ປະທານປະເທດຫວຽດນາມ ເຈືອງເຕີ້ນຊາງ ເຈລະຈາກັບປະທານາທິບໍດີ ສ. ໄອແລນ
ທ່ານປະທານປະເທດຫວຽດນາມ ເຈືອງເຕີ້ນຊາງ ແລະ
ປະທານາທິບໍດີ ສ. ໄອແລນ Olafur Ragna Grimsson |
(vovworld)- ຕອນເຊົ້າວັນທີ 4/11, ພິທີຕ້ອນຮັບທ່ານ Olafur Ragna Grimsson ປະທານາທິບໍດີ ສ. ໄອແລນ ແລະ ພັນລະຍາ ໄດ້ຖືກຈັດຂຶ້ນຢູ່ສຳນັກງານປະທານປະເທດຫວຽດນາມ. ພາຍຫຼັງພິທີຕ້ອນຮັບ, ທ່ານປະທານປະເທດຫວຽດນາມ ເຈືອງເຕີ້ນຊາງ ແລະ ປະທານາທິບໍດີ ສ. ໄອແລນ Olafur Ragna Grimsson ໄດ້ດຳເນີນການເຈລະຈາເພື່ອແນໃສ່ຊຸກຍູ້ການຮ່ວມມືລະຫວ່າງ 2 ປະເທດໃນທຸກຂົງເຂດ. ທ່ານປະທານປະເທດຫວຽດນາມ ເຈືອງເຕີ້ນຊາງ ສະເໜີ 2 ປະເທດຈົ່ງເພີີ່ມທະວີການພົບປະແລກປ່ຽນໃນຂັ້ນຕ່າງໆ. ສ່ວນປະທານາທິບໍດີ ສ. ໄອແລນ Olafur Ragna Grimsson ໃຫ້ຮູ້ວ່າ ຈຸດປະສົງຂອງການຢ້ຽມຢາມຫວຽດນາມຄັ້ງນີ້ ແມ່ນເພື່ອເປີດກ້ວາງການຮ່ວມມືໃນຫຼາຍຂົງເຂດ. ປະທານາທິບໍດີ ສ. ໄອແລນ Olafur Ragna Grimsson ໃຫ້ຮູ້ວ່າ ໃນຂອບເຂດການຢ້ຽມຢາມ ຈະດຳເນີນກອງປະຊຸມສຳມະນາຢູ່ຫວຽດນາມກ່ຽວກັບການຈັບຫາສິນໃນນ້ຳ ແລະ ພະລັງງານຜະລິດຄືນໃໝ່, ຊຸກຍູ້ການຮ່ວມມືລະຫວ່າງບັນດາມະຫາວິທະຍາໄລຂອງ 2 ປະເທດ…
ທ່ານປະທານປະເທດຫວຽດນາມ ເຈືອງເຕີ້ນຊາງ ແລະ ປະທານາທິບໍດີ ສ. ໄອແລນ Olafur Ragna Grimsson ກໍຍັງແລກປ່ຽນບາງບັນຫາໃນພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ. ກ່ຽວກັບບັນຫາທະເລຕາເວັນອອກ, ການນຳ 2 ທ່ານຍນັງເນັ້ນໜັກເຖິງຄວາມຈຳເປັນຕ້ອງແກ້ໄຂບັນດາການຂັດແຍ້ງດ້ວຍມາດຕະການໂດຍສັນຕິວິທີ, ສອດຄ່ອງກັບກົດໝາຍສາກົນ. ໃນການປະຊຸມກັບນັກຂ່າວພາຍຫຼັງການເຈລະຈາ, ທ່ານປະທານປະເທດຫວຽດນາມ ເຈືອງເຕີ້ນຊາງກ່າວວ່າ :
“ ພວກຂ້າພະເຈົ້າເຫັນດີຊຸກຍູ້ການຮ່ວມມືໃນຂົງເຂດທີ່ໄອແລນມີທ່າແຮງ ແລະ ຫວຽດນາມມີຄວາມຕ້ອງການ. ຂ້າພະເຈົາຢືນຢັນຄວາມຕັດສິນໃຈຊຸກຍູ້ໃຫ້ສຳເລັດການເຈລະຈາ ແລະ ລົງນາມໃນສັນຍາການຄ້າເສລີລະຫວ່າງຫວຽດນາມ ແລະ ກຸ່ມການຄ້າເສລີເອີລົບ. ພວກຂ້າພະເຈົ້າເຊື່ອໝັ້ນວ່າ ສັນຍານີ້ ຈະເປີດບັນດາກາລະໂອກາດໃໝ່ໃຫ້ແກ່ປະຊາຄົມວິສາຫະກິດ 2 ປະເທດ”.