អនុរដ្ឋមន្រ្តីក្រសួងវិទ្យាសាស្រ្តនិងបច្ចេកវិទ្យាលោក Bui The Duy ថ្លែងមតិក្នុងកិច្ចប្រជុំ

កិច្ចប្រជុំនេះមានគោលបំណង ជម្រុញកិច្ចសហប្រតិបត្តិការលើវិស័យវិទ្យាសាស្ត្រនិងបច្ចេកវិទ្យានិងការច្នៃប្រឌិតថ្មី រវាងប្រទេសទាំងពីរ ជាពិសេសគឺបង្កើនកិច្ចសហប្រតិបត្តិការរវាងបណ្តាវិទ្យាស្ថានស្រាវជ្រាវនិងសាកលវិទ្យាល័យនានារបស់វៀតណាមក៏ដូចជារបស់សហរដ្ឋអាមេរិក។ ខ្លឹមសារដែលបានលើកយកមកពិភាក្សានៅសម័យប្រជុំនេះបានបង្ហាញនូវទស្សនៈផ្សេងៗគ្នា ដើម្បីផ្តល់នូវដំណោះស្រាយជួយអនុវត្តនូវខ្លឹមសារសហប្រតិបត្តិការរបស់ក្រុមការងារនានាចំណុះគណៈកម្មាធិការចម្រុះ។

ថ្លែងនៅក្នុងពិធីនេះអនុរដ្ឋមន្រ្តីក្រសួងវិទ្យាសាស្រ្តនិងបច្ចេកវិទ្យាលោក Bui The Duy បានថ្លែងថា៖ “កិច្ចសហប្រតិបត្តិការអំពីវិទ្យាសាស្ត្រនិងបច្ចេកវិទ្យានិងការផ្លាស់ប្តូរច្នៃប្រឌិតរវាងប្រទេសទាំងពីរក្នុងប៉ុន្មានឆ្នាំកន្លងមកនេះ គឺជាការស្រាវជ្រាវរួមគ្នានៅក្នុងវិស័យមួយចំនួនរវាងអ្នកវិទ្យាសាស្ត្រនៃប្រទេសទាំងពីរ។ ក្នុងសម័យប្រជុំនេះយើងខ្ញុំមានបំណងជម្រុញកិច្ចសហប្រតិបត្តិការនេះឡើងកម្ពស់ថ្មី ជាពិសេសផ្តោតលើការស្រាវជ្រាវរួមគ្នាដើម្បីនាំមកនូវផលិតផលរបស់អាជីវកម្ម ក៏ដូចជាការជម្រុញការអភិវឌ្ឍភាពជាសហគ្រិន ការច្នៃប្រឌិត ការទាក់ទាញ ការយកចិត្តទុកដាក់ពីមូលនិធិវិនិយោគរបស់អាមេរិក  អ្នកឯកទេសនាំមុខរបស់ទេសអាមេរិកដើម្បីសម្របសម្រួលជាមួយអ្នកជំនាញវៀតណាមសំដៅបង្កើតការចាប់ផ្តើមអាជីព ការច្នៃប្រឌិតជាច្រើនថែមទៀតនៅវៀតណាម”។

បញ្ចប់នៃសម័យប្រជុំនេះ ភាគីទាំងពីរបានកត់សម្គាល់ចំពោះរាល់មតិនៅក្នុងកិច្ចពិភាក្សានិងបានអះអាងថា បន្តគាំទ្រនិងលើកកម្ពស់សកម្មភាពកិច្ចសហប្រតិបត្តិការវិទ្យាសាស្ត្រនិងបច្ចេកវិទ្យានៅក្នុងតំបន់ដែលបានឯកភាពជាស្រេច។ ភាគីទាំងពីរបានឯកភាពគ្នាលើសកម្មភាពសហប្រតិបត្តិការទាំងនេះតាមរយៈការបង្កើតផែន ការសកម្មភាពសម្រាប់ដំណាក់កាល២០១៩-២០២០៕