រូបថតអេក្រង់ (VOV)

នាថ្ងៃទី ២៥ ឧសភា គេហទំព័រព័ត៌មានអាស៊ីធំជាងគេ (Bigasia) បានចុះផ្សាយអត្ថបទមួយដែលថា “វៀតណាមបាន ឈានចូលដំណាក់កាលអភិវឌ្ឍន៍ដើម្បីឆ្លើយតបតាមបំណងប្រាថ្នារបស់ប្រជាជនទាំងអស់” របស់សាស្ត្រាចារ្យ Dmitry Mosyakov នាយកមជ្ឈមណ្ឌលស្រាវជ្រាវអាស៊ីអាគ្នេយ៍ - ទ្វីបអូស្ត្រាលី - អូសេអានី នៃវិទ្យាស្ថានសិក្សាទិសបូព៌ា បណ្ឌិត្យសភាវិទ្យាសាស្ត្រនៃសហព័ន្ធរុស្ស៊ី។ អត្ថបទបានបង្ហាញពីជោគជ័យនៃការបោះឆ្នោតជ្រើសតាំងសមាជិកសភានិងសមាជិកក្រុមប្រឹក្សាប្រជាជនគ្រប់ជាន់ថ្នាក់ តួនាទីរបស់រដ្ឋសភាវៀត ណាមក៏ដូចជាកិច្ចសហប្រតិបត្តិការអន្តរសភារវាងរដ្ឋសភាវៀតណាមនិងរុស្ស៊ី។

អត្ថបទជឿជាក់ថា សមាជិកសភាជាប់ឆ្នោតថ្មីក្នុងរដ្ឋសភាសម្រាប់អាណត្តិខាងមុខនឹងបន្តរក្សានិងពង្រឹងទំនាក់ទំនង រវាងរដ្ឋសភាវៀតណាមនិងឌូម៉ាជាតិរុស្ស៊ី (សភារុស្ស៊ី) ជាពិសេសក្នុងបរិបទ នាពេលថ្មីៗនេះ កិច្ចសហប្រតិបត្តិការរវាងស្ថាប័ននីតិប្បញ្ញត្តិកំពូលនៃប្រទេសទាំងពីរទទួលបានលទ្ធផលគួរឱ្យកត់សម្គាល់៕