(vovworld) - ເລີ່ມແຕ່ວັນທີ 25/7/2012, ກົດລະບຽບການສ້າງ ແລະ ປະຕິບັດໂຄງການສົ່ງເສີມການລົງທຶນແຫ່ງຊາດ ຈະມີຜົນບັງຄັບໃຊ້. ຕາມກົດລະບຽບໃໝ່ ທີ່ທ່ານນາຍົກລັດຖະມົນຕີ Nguyen Tan Dung ຫາກໍປະກາດໃຊ້, ຈຸດໝາຍຂອງໂຄງການສົ່ງເສີມການລົງທຶນແຫ່ງຊາດ ແມ່ນຊຸກຍູ້, ຍົກສູງປະສິດທິຜົນການເຄື່ອນໄຫວສົ່ງເສີມການລົງທຶນ, ສ້າງຄວາມສະໜິດຕິດພັນຢ່າງເໝາະສົມ, ມີປະສິດທິຜົນໃນບັນດາການເຄື່ອນໄຫວສົ່ງເສີມການລົງທຶນພາຍໃນປະເທດ, ລົງທຶນຈາກຕ່າງປະເທດເຂົ້າຫວຽດນາມ ແລະ ການລົງທຶນຂອງຫວຽດນາມ ຢູ່ຕ່າງປະເທດໃນທຸກໆຂົງເຂດ, ພາກສ່ວນເສດຖະກິດໃນໂຄງການສັງລວມເປັນເອກະພາບກັນ, ເຊື່ອມຕໍການເຄື່ອນໄຫວສົ່ງເສີມການລົງທຶນ ກັບ ການສົ່ງເສີມດ້ານການຄ້າ, ການທ່ອງທ່ຽວ ແລະ ຂົງເຂດທີ່ກ່ຽວຂ້ອງອື່ນໆ. ໂຄງການສົ່ງເສີມການລົງທຶນແຫ່ງຊາດ ລວມມີບັນດາເນື້ອໃນພື້ນຖານຄື: ໂຄສະນາ, ເຜີຍແຜ່ ສະພາບແວດລ້ອມແຫ່ງການລົງທຶນຂອງຫວຽດນາມ, ສ້າງແຜນການກຳນົດທິດ, ນະໂຍບາຍ ແລະ ຍຸດທະສາດສົ່ງເສີມການລົງທຶນ, ຈັດຕັ້ງກອງປະຊຸມ, ກອງປະຊຸມສຳມະນາ ແລະ ໂຄງການຂົນຂວາຍສົ່ງເສີມການລົງທຶນ, ຝຶກອົບຮົມ, ບຳລຸງສ້າງ ແລະ ບັນດາການເຄື່ອນໄຫວສົ່ງເສີມການລົງທຶນອື່ນໆ ຕາມຂໍ້ຕົກລົງຂອງນາຍົກລັດຖະມົນຕີ.