VOVWORLD_វិមាន Kinh Thien (មានន័យថាគោរពមេឃ)ត្រូវបានក្រុមអ្នកបុរាណ
វិទូបញ្ជាក់ថាជាមជ្ឈមណ្ឌលនៃមណ្ឌលកេរ្តិ៍ដំណែលបរមរាជវាំងថាំងឡុង។ នាឆ្នាំ
២០០០មណ្ឌលកេរ្តិ៍ដំណែលបរមរាជវាំងថាំងឡុងក្រុងហាណូយត្រូវបានទទួល
ស្គាល់ជាកេរ្តិ៍ដំណែលវប្បធម៌ ពិភពលោក។ ហើយការស្ដារវិមាន Kinh Thien ត្រឹម
ត្រូវតាមសភាពដើមត្រូវបានមជ្ឈមណ្ឌលអភិរក្សកេរ្តិ៍ដំណែលថាំងឡុងអនុវត្តចាប់ពី
ដើមឆ្នាំ២០១៥មក។
វិមាន Kinh Thien គឺជាមជ្ឈមណ្ឌលសំខាន់បំផុតនៃរាជធានីក្រោមរបបរាជា
និយមបូពាទិស។ តាមបណ្ឌិត Tong Trung Tin នៅវិទ្យាស្ថានបុរាណវិទ្យាឲ្យដឹងថា
ដំណើរការសាងសង់ វិមាន Kinh Thien នេះមិនសូវបានកត់ត្រាច្រើនក្នុងសៀវភៅ
ប្រវតិ្តសាស្រ្តឡើយ។ ក្នុងប្រជុំសៀវភៅប្រវតិ្តសាស្រ្តជាតិ Dai Viet នាសម័យស្ដេច Le
ឬសៀវភៅប្រវតិ្តសាស្រ្តក្រោមរាជកាល Nguyen បានចែងច្បាស់ថាវិមាន Kinh Thien
ត្រូវបានចាប់ផ្ដើមកសាងឡើងនាឆ្នាំ១៤២៨ក្រោមរាជកាលស្ដេច Le Thai To ហើយ
បញ្ចប់ជាស្ថាពរនារាជកាលLe Thanh Tong។ បណ្ឌិត Tong Trung Tin បានឲ្យដឹងថា
“ គ្រាន់តែដឹងថាវិមាន Kinh Thienត្រូវបានចាប់ផ្ដើមកសាងក្រោយពីស្ដេច Le Thai
To វាយបណ្ដេញពួកខ្មាំងសត្រូវមីញភ្លាមៗហើយព្រះអង្គបានបង្គាប់ឲ្យកសាងរាជ
ធានីឡើងវិញ។ ឆ្នាំដំបូងបានកសាងឡើងវិញនូវវិមាន Kinh Thien ដោយសារ
លក្ខណៈសំខាន់របស់វាជាកន្លែងស្ដេចយាងធ្វើការរៀបចំបុណ្យទានធំៗព្រមទាំង
ជាកន្លែងដាក់ចេញគោលនយោបាយសំខាន់ៗនៃប្រទេសជាតិលើវិស័យកសាង
និងការពារជាតិ”។
ស្លាកស្នាមនៃវិមាន Kinh Thienនាបច្ចុប្បន្ននៅសល់តែបាតប៉ុណ្ណោះ។ បាតវិមាន
នេះមានបណ្ដោយ៥៧ម៉ែត្រ ទទឹង៤១,៥ម៉ែត្រ កំពស់២,៣ម៉ែត្រ ហើយជណ្ដើរបាន
កសាងអំពីថ្មពណ៌ខៀវដោយមានក្លោងទ្វារចំនួន៣។ នៅខាងមុខវិមាន Kinh Thien
ដែលបែរទៅទិសខាងត្បូងនោះជាទីលានខ្ពស់មានជណ្ដើរចំនួន១០កាំនិងមានរូបសត្វនាគថ្ម៤ក្បាលនៅផ្លូវឡើងកាលពីឆ្នាំ១៤៦៧។ នេះជាកេរ្តិ៍ដំណែលសិល្បៈគំរូ
នៃសិល្បៈចំឡាក់នារាជកាលស្ដេច Le So។ ស្ដីពីបញ្ហានេះ វិចិត្រករអ្នកស្រាវជាវ
សិល្បៈលោក Nguyen Duc Hoa បានឲ្យដឹងថា
" ស្ដីពីវិស័យនយោបាយជាតិនាសម័យសក្តិភូមិគឺវិមាន Kinh Thien ជាទីគោរព
បូជាដ៏សំខាន់របស់ស្ដេចនិងបរមរាជវាំងចំពោះដីមេឃ។ គេប្រមូលផ្ដុំកំលាំងកាយ
ចិត្តជាច្រើនដើម្បីកសាងទីកន្លែងនេះជាមួយរបៀបស្ថាបត្យកម្មដ៏ល្អស្អាត។ រូបចំ
លាក់បង្ហាញស្ថាបត្យកម្មបានបាត់បង់ទៅហើយតែយ៉ាងហោចណាស់តាមរយៈរូប
សត្វនាគថ្មនាសម័យស្ដេច Le ពីឆ្នាំ១៤៦៧មកនោះយើងដឹងថាស្ដេចនិងមន្រ្តីវៀត
ណាមបានប្រើក្រុមជាងឆ្នើមដើម្បីបង្កើតឡើងសំណង់ដ៏អស្ចារ្យទាំងនេះ"។
 |
| វិមាន Kinh Thien ត្រូវបានចាប់ផ្ដើមកសាងឡើងនាឆ្នាំ១៤២៨ក្រោមរាជកាលស្ដេច Le Thai To ហើយបញ្ចប់ជាស្ថាពរនារាជកាលLe Thanh Tong |
តាមក្រុមអ្នកបុរាណវិទូឲ្យដឹងថា នៅខាងមុខវិមាន Kinh Thien មានទីលានធំ ជា
កន្លែងប្ររព្ធពិធីបុណ្យសំខាន់ៗនៃបរមរាជវាំង។ បណ្ឌិត Tong Trung Tin ឲ្យ ដឹងថា
ក្រុមអ្នកបុរាណវិទូបានរកឃើញនៅទីលានធំខាងមុខវិមាន Kinh Thien មាន ទី
លានចំនួន២ចំណុះរាជកាល២ដែលបានកសាងគងលើគ្នា។ នោះគឺទី លាន នៃរាជកាល Le So (ឆ្នាំ១៤២៨ – ១៤៥៩) និងទីលាន១ទៀតរបស់សម័យស្ដេច Le Trung
Hung (ឆ្នាំ១៥៣៣ – ១៧៨៩)។
" ទីលាននៃរាជកាលLe So ក្រាលឥដ្ឋការ៉ូពណ៌ក្រហម រីឯទីលានរបស់សម័យ
ស្ដេច Le Trung Hung បែរជាក្រាលឥដ្ឋការ៉ូពណ៌ប្រផេះវិញ។ ទីលានធំ ជាកន្លែង
រៀបចំពិធីបុណ្យសំខាន់ៗនៃបរមរាជវាំងហើយបានកសាងទាបជាងដីរាបពី១ដល់
២ម៉ែត្រ"។
នាសព្វថ្ងៃនេះក្រុមអ្នកបុរាណវិទូទើបតែជិកគាស់បាននូវមួយផ្នែកដ៏តូចនៃវិមាន
Kinh Thien។ ទោះជាយ៉ាងណាក៏ដោយជាមួយវត្ថុនៅសែសសល់និងអ្វីៗដែលនឹង
រកឃើញទៅអនាគត ក្រុមអ្នកបុរាណវិទូនិងអ្នកវិទ្យាសាស្រ្តអាចស្ដារឡើងវិញបាន
នូវវិមាន Kinh Thien ដូចសភាពដើមក្នុងគោលបំណងបញ្ជាក់បំភ្លឺប្រវតិ្តសាស្រ្តនិង
វប្បធម៌រុងរឿងនៃរាជធានីថាំងឡុង ហាណូយរាប់ពាន់ឆ្នាំ៕