(vovworld) - ວັນທີ 7/6, ສະຫະປະຊາຊາດ ໄດ້ອອກຄຳຮຽກຮ້ອງປະກອບບ້ວງເງິນໜູນຊ່ວຍສະຖິຕິ 5,2 ຕື້ USD ເພື່ອອຸປະຖຳໃຫ້ແກ່ບັນດາການເຄື່ອນໄຫວມະນຸດສະທຳຊ່ວຍເຫຼືອປະຊາຊົນ ຊີຣີ ໃນສະພາບການທີ່ຈຳນວນຜູ້ຖືກຜົນສະທ້ອນຍ້ອນການປະທະກັນຢູ່ປະເທດນີ້ນັບມື້ນັບເພີ່ມຂຶ້ນ. ຕາມຂ້າຫລວງໃຫຍ່ອົງການສະຫະປະຊາຊາດ ດ້ານອົບພະຍົບ (UNHCR) ແລ້ວ, ບ້ວງເງິນໜູນຊ່ວຍ 5,2 ຕື້ USD ແມ່ນຈຳນວນເງິນທີ່ຕ້ອງການເພື່ອໃຊ້ຈ່າຍໃຫ້ບັນດາການເຄື່ອນໄຫວໜູນຊ່ວຍປະຊາຊົນ ຊີຣີ ຢູ່ປະເທດນີ້ ແລະ ບັນດາປະເທດບ້ານໃກ້ເຮືອຍຄຽງໃນປີ 2013 ນີ້. ໃນບ້ວງເງິນໜູນຊ່ວຍນີ້, 3,8 ຕື້ USD ຈະສະຫງວນເພື່ອຊ່ວຍເຫຼືອຜູ້ອົບພະຍົບ ຊີຣີ ໄປເຖິງບັນດາປະເທດບ້ານໃກ້ເຮືອນຄຽງອື່ນ ແລະ 1,4 ຕື້ USD ສະຫງວນໃຫ້ແກ່ການເຄື່ອນໄຫວໜູນຊ່ວຍຢູ່ ຊີຣີ. ມີຜູ້ເສຍຊີວິດກ່ວາ 94.000 ຄົນ ແລະ ປະຊາຊົນ ຊີຣີປະມານ 1,6 ລ້ານຄົນ ຕ້ອງອອກຈາກປະເທດນັບແຕ່ເມື່ອເກີດເສີກກາງເມືອງຕ້ານອຳນາດການປົກຄອງຂອງປະທານາທິບໍດີ Bashar Al Assad ເມື່ອເດືອນ 3/2011.