ទូកនេសាទនៅកំពង់ផែនេសាទ Tho Quang

អស់រយៈពេលជិត 3 ខែមកហើយ លោក Pham Lieu អ្នកនេសាទមួយរូបនៅឃុំ Nai Hien Dong ខ័ណ្ឌ Son Tra ហាកដូចជាស៊ាំទៅនឹងការងារបំពេញបែបបទអំពីប្រភពជលផល និងគ្រឿងសមុទ្រ ដែលនេសាទបាននៅកំពង់ផែនេសាទ Tho Quang។ លោក Lieu បានចាត់ទុកថា ការត្រួតពនិយ្យប្រភពជលផល និងគ្រឿងសមុទ្រគឺមានភាពចាំចាច់ ដោយសារ នៅពេលដែល EU រឹតបន្តឹងការធ្វើអាជីវកម្មរបស់សហគ្រាសនោះ សហគ្រាសក៏ត្រូវរឹតបន្តឹងការធ្វើអាជីវកម្មរបស់អ្នកនេសាទដែរ។ ហេតុដូច្នេះ អ្នកនេសាទ រដ្ឋអំណាចនឹងសហគ្រាសគប្បីសហការយ៉ាងជិតស្និទ្ធ ដើម្បីលើកកម្ពស់តម្លៃសេដ្ឋកិច្ចនៃជលផល និងគ្រឿងសមុទ្រ។ លោក Phan Lieu អ្នកនេសាទមួយរូបបានឲ្យដឹងថា៖

“គណៈគ្រប់គ្រងបានយាមនៅកំពង់ផែជាប្រចាំ ដើម្បីត្រួតពិនិត្យលើការធ្វើអាជីវកម្ម។ ទោះបីជាការងារនេះចំណាយប្រាក់ច្រើនក៏ដោយ ប៉ន្តែអាចត្រួតពិនិត្យគុណភាពគ្រឿងសមុទ្រយ៉ាងត្រឹមត្រូវសម្រាប់មូលដ្ឋានទាំងឡាយ”។

តាមម្ចាស់នាវាជាច្រើនរូបថា ទោះបីជាការរាយការណ៍ប្រភពជលផល និងគ្រឿងសមុទ្រចំណាយពេលវេលាក៏ដោយ បន្តែនាំមកនូវផលប្រយោជន៍ជាច្រើន ព្រោះថា នៅពេលប្រភពគ្រឿងសមុទ្រមានប្រភពច្បាស់លាស់នោះ តំលៃរបស់វាក៏កើនឡើងដែរ។ ហេតុដូច្នេះ ចំពោះ លោក Nguyen Hau អ្នកនេសាទមួយរូបនៅខ័ណ្ឌ Son Tra ទីក្រុង Da Nang បានឲ្យដឹងថា លោកតែងតែកត់ត្រាកំណត់ហេតុនេសាទត្រី។ លោកបន្តថា ខណៈដែលអ្នកនេសាទធ្វើតាមការកំណត់នោះ នឹងនាំមកនូវប្រាក់ចំណូលស្ថិរភាព។

“បន្ទាប់ពីអនុវត្តន៍ការកត់ត្រាកំណត់ហេតុធ្វើអាជីវកម្មនោះ រាល់សកម្មភាព នេសាទគឺមានតម្លាភាពជាងមុន។ តាមនោះ បង្កលក្ខណៈងាយស្រួលសម្រាប់អ្នកនេសាថែមទៀត”។

អ្នកនេសាទហាក់ដូចជាស៊ាំទៅនឹងការងារបំពេញបែបបទអំពីប្រភពជលផល និងគ្រឿងសមុទ្រ

ជាមួយនឹងការប្តេជ្ញាចិត្តប្រឆាំងនឹងការនេសាទខុសច្បាប់ដោយមិន រាយការណ៍ និងមិនស្របច្បាប់កំណត់នោះ មន្ទីរកសិកម្មនិងអភិវឌ្ឍន៍ជនបទទីក្រុង រួមសហការជាមួយបញ្ជាការដ្ឋានកងទ័ពការពារព្រំដែនទីក្រុង Da Nang និងអង្គភាពទាក់ទិននានា បានបង្កើតការិយាល័យតំណាងទទួលបន្ទុកការគ្រប់គ្រងរបនេសាទត្រី។ ព្រមទាំងកសាងបទបញ្ញត្តិអធិការកិច្ច និងគ្រប់គ្រងសកម្មភាពនេសាទត្រីឲ្យស្របច្បាប់។  វរសេនីយ៍ឯក លោក Nguyen Tong Khong នៅការិយាល័យសេនាធិការ នៃបញ្ជាការដ្ឋានកងទ័ពការពារព្រំដែនទីក្រុង Da Nang បានឲ្យដឹងថា៖ នាបច្ចុប្បន្ន ការងាររាយការណ៍ប្រភពជលផលនៅកំពង់ផែគឺមានរបៀរាបរយជាងមុន។

“ជារៀងរាល់ថ្ងៃ នាវិកត្រូវទាក់ទងជាមួយកងទ័ពការពារព្រំដែន យ៉ាង ហោចណាស់មួយដង ហើយរាយការណ៍អំពីកូអរដោនេរបស់នាវា ស្ថានភាពបរិមាណផលនេសាទបាន ដើម្បីយើងខ្ញុំតាមដាន ប្រកាសតំបន់គ្រោះថ្នាក់ បានឆាប់រហ័ស និងឃ្លាំមើលសកម្មភាពរបស់នាវាយ៉ាងដិតដល់”។

ក្នុងឆមាសទី ១ ឆ្នាំ ២០១៨ ជារៀងរាល់ថ្ងៃ កំពង់ផែនេសាទត្រី Tho Quang ទទួលបាននាវាចំនួនពី ៥០ ដល់ ៥៥ គ្រឿង ចូលកំពុងផែលក់ជលផល ហើយត្រូវបានតាមដានប្រភព។ រួមជាមួយការបង្កើនការត្រួតពិនិត្យ និងគ្រប់គ្រងសកម្មភាពនេសាទ្រត្រីនៅកំពង់ផែសមុទ្រនោះ គណកម្មធិការប្រជាជនខណ្ឌនានា រួមសហការជាមួយ មន្ទីរកសិកម្មនិងអភិវឌ្ឍន៍ជនបទ មន្ទីរព័ត៌មាន ផ្សព្វផ្សាយ បញ្ជាការដ្ឋានកងទ័ពការពារព្រំដែន និងអង្គការទាក់ទិននានា បានផ្សព្វផ្សាយដល់អ្នកនេសាទ្រត្រី អំពីផែនការអធិការកិច្ច ត្រួតពិនិត្យ និងគ្រប់គ្រងរបរនេសាទ្រត្រីនៅទីក្រុង Da Nang ផងដែរ៕