ພິທີສະເຫຼີມສະຫຼອງ 50 ປີ ແຫ່ງວັນສ້າງຕັ້ງອາຟະລິກາ
(ພາບ: dangcongsan.vn)
(vovworld) – ວັນທີ 25/5, ຢູ່ສຳນັກງານສະຫະພັນບັນດາອົງການມິດຕະພາບຫວຽດນາມ, ໄດ້ດຳເນີນພິທີສະເຫຼີມສະຫຼອງ 50 ປີ ແຫ່ງວັນສ້າງຕັ້ງອາຟະລິກາ (25/5/1963-25/5/2013). ເຂົ້າຮ່ວມພິທີມີທ່ານນາງຮອງປະທານປະເທດຫວຽດນາມ ຫງວຽນທິຢວານ, ປະທານສະຫະພັນບັນດາອົງການມິດຕະພາບຫວຽດນາມ ຫວູຊວນຮົ່ງ, ບັນດາເອກອັກຄະລັດຖະທູດ, ອຸປະທູດຊົ່ວຄາວ, ຜູ້ຕ່າງໜ້າສະຖານທູດບັນດາປະເທດ ອານເຊຮີ, ອັງໂກລາ, ອາຮັບອີຢີບ, ລີບີ, ໂມຊຳບິກ, ນີເຊຮີ, ອາຟະລິກາໃຕ້, ຊູດັງ ປະຈຳຫວຽດນາມ. ກ່າວຄວາມເຫັນນະພິທີ, ປະທານສະມາຄົມມິດຕະພາບຫວຽດນາມ - ອາຟະລິກາ, ທ່ານ ເຫື໋ອດຶກຍີ່, ເນັ້ນໜັກວ່າ:
“ຫວຽດນາມ ແລະ ອາຟະລິກາ ມີທ່າແຮງທີ່ສາມາດເພີ່ມເຕີມໃຫ້ກັນ ເພື່ອພ້ອມກັນພັດທະນາ. ອາຟະລິກາ ແມ່ນແຫ່ງທີ່ສາມາດຕອບສະໜອງຄວາມຕ້ອງການຂອງຫວຽດນາມກ່ຽວກັບແຫຼ່ງສະໜອງວັດຖຸດິບ, ເຊື້ອເພີງ, ແລະ ເປັນຕະຫຼາດສົ່ງອອກສິນຄ້າ, ການບໍລິການ, ຊັບພະຍາກອນມະນຸດ, ການລົງທຶນ… ສອງຝ່າຍໄດ້ສ້າງກອບກົດໝາຍຢ່າງພຽງພໍ ເພື່ອເປັນພື້ນຖານໃຫ້ແກ່ການພັດທະນາ ແລະ ເພີ່ມທະວີການພົວພັນຮ່ວມມືດ້ານການຄ້າຢ່າງຮອບດ້ານ“.
ກ່າວຄວາມເຫັນທີ່ພິທີ, ຕາງໜ້າໃຫ້ສະຖານທູດບັນດາປະເທດອາຟະລິກາປະຈຳຫວຽດນາມ, ທ່ານເອກອັກຄະລັດຖະທູດ ວິສາມັນ ຜູ້ມີອຳນາດເຕັມແຫ່ງ ສ ອັງໂກລາ ປະຊາທິປະໄຕ ແລະ ປະຊາຊົນ Cherif Chikhi ຊີ້ແຈ້ງວ່າ ສາຍພົວພັນລະຫວ່າງອາຟະລິກາ ແລະ ຫວຽດນາມ ນັບມື້ນັບສະໜິດສະໜົມ ດ້ວຍການຮ່ວມມືຫຼາຍຝ່າຍ, ເພື່ອຜົນປະໂຫຍດລະຫວ່າງປະຊາຊາດ. ທ່ານຖືວ່າ:
“ພວກຂ້າພະເຈົ້າເຊື່ອໝັ້ນວ່າ ຫວຽດນາມ ແລະ ບັນດາປະເທດອາຟະລິກາ ຈະມີບາດກ້າວທີ່ໝັ້ນຄົງ ບົນເສັ້ນທາງທີ່ກ້າວໜ້າ ແລະ ພັດທະນາ. ຈິດໃຈສາມັກຄີນີ້ ໄດ້ຮັບການຢັ້ງຢືນຢ່າງຈະແຈ້ງທີ່ເວທີປາໄສຫວຽດນາມ - ອາຟະລິກາ . ພວກເຮົາສາມາດເພີ່ມເຕີມຫຼາຍຂົງເຂດໃຫ້ກັນ. ກໍ່ຄືສ້າງຕັ້ງບັນດາກົນໄກແລກປ່ຽນບົດຮຽນທາງດ້ານເສດຖະກິດ ທີ່ນຳມາເຊິ່ງຜົນປະໂຫຍດໃຫ້ທັງສອງຝ່າຍ“.
ໃນ 3 ປີຜ່ານມາ, ວົງເງິນການຄ້າລະຫວ່າງຫວຽດນາມ ອາຟະລິກາ ໄດ້ເພີ່ມຂຶ້ນຢ່າງແຮງ, ບັນລຸ 1,8 ຕຶ້ USD, ບັນດາວິສາຫະກິດຫວຽດນາມ ພວມຊອກຫາກາລະໂອກາດລົງທຶນຢູ່ອາຟະລິກາ ໃນຫຼາຍຂົງເຂດຄື ສຳຫຼວດ, ຂຸດຄົ້ນນ້ຳມັນອາຍແກດ, ຜະລິດລົດຈັກ, ສະໜອງການບໍລິການໂທລະຄົມ… ດ້ວຍມູນຄ່າເກືອບ 1,2 ຕຶ້ USD