ພາບປະກອບ:internet
|
(vovworld)- ກອງປະຊຸມສຳມະນາດັ່ງກ່າວໂດຍສະຖານທູດຫວຽດນາມ ປະຈຳອົດຕະລິດ ສົມທົບກັບສະມາຄົມມິດຕະພາບ ອົດຕະລິດ- ຫວຽດນາມຈັດຕັ້ງຂຶ້ນ. ເຂົ້າຮ່ວມກອງປະຊຸມສຳມະນາ ມີນັກຮຽນຮູ້, ນັກຄົ້ນຄ້ວາ, ນັກຂ່າວເກືອບ 100 ຄົນ ແລະນັກທຸລະກິດອົດຕະລິດເປັນຈຳນວນຫລາຍ. ກ່າວຄຳເຫັນທີ່ກອງປະຊຸມສຳມະນາ, ທ່ານ ຫງວຽນທຽບ, ເອກອັກຄະລັດຖະທູດ ຫວຽດນາມ ປະຈຳອົດຕະລິດ ໄດ້ເນັ້ນຫນັກວ່າ: ກອງປະຊຸມສຳມະນາ ແມ່ນກາລະໂອກາດເພ່ືອຊອກຮູ້ດຳເນີນທຸລະກິດຢູ່ຕະຫລາດທີ່ຫາກໍ່ພົ້ນເດັ່ນຂຶ້ນ ດ້ວຍພົນລະເມືອງເກືອບ 100 ລ້ານຄົນ, ແລະ ຢືນຢັນ: ລັດຖະບານຫວຽດນາມ ຈະສ້າງທຸກເງື່ອນໄຂສະດວກໃຫ້ນັກລົງທຶນຕ່າງປະເທດ. ທີ່ກອງປະຊຸມສຳມະນາ, ດຣ Thomas Jandl ໄດ້ແນະນຳກິດຈະການຄົ້ນຄ້ວາ“ຫວຽດນາມ ໃນພື້ນຖານເສດຖະກິດທົ່ວໂລກ” ຊຶ່ງທ່ານຫາກໍປະກາດ. ທ່ານ Thomas Jandl ຖືວ່າ: ໂດຍແມ່ນຫນຶ່ງໃນບັນດາຕະຫລາດທີ່ຫາກໍ່ພົ້ນເດັ່ນຂຶ້ນ, ຫວຽດນາມ ພວມດຶງດູດຄວາມສົນໃຈຈາກບໍລິສັດຂ້າມຊາດຫລາຍແຫ່ງ, ຍ້ອນມີທ່າໄດ້ປຽບໃນການແກ້ງແຍ້ງທີ່ດູດດື່ມ. ເມື່ອໄຈ້ແຍກສາຍເຫດພາໄປເຖິງຜົນສຳເລັດຂອງຫວຽດນາມ ສາດສະດາຈານ Wener Clement, ອະດີດຜູ້ຊ່ຽວຊານຢູ່ສະຖາບັນຄຸ້ມຄອງເສດຖະກິດສູນກາງ ຫວຽດນາມ ເນັ້ນຫນັກວ່າ: ນອກຈາກນະໂຍບາຍອັນຖືກຕ້ອງຂອງການນຳແລ້ວ, ສິ່ງສຳຄັນ ຫວຽດນາມ ຮັກສາໄດ້ສະຖຽນລະພາບທາງສັງຄົມ.