី មុនសំរាប់សមាជិកទាំងឡាយក្នុងសម្ព័ន្ធ
ភាពយោធាដឹកនាំដោយអាមេរិកអំពី គោលដៅវាយប្រហារហើយ៕