ຂົວມິດຕະພາບແຫ່ງທຳອິດທີ່ເຊື່ອມຕໍ່ລາວ - ມຽນມາ
(ພາບ: ຂປລ)
(vovworld) - ຂົວມິດຕະພາບແຫ່ງທຳອິດທີ່ເຊື່ອມຕໍ່ລາວ - ມຽນມາ ຈະເປີດສະຫຼອງໃນວັນທີ 9/5 . ນີ້ແມ່ນໂຄງການທີ່ມີຄວາມໝາຍປະຫວັດສາດສຳຄັນ, ແມ່ນຂົວເຊື່ອມຕໍ່ສຳຄັນໃນແລວເສດຖະກິດຕາເວັນອອກ - ຕາເວັນຕົກ. ຂົວໄດ້ຮັບການລົງມືກໍ່ສ້າງໃນວັນທີ 16/3/2013 ຢູ່ບ້ານຫ້ວຍກຸມ, ເມືອງລອງ, ແຂວງຫຼວງນຳ້ທາ, ທີ່ເຊື່ອມຕໍ່ກັບບ້ານຊຽງລາບ, ເມືອງແກງຕຸງ (ມຽນມາ). ຍອດຈຳນວນທຶນກໍ່ສ້າງແມ່ນປະມານ 26 ລ້ານ USD, ໂດຍລັດຖະບານລາວ ແລະ ມຽນມາປະກອບ.
ເມື່ອນຳເຂົ້າເຄືອນໄຫວ, ຂົວແຫ່ງນີ້ຈະກາຍເປັນສັນຍາລັກແຫ່ງສາຍພົວພັນຮ່ວມມື ແລະ ຄວາມສາມັກຄີມິດຕະພາບລະຫວ່າງປະຊາຊົນສອງປະເທດ. ຂົວເຊື່ອມຕໍ່ທາງຫຼວງລກ 17 ຂອງລາວກັບທາງຫຼວງເລກ 4 ຂອງມຽນມາ, ອັນຈະສ້າງເງື່ອນໄຂສະດວກໃຫ້ການຂົນສົ່ງສິນຄ້າຂ້າມຊາຍແດນ, ເຮັດໃຫ້ການຄ້າໃນເຂດຊາຍແດນພັດທະນາ, ນຳມາເຊິ່ງຜົນປະໂຫຍດໃຫ້ປະຊາຊົນສອງປະເທດ ກໍ່ຄືປະກອບສ່ວນພັດທະນາເສດຖະກິດ - ສັງຄົມ, ວັດທະນະທຳ, ການທ່ອງທ່ຽວ, ການບໍລິການໃຫ້ບັນດາປະເທດໃນພາກພື້ນ.