សេដ្ឋកិច្ចកំពុងស្ដារឡើងវិញគឺជាមូលដ្ឋានគ្រឹះសម្រាប់ជំរុញកំណើនក្នុងឆ្នាំ២០២១
(VOVWORLD) - នាពេលខាងមុខ គោលជំហរក្នុងការដឹកនាំរបស់រដ្ឋាភិបាលនោះគឺ ប្រកាន់ខ្ជាប់នូវភារកិច្ច ដំណោះស្រាយដែលបានដាក់ចេញ ប្ដេជ្ញាចិត្តមិន រាថយនៅចំពោះមុខជម្ងឺរាតត្បាត ការលំបាក បញ្ហាប្រឈម ហើយត្រូវ ប្រែក្លាយ “ហានិភ័យ” ទៅជា “ឱកាស”។
លោករដ្ឋមន្រ្តី Mai Tien Dung ប្រធានខុទ្ទកាល័យរដ្ឋាភិបាល វៀតណាម។ (រូបថត៖ VGP) |
នារសៀលថ្ងៃទី២ ធ្នូ នៅទីក្រុងហាណូយ ថ្លែងនៅសន្និសីទសារព័ត៌ មានជាប្រចាំរបស់រដ្ឋាភិបាល លោករដ្ឋមន្រ្តី Mai Tien Dung ប្រធានខុទ្ទ កាល័យរដ្ឋាភិបាល វៀតណាម បានឲ្យដឹងថា សេដ្ឋកិច្ចវៀតណាមកំពុងស្ដារ ឡើងវិញនាពេលកន្លងមក ហើយនោះនឹងជាមូលដ្ឋានគ្រឹះដ៏ល្អសម្រាប់ ជំរុញកំណើនក្នុងឆ្នាំ២០២១។
លោករដ្ឋមន្រ្តី Mai Tien Dung បានបន្ថែមទៀតថា ស្ថានភាពសេដ្ឋកិច្ច-សង្គមក្នុងខែវិច្ឆិកាឆ្នាំ២០២០ បន្តប្រសើរឡើងបើប្រៀបធៀបនឹងខែមុនៗ។ ផលិតកម្មឧស្សាហកម្មបន្តមានសញ្ញាវិជ្ជមាន ដែលក្នុងនោះវិស័យកែច្នៃ ផលិតកម្ម ក្នុងខែវិច្ឆិកា កើន១១,៩% ហើយទំហំនៃការលក់រាយទំនិញនិងសេវា កម្មប្រើប្រាស់ក្នុងខែវិច្ឆិកា កើន៨,៥% បើប្រៀបធៀបនឹងរយៈពេលដូចគ្នានៃ ឆ្នាំទៅមិញ។ ម៉ាក្រូសេដ្ឋកិច្ចមានស្ថិរភាព អតិផរណាត្រូវបានគ្រប់គ្រងនៅកម្រិតទាប។
នាពេលខាងមុខ គោលជំហរក្នុងការដឹកនាំរបស់រដ្ឋាភិបាលនោះគឺ ប្រកាន់ខ្ជាប់នូវភារកិច្ច ដំណោះស្រាយដែលបានដាក់ចេញ ប្ដេជ្ញាចិត្តមិន រាថយនៅចំពោះមុខជម្ងឺរាតត្បាត ការលំបាក បញ្ហាប្រឈម ហើយត្រូវ ប្រែក្លាយ “ហានិភ័យ” ទៅជា “ឱកាស”។ រដ្ឋាភិបាលបានស្នើឲ្យក្រសួង ស្ថាប័នគ្រប់ជាន់ថ្នាក់ កុំឲ្យធ្វេសប្រហែសក្នុងការប្រយុទ្ធប្រឆាំងនឹងជម្ងឺ Covid-19 ព្រមទាំងស្រាវជ្រាវ វិភាគយ៉ាងយកចិត្តទុកដាក់លើនិន្នាការ និងផលប៉ះពាល់ដើម្បីកសាងដំណោះស្រាយឆ្លើយតបឲ្យមានប្រសិទ្ធភាពទាំងក្នុងរយៈពេលខ្លីនិងមធ្យម សមស្របនឹងការវិវត្តន៍និងស្ថានភាពនៃជម្ងឺ រាតត្បាតនៅក្នុងតំបន់និងលើពិភពលោកផងដែរ៕