អនុប្រធានរដ្ឋ លោកស្រី Dang Thi Ngoc Thinh ទៅទស្សនានិងជូនអំណោយបុណ្យចូលឆ្នាំថ្មីប្រពៃណីដល់មុខសញ្ញាគោលនយោបាយនៅខេត្ត Long An
(VOVWORLD) - ក្នុងឱកាសនៃនិទាឃៈរដូវឆ្នាំកុរ ឯកស័ក ២០១៩ នារសៀលថ្ងៃទី ២៨ ខែមករា អនុប្រធានរដ្ឋ លោកស្រី Dang Thi Ngoc Thinh និងគណៈប្រតិភូអមដំណើរបានទៅទស្សនានិងចែកអំណោយ ដល់គ្រួសារគោលនយោបាយ គ្រួសារក្រីក្រនិងកុមារដែលមានស្ថានភាពលំបាកនៅឃុំ An Luc Long ស្រុក Chau Thanh ខេត្ត Long An។
 អនុប្រធានរដ្ឋអញ្ជើញជូនអំណោយដល់គ្រួសារគោលនយោបាយនិងគ្រួសារមានស្ថានភាពលំបាក (រូបថតៈ TTXVN) |
ក្នុងជំនួបនេះ អនុប្រធានរដ្ឋ លោកស្រី Dang Thi Ngoc Thinh បានស្នើថា ក្នុងរយៈពេលខាងមុខ គណៈកម្មាធិការបក្សនិងរដ្ឋអំណាចខេត្ត Long An បន្តអនុវត្តល្អនូវដំណោះស្រាយអភិវឌ្ឍន៍សេដ្ឋកិច្ច-សង្គមនៅមូលដ្ឋាន ជាពិសេស បន្តពង្រឹងសន្តិសុខសង្គម ថែទាំដល់គ្រួសារគោលនយោបាយនិងគ្រួសារក្រីក្រក្នុងតំបន់។
នាថ្ងៃដដែល អនុប្រធានរដ្ឋលោកស្រី Dang Thi Ngoc Thinh បានអញ្ជើញចូលរួមពិធី បើកសម្ពោធគម្រោងផ្លូវព្រែកជីក Chien Dau (នៅស្រុក Chau Thanh ខេត្ត Long An) ផងដែរ៕