(vovworld) - ຕອນເຊົ້າວັນທີ 8/11, ຢູ່ຫໍສົບແຫ່ງຊາດ, ເລກ 5 ຖະໜົນ ເຈິ່ນແທ໋ງຕົງ, ຮ່າໂນ້ຍ, ໄດ້ດຳເນີນພິທີງານສົບລະດັບຊາດອະດີດຮອງນາຍົກລັດຖະມົນຕີ ຫງວຽນກົງຕ້ານ. ການນຳ, ອະດີດການນຳພັກ, ລັດ, ສະພາແຫ່ງຊາດ, ລັດຖະບານ, ຄະນະກຳມະການສູນກາງແນວໂຮມປະເທດຊາດຫວຽດນາມ, ບັນດາກະຊວງ, ຂະແໜງການສູນກາງ ແລະ ທ້ອງຖີ່ນ; ຄະນະການທູດກູບາ, ຄະນະຜູ້ແທນບາງອົງການຈັດຕັ້ງສາກົນຢູ່ຮ່າໂນ້ຍ ໄດ້ເຂົ້າຮ່ວມພິທີໄຫວ້ອາໄລທ່ານ ຫງວຽນກົງຕ້ານ ແລະ ແບ່ງເບົາຄວາມທຸກພ້ອມກັບຄອບຄົວຂອງທ່ານ.
ທ່ານ ຫງວຽນກົງຕ້ານ ເກີດວັນທີ 6/2/1935. ບ້ານເກີດຢູ່ຕາແສງທ໋າຍເຊີນ, ເມືອງທ໋າຍທູ້ຍ, ແຂວງທ໋າຍບິ່ງ, ອະດີດຄະນະບໍລິຫານງານສູນກາງພັກຊຸດທີ 6, ຊຸດທີ 7 ແລະ ຊຸດທີ 8; ສະມາຊິກສະພາແຫ່ງຊາດຊຸດທີ 8 ແລະ ຊຸດທີ 10; ຮອງນາຍົກລັດຖະມົນຕີ, ກຳມະການຄະນະພະນັກງານພັກລັດຖະບານຊຸດທີ 10; ລັດຖະມົນຕີ, ເລຂາຄະນະພະນັກງານພັກກະຊວງກະສີກຳ ແລະ ພັດທະນາຊົນນະບົດ; ຮອງເລຂາຄະນະພັກ, ຮອງປະທານຄະນະກຳມະການປະຊາຊົນນະຄອນຮ່າໂນ້ຍ. ດ້ວຍຜົນງານທີ່ມີຕໍ່ພາລະກິດປະຕິວັດຂອງພັກ ແລະ ຊາດ, ທ່ານໄດ້ຮັບຫຼຽນໄຊເອກະລາດຊັ້ນໜຶ່ງ, ຫຼຽນໄຊແຮງງານຊັ້ນໜຶ່ງ, ຫຼຽນໄຊຕໍ່ຕ້ານ ຕ້ານອາເມລິກາກູ້ຊາດຊັ້ນສອງ, ລາງວັນຂອງລັດກ່ຽວກັບວິທະຍາສາດ ແລະ ເຕັກໂນໂນຢີ, ຫຼຽນ 50 ປີ ເປັນສະມາຊິກພັກ ແລະ ລາງວັນອັນສູງສົ່ງອື່ນໆອີກ.
ໃນວັນດຽວກັນ, ພິທີປົງສົບ ອະດີດຮອງນາຍົກລັດຖະມົນຕີ ຫງວຽນກົງຕ້ານ ຖືກດຳເນີນຢູ່ສຸສານ ສວນສາທາລະນະ ວິ້ງຮັ່ງ, ບາວີ່, ຮ່າໂນ້ຍ.