នៅក្នុងសារលិខិតនេះ លោកប្រធានរដ្ឋបានស្វាគមន៍និងថ្លែងអំណរគុណចំពោះសហរដ្ឋអាមេរិកដែលបានចូលរួមវិភាគទានដ៏ធំធេង តាមរយៈកិច្ចសន្យាផ្តល់ថវិកាចំនួន ៤ ពាន់លានដុល្លារសម្រាប់គំនិតផ្តួចផ្តើមទទួលបាននឹងវ៉ាក់សាំងសកលកូវីដ ១៩ (COVAX) និងបានជូនដំណឹងដល់លោកប្រធានាធិបតី Joe Biden ថា ប្រទេស វៀតណាមត្រូវទទួលបានវ៉ាក់សាំងចំនួនពីរលើក ដែលមានប្រហែល ២,៥ លានដូស ពីគំនិតផ្តួចផ្តើមនេះ។

លោកប្រធានរដ្ឋ Nguyen Xuan Phuc ក៏បានស្វាគមន៍ចំពោះការប្តេជ្ញាចិត្តរបស់អាមេរិកក្នុងការផ្តល់វ៉ាក់សាំងការពារកូវីដ ១៩ ចំនួន ៨០ លានដូសបន្ថែមទៀត សម្រាប់កិច្ចខិតខំប្រឹងប្រែងរួមរបស់សហគមន៍អន្តរជាតិ ក្នុងបរិបទដែលជំងឺរាតត្បាតកូវីដ ១៩ នៅវៀតណាមក៏ដូចជានៅក្នុងបណ្តាប្រទេសអាស៊ីអាគ្នេយ៍កំពុងមានការវិវឌ្ឍន៍យ៉ាងស្មុគ្រស្មាញ។ លោកប្រធានរដ្ឋសង្ឃឹមថា សហរដ្ឋអាមេរិកនឹងបន្តគាំទ្រដល់វៀតណាមនិងប្រទេសដទៃទៀតក្នុងការផ្គត់ផ្គង់ប្រភពវ៉ាក់សាំង ព្រមទាំងបានស្នើឱ្យភាគីទាំងពីរ ពង្រឹងកិច្ចសហប្រតិបត្តិការក្នុងការស្រាវជ្រាវ ផលិត និងផ្ទេរបច្ចេកវិទ្យាផលិតវ៉ាក់សាំងការពារកូវីដ ១៩ ទៀតផង។

លោកប្រធានរដ្ឋបានបញ្ជាក់ថា វៀតណាមតែងតែយកចិត្តទុកដាក់ខ្ពស់ចំពោះភាព ជាដៃគូគ្រប់ជ្រុងជ្រោយជាមួយសហរដ្ឋអាមេរិកនិងជឿជាក់ថា ឈរលើស្មារតីនៃកិច្ច សហប្រតិបត្តិការមិត្តភាព ភាគីទាំងពីរនឹងបន្តជំរុញទំនាក់ទំនងទ្វេភាគីឲ្យកាន់តែស៊ីជម្រៅនិងកាន់តែមានគុណភាព នាំមកនូវផលប្រយោជន៍ដល់ប្រជាជននៃប្រ ទេសទាំងពីរនិងចូលរួមចំណែកក្នុងការថែរក្សាសន្តិភាព ស្ថិរភាព កិច្ចសហប្រតិបត្តិការនិងការអភិវឌ្ឍនៅក្នុងតំបន់និងនៅលើពិភពលោក៕